၂၅ ဧပြီ ၂၀၂၄
▪️အမေရိကန်သမ္မတ ဂျိုးဘိုင်ဒင်သည် TikTok ၏ မိခင်ကုမ္ပဏီဖြစ်တဲ့ တရုတ်ကုမ္ပဏီအနေနှင့် အမေရိကန် မှာရှိတဲ့လုပ်ငန်းက သူ့ ရှယ်ယာထုတ်ရောင်းမှာလား သို့မဟုတ် တစ်နိုင်ငံလုံး အသုံးပြုခြင်းပိတ်ပင်ခံရမှာလား လမ်းနှစ်သွယ်ရွေးရမည့် TikTok ဥပဒေကြမ်းကို ဗုဒ္ဓဟူးနေ့ ဧပြီ ၂၄ရက်က ဥပဒေအဖြစ် လက်မှတ်ရေးထိုးလိုက်ပါတယ်။
⁉️ဘာကြောင့် ဒီကိစ္စအရေးကြီးရတာလဲ
▪️ထိုသို့ဥပဒေအဖြစ်လက်မှတ်ရေးထိုးလိုက်တဲ့အတွက် နာမည်ကျော် ဆိုရှယ်မီဒီယာ အက်ပလီကေးရှင်း ဖြစ်တဲ့ TikTok က ငုံ့မခံဘူးလို့ပြောထားပါတယ်။အဲဒါကြောင့် TikTok ကံကြမ္မာအတွက် ဥပဒေပိုင်းဆိုင် ရာ တိုက်ပွဲတွေ အများကြီးတွေ့ကြရပါဦးမယ်။
⁉️TikTok ကိုဘာကြောင့်စိတ်ပူရတာလဲ
▪️ဗုဒ္ဓဟူးနေ့က ဥပဒေအဖြစ်လက်မှတ်ရေးထိုးလိုက်တဲ့ ဥပဒေကြမ်းဟာ အချိန်ကြာကြီးကတည်းက ရှိခဲ့တာပါ။ ဘိုင်ဒင်အစိုးရက TikTok အနေနှင့် သူ့ရဲ့မိခင် ကုမ္ပဏီဖြစ်တဲ့ ByteDance အနေနှင့် အမေရိကန်နိုင်ငံသုံး အက်ပလီကေးရှင်းမှာရှိတဲ့ သူ့ရဲ့ရှယ်ယာတွေထုတ်မရောင်းရင် အပိတ်ခံရလိမ့်မယ် လို့ သတိပေးခဲ့ပါတယ်။
▪️TikTok ကိုဝေဖန်သူတွေက ကာလများစွာကပင် ယင်းအက်ပလီကေးရှင်းသည် အမေရိကန်သုံးစွဲသူတို့၏ အချက်အလက်များအတွက် အန္တရာယ်ရှိနေသည်။ အဘယ်ကြောင့်ဆိုသော် တရုတ်ဥပဒေအရ တရုတ် ကုမ္ပဏီများသည် အစိုးရထံ သတင်းအချက်အလက်များ မျှဝေပေးရဖို့ လိုအပ်သောကြောင့်ဟုဆိုပါတယ်။
▪️TikTok ကတော့ သူတို့သည် အမေရိကန်တွင် လွတ်လပ်စွာ လုပ်ငန်းလုပ်ကိုင်နေပြီး အမေရိကန်သုံးစွဲသူများ၏ သတင်းအချက်အလက်များကိုလည်း မိတ်ဖက်ပြုထားသည့် Oracle မှတစ်ဆင့်ကာကွယ်ပေး ထားပြီး နိုင်ငံရပ်ခြားမှဝင်ရောက်၍မရအောင် firewalls ကာကွယ်မှုများပြုလုပ်ထားကြောင်း အမြဲ တုန့်ပြန်ထားပါတယ်။
⁉️နောက်ကြောင်းပြန်ကြည့်ခြင်း
▪️အမှန်တကယ်တော့ TikTok ကို ရှေ့ဆောင်တိုက်ပွဲစတင်ဝင်ခဲ့သူမှာ သမ္မတဟောင်း ထရမ့်ဖြစ်ပါတယ်။ ဒါပေမယ့် လတ်တလောမှာ သူ့ကို ကြည့်ရတာ သူစခဲ့တဲ့ကိစ္စကို ပြောင်းပြန်လှန်လိုတဲ့သဘော တွေ့နေရ ပါတယ်။
⁉️ဥပဒေအသစ်ကဘာပြောထားလဲ
▪️ဥပဒေသစ်အရ TikTok ဟာ ချက်ခြင်းကြီး ပျောက်သွားစရာအကြောင်းမရှိပါ။ ByteDance ကုမ္ပဏီကို အတည်ပြုပြီးတဲ့ TikTok ဝယ်သူကိုရှာဖွေဖို့ တစ်နှစ်အထိ အချိန်ပေးထားတာကြောင့်ပါ။ အထူးသဖြင့် ByteDance ကုမ္ပဏီဟာ အရောင်းအဝယ်ကို (၉)လအတွင်းလုပ်ရမှာဖြစ်ပေမယ့် အရောင်းအဝယ်ဖြစ်လို့ သိသာထင်ရှားတဲ့ တိုးတက်မှုတွေရှိတယ်ဆိုရင် နောက်ထပ် ရက်ပေါင်း (၉၀) ထပ်တိုးပေးထားလို့ ဖြစ်ပါတယ်။
▪️အဲဒီအချိန်မှာ မရောင်းနိုင်ခဲ့ရင်တော့ TikTok ဟာ အမေရိကန်တစ်နိုင်ငံလုံးမှာ အပိတ်ခံရမှာပါ။
⁉️TikTok ကနောက်တစ်ဆင့်ဘာလုပ်နိုင်သလဲ
▪️ByteDance ကနေပြီး TikTok ကို အတင်းအကြပ်ရောင်းချတာအားလုံးကို ပိတ်ဆို့ပစ်မယ်လို့ တရုတ် အစိုးရက အချက်ပြထားပြီးပါပြီ။အဲဒါဆိုရင်တော့ ဒါဟာ အဲဒီအက်ပလီကေးရှင်းကို အမေရိကန်မှာ ပိတ်ပစ်ဖို့ အခြေအနေဆိုက်သွားလိမ့်မယ်လို့ ဝေါစထရိဂျာနယ်ကသုံးသပ်ပါတယ်။
▪️TikTok စီအီးအို ရှောင်ချူးက သူတို့အနေနှင့် အဲဒီဥပဒေအသစ်ကို အမေရိကန်ရဲ့ First Amendment ကို အခြေခံပြီး စိန်ခေါ်သွားမယ်လို့သန္နိဋ္ဌာန်ချထားပါတယ်။ First Amendment ဆိုတာ အမေရိကန်အခြေခံ ဥပဒေမှာ လွတ်လပ်စွာပြောဆိုခွင့်ကိုဟန့်တားတဲ့မည်သည့်ဥပဒေကိုမျှပြဋ္ဌာန်းခွင့်မရှိလို့ ဖော်ပြထားတာ ဖြစ်ပါတယ်။
▪️အဲဒီအပြင် TikTok ဟာ လာမယ့်နိုဝင်ဘာရွေးကောက်ပွဲကိုလည်းစောင့်နေပါတယ်။ ရွေးကောက်ပွဲမှာ မည်သည့်ပါတီနိုင်နိုင် ဒီကိစ္စကို ပြောင်းလဲပေးလိမ့်မယ်လို့ သူတို့ကမျှော်လင့်ထားပါတယ်။
▪️အကယ်၍ TikTok က အမေရိကန်ပိုင်ရှင်အသစ်ကို ရောင်းပေးလိုက်ရပြီး သူ့ကိုယ်ပိုင်စတော့ခ်နှင့် လွတ်လပ်သောကုမ္ပဏီတစ်ခုအဖြစ်တည်ထောင်ခဲ့ရင်တောင် မှ ByteDanceအနေနှင့် ရောင်းတဲ့အထဲမှာ TikTok ရဲ့ အယ်လ်ဂိုရီသမ် algorithm ကိုထည့်မရောင်းခြင်းဖြင့် အရောင်းအဝယ်ရဲ့ အရှိန်အာဏာကို လျော့ချပစ်လိုက်နိုင်ပါသေးတယ်။
▪️အမေရိကန် TikTok ဗားရှင်းမှာ အက်ပလီကေးရှင်းကို လူကြိုက်များအောင်လုပ်ပေးတဲ့ စွမ်းအားရှိတဲ့ algorithm မပါဘူးဆိုရင် ဒီကနေ့မြင်နေရတဲ့ TikTok နှင့် အမေရိကန်ဗားရှင်း TikTok တို့ လုံးဝခြားနားသွားမှာလည်းဖြစ်ပါတယ်။
▪️အဲသလိုဆိုရင် ကျယ်ပြန်တဲ့ ဈေးကွက်အတွက် ဘယ်လိုအဓိပ္ပါယ်ရှိတော့မှာလဲ။
▪️TikTokကို အတင်းအကြပ်ရောင်းခိုင်းတာပဲဖြစ်ဖြစ် ပိတ်ပစ်လိုက်တာပဲဖြစ်ဖြစ် လုပ်လိုက်မယ််ဆိုရင် အမေရိကန်မီဒီယာတွေရဲ့ လိုက်လျောညီထွေစွာဖွဲ့တည်နေတဲ့ “ဂေဟ” စနစ်ကြီးကို ဖြတ်တောက်ပစ် လိုက်သလိုဖြစ်သွားလိမ့်မယ်လို့ Axios မီဒီယာ မှ ဆာရာဖစ်ရှာကရေးသားပါတယ်။
▪️အဲသလိုဆိုရင် အခြားနိုင်ငံတွေအနေနှင့်လည်း သူတို့ရဲ့ အမေရိကန်ကုမ္ပဏီတွေကို သူတို့ရဲ့အမေရိကန် လုပ်ငန်းတွေအတင်းရောင်းပစ်တာတွေ ဒါမှမဟုတ် နိုင်ငံခြားကုမ္ပဏီတစ်ခုခုကိုရောင်းပစ်လိုက်တာတွေ ဆက်တိုက်ဖြစ်လာနိုင်ပါတယ်။
▪️ဥပဒေအသစ်ရဲ့ကျယ်ပြန်တဲ့ ဘာသာဗေဒဟာ ByteDance ရဲ့ အခြား အက်ပလီကေးရှင်းတွေအပေါ်မှာ လည်း ရှုပ်ထွေးမှုတွေဖြစ်စေနိုင်ပါတယ်။
Source : Axios ; What happens now that Biden has signed the TikTok bill
- Category: World
- Hits: 271
#Local_News
Published 25 April 2024
▪️ ရန်ကုန်တိုင်းဒေသကြီး၊ ခရမ်းမြို့နယ်တွင် အိမ်သာကျင်းပြိုကျပြီး အမျိုးသားတစ်ဦး ပိမိကာ ၄၅ မိနစ်ကြာ ကယ်ထုတ်ခဲ့ရကြောင်း မီးသတ်တပ်ဖွဲ့ထံမှ သိရသည်။
▪️ ဧပြီ ၂၅ရက် မွန်းတည့် ၁၂နာရီ ၁မိနစ်က အမှတ်(၃)ရပ်ကွက်၊ ရုပ်ရှင်ရုံလမ်းနေအိမ်တွင် အိမ်သာကျင်းပြိုကျပြီး အမျိုးသားတစ်ဦးပိမိခဲ့ကြောင်း သိရသည်။
▪️ ထို့သို့ ပိမိနေကြောင်းသတင်းရရှိသဖြင့် ခရမ်းမြို့နယ်မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ကူညီဆောင်ရွက်ပေးခဲ့ကြောင်း သိရသည်။
▪️ အဆိုပါ အမျိုးသားကို ကယ်ဆယ်ရေးလုပ်ငန်းများ လုပ်ဆောင်ပေးရာ မွန်းတည့်၁၂နာရီ ၄၆ မိနစ် ခန့် တွင် အသက်ရှင်လျက်ကယ်ထုတ်ပေးနိုင်ခဲ့ကြောင်း သိရသည်။
#YMG/LW #Yangon_Times
- Category: Myanmar
- Hits: 97
#Local_News
Published 25 April 2024
▪️ ကိုရီးယားနိုင်ငံရှိ FLCM Foundation မှ မြန်မာနိုင်ငံသို့ မီးသတ်ဝတ်စုံများ လှူဒါန်းခဲ့ကြောင်းနိုင်ငံခြားရေးဝန်ကြီးဌာန ထုတ်ပြန်ချက်အရ သိရသည်။
▪️ ကိုရီးယားသမ္မတနိုင်ငံဆိုင်ရာ မြန်မာသံအမတ်ကြီး ဦးသန့်စင်သည် ဧပြီ၂၄ရက် မွန်းလွဲပိုင်းတွင် ကိုရီးယားနိုင်ငံ၊ ဂယောင်ဂီဒိုပြည်နယ်ရှိ မီးသတ်ပစ္စည်းများထားရှိသည့် ဗဟိုဌာန (Gyeonggi-do Firefighting Equipment Logistics Center) ဖွင့်ပွဲနှင့် မြန်မာနိုင်ငံနှင့် သီရိလင်္ကာနိုင်ငံများသို့ မီးသတ်ဝတ်စုံများလှူဒါန်းသည့်ပွဲသို့ တက်ရောက်၍ ဂုဏ်ပြုကျေးဇူးတင် မိန့်ခွန်းပြောကြားခဲ့ကြောင်းသိရသည်။
▪️ ယင်းနောက် ဂယောင်ဂီဒိုပြည်နယ်လွှတ်တော်၊ လုံခြုံရေးနှင့် ပြည်သူ့စီမံခန့်ခွဲရေးကော်မတီ ဥက္ကဋ္ဌ Mr. AhnKyeil က မြန်မာနိုင်ငံသို့ လှူဒါန်းပစ္စည်းများ လွှဲပြောင်းပေးခဲ့ရာသံအမတ်ကြီးမှ လက်ခံရယူခဲ့ကြောင်းသိရသည်။
▪️ ယင်းဗဟိုဌာနသည် ကိုရီးယားနိုင်ငံတွင် ပထမဦးဆုံးဖွင့်လှစ်သည့် မီးငြိမ်းသတ်ရာတွင် အရေးပေါ်လိုအပ်သောပစ္စည်းများကို စနစ်တကျသိုလှောင်ထားသည့် ဗဟိုဌာနဖြစ်ပြီး မြန်မာ နိုင်ငံသို့ မီးသတ်အင်္ကျီ (၃၆၈) စုံ၊ မီးသတ်ဦးထုပ် (၆၄) လုံး၊ မီးသတ်လက်အိတ် (၇၈) စုံနှင့် မီးသတ်ဖိနပ် (၇၆) စုံတို့ကို မြန်မာနိုင်ငံမီးသတ်ဦးစီးဌာနသို့ ကိုရီးယားနိုင်ငံရှိ FLCM Foundation မှတစ်ဆင့် ပေးပို့လှူဒါန်းသွားမည် ဖြစ်ကြောင်း သိရသည်။
▪️ အဆိုပါ ဗဟိုဌာနဖွင့်ပွဲနှင့် မီးသတ်ဝတ်စုံများလှူဒါန်းသည့်ပွဲသို့ ဂယောင်ဂီဒိုပြည်နယ် လွှတ်တော်လုံခြုံရေးနှင့် ပြည်သူ့စီမံခန့်ခွဲရေးကော်မတီဥက္ကဋ္ဌ Mr. AhnKyeil၊ ကော်မတီအတွင်း ရေးမှူး Mr. YooGyunghyun၊ ဘူချွန်းမြို့ မီးသတ်ဌာနအကြီးအကဲ Mr. Ji Jun Ho နှင့် FLCM Foundation ဥက္ကဋ္ဌ Mr. Kim Sung Chor နှင့် ဖိတ်ကြားထားသူများ တက်ရောက်ခဲ့ကြောင်း သိရသည်။
#YMG/NN #Yangon-Times
- Category: Myanmar
- Hits: 65
#Local_News
Published_ 25 April 2024
▪️ ၂၀၂၄-၂၀၂၅ ဘဏ္ဍာနှစ်အတွက် ရန်ကုန်တိုင်းဒေသကြီးအတွင်း အခွန်စည်းကြပ်ရန်အတွက် မြို့နယ်အလိုက်သတ်မှတ်မြေဈေးနှုန်းများတွင်ကမာရွတ်မြို့နယ် ပြည်လမ်းရှိ အခွန်နှုန်းထားမှာအမြင့်ဆုံးဖြစ်နေကြောင်းစီမံကိန်းနှင့်ဘဏ္ဍာရေးဝန်ကြီးဌာနမှ ထုတ်ပြန်ထားသည့် ၂၀၂၄-၂၀၂၅ ဘဏ္ဍာနှစ် မြေရောင်း/ဝယ်ခြင်းအပေါ် အခွန်စည်းကြပ်ရန် နှုန်းထားများအရ သိရသည်။
▪️ အဆိုပါကဲ့သို့ သတ်မှတ်ရာတွင် ကမာရွတ်မြို့နယ်၊ ပြည်လမ်းပိုင်းရှိမြေကွက် တစ်စတုရန်းပေ ကျပ် ၆၀၀,၀၀၀ (ပေ ၁၀၀ ပတ်လည်အတွက် ကျပ်သိန်းခြောက်သောင်း) ဖြင့်သာ အများဆုံးသတ်မှတ်ထားကြောင်း သိရသည်။
▪️ ရန်ကုန်-အင်းစိန်လမ်းမ၊ဦးဝိစာရလမ်း၊တက္ကသိုလ်ရိပ်သာလမ်းများတွင် တစ်စတုရန်းပေအတွက် ကျပ် ၄၀၀,၀၀၀ ဖြင့် အများဆုံး သတ်မှတ်ထားသည်။
▪️ သံလွင်လမ်း၌ တစ်စတုရန်းပေအတွက် ကျပ် ၃၅၀,၀၀၀ ဖြင့်အများဆုံး သတ်မှတ်ထားပြီး လှည်းတန်းလမ်း၌တစ်စတုရန်းပေအတွက် ကျပ် ၃၀၀,၀၀၀ ဖြင့်အများဆုံး၊ ဘုရင့်နောင်လမ်း၌တစ်စတုရန်းပေအတွက် ကျပ် ၂၂၀,၀၀၀ ဖြင့်အများဆုံး သတ်မှတ်ထားသည်။
▪️ ထို့အပြင် ရပ်ကွက်အတွင်း လမ်းတွင်လမ်းမကြီးနှင့် လမ်းသွယ်ကွာခြားမှုပေါ်မူတည်၍ ၁၂,၀၀၀ကျပ်မှ ၂၅၀,၀၀၀ကျပ်အထိရှိကြောင်း သိရသည်။
#YMG/ NN #Yangon-Times
- Category: Myanmar
- Hits: 165
#Local_News
Published_ 25 April 2024
▪️ ရှေးဟောင်း CLASSIC မော်တော်ယာဉ်များပြန်လည် မှတ်ပုံတင်ခြင်းများကို ခြောက်လအတွင်းဆောင်ရွက်ပေးနေကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာနမှ အသိပေးကြေညာချက်အရ သိရသည်။
▪️ မြန်မာနိုင်ငံအနေဖြင့် ရှေးဟောင်း Classic မော်တော်ယာဉ်များကို တန်ဖိုးထားထိန်းသိမ်းနိုင်ရေး၊ သမိုင်းဝင်ယာဉ် များအဖြစ် တရားဝင်မှတ်တမ်းတင် ခွင့်ပြုနိုင်ရေးအတွက် ကုန်းလမ်းပို့ဆောင်ရေးညွှန်ကြားမှုဦးစီးဌာနတွင် ယခင်က မှတ်ပုံ တင်ထားရှိပြီးဖြစ်သော သက်တမ်းတိုး ဆက်လက်ဆောင်ရွက်ခြင်းမရှိသည့်အတွက် မှတ်ပုံတင်ဖျက်သိမ်းပြီးဖြစ်သည့် ၁၉၈၀ Model နှင့် ၎င်းမတိုင်မီ ယာဉ်များကို ရှေးဟောင်း Classic မော်တော်ယာဉ်အဖြစ် သတ်မှတ်ဒဏ်ကြေးဖြင့် ပြန်လည်မှတ်ပုံ တင် ဆောင်ရွက်ပေး နေခြင်းဖြစ်သည်။
▪️ ထိုသို့ ရှေးဟောင်း Classic မော်တော်ယာဉ်များ ပြန်လည်မှတ်ပုံတင်ဆောင်ရွက်ခြင်းကို သက်ဆိုင်ရာတိုင်းဒေသ ကြီး၊ ပြည်နယ်၊ ခရိုင် ကုန်းလမ်းပို့ဆောင်ရေးညွှန်ကြားမှုဦးစီးဌာနရုံးများတွင်၂၀၂၄ ခုနှစ်၊ ဖေဖော်ဝါရီလ ၁ ရက်မှ ဇူလိုင်လ ၃၁ ရက်အထိ ခြောက်လကာလအတွင်း ဆက်သွယ်ဆောင်ရွက်နိုင်ကြောင်းသိရသည်။
▪️ အဆိုပါ မှတ်ပုံတင်ဆောင်ရွက်ရာတွင် မူလမှတ်ပုံတင်ထားရှိခဲ့သောယာဉ်များကိုသာ ပြန်လည်မှတ်ပုံတင် ဆောင်ရွက်ပေးမည် ဖြစ်ပြီး ယာဉ်အမှတ်ကို ရောက်ရှိယာဉ်အမှတ်အသစ်ဖြင့် သတ်မှတ်ပေးသွားမည် ဖြစ်ကာ ယခင်မှတ်ပုံတင် ထားခြင်းမရှိသော ရှေးဟောင်းယာဉ်များကို မှတ်ပုံတင်ပေးမည် မဟုတ်ကြောင်း သိရသည်။
▪️ အသေးစိတ်အချက်အလက်များကို www. motc.gov.mm, www.myanmarrtad.com တို့တွင် ဝင်ရောက်ကြည့်ရှုနိုင်ကြောင်း သိရသည်။
#YMG/ NN #Yangon-Times
- Category: Myanmar
- Hits: 58
၂၅ ဧပြီ ၂၀၂၄
ထိုင်းနိုင်ငံ ပတ္တရားတွင် တရားမဝင်နေထိုင်သည့် မြန်မာနိုင်ငံသား ၂၁ ဦးကို ဖမ်းဆီးခဲ့တယ်လို့ ထိုင်းရဲကပြောပါတယ်။ ချွန်ပူရီပြည်နယ် လူဝင်မှုကြီးကြပ်ရေးရဲဌာန ဒုတိယရဲမှူးကြိး ဝီရာချိုင်း သင်ခါမွတ်ဦးဆောင်တဲ့ ရဲတွေကဆွိုင်ခိုဖိုင်းမှာရှိတဲ့ အငှားချထားတဲ့အိမ်တွေကို ယမန်နေ့ ဧပြီ ၂၄ရက်က ဝင်ရောက်စီးနင်းရှာဖွေရာမှာ တရားမဝင်မြန်မာနိုင်ငံသား ၂၁ ဦးဖမ်းဆီး ခံခဲ့ရတာဖြစ်ပါတယ်။ အိမ်နီးနားချင်းတွေက သူတို့ရဲ့အိမ်နီးချင်းမြန်မာတွေ ရဲ့ နှောက်ယှက်တဲ့ အပြုအမူတွေအပေါ် တိုင်တန်း တဲ့အတွက် ယခုလိုစီးနင်းဝင်ရောက်ခဲ့ခြင်းဖြစ်ပါတယ်။
စီးနင်းရှာဖွေမှုများအတွင်းမှာ မြန်မာအမျိုးသား ၁၉ ဦးနှင့် အမျိုးသမီး ၂ ဦးတို့ကိုတွေ့ရှိရပြီး သူတို့အားလုံးဟာ နိုင်ငံကူးလက်မှတ်မပါသူတွေ ဗီဇာမပါသူတွေဖြစ်ကြတယ်လို့သိရပါတယ်။
စီးနင်းခံရတဲ့အိမ်တွေအနီးနေထိုင်တဲ့ ဒေသခံ သီရာပေါင် ချွန်နာဘော့က သူ့အနေနှင့် အဲဒီလူတွေရဲ့ ညလုံးပေါက် ဆူဆူညံညံ အသံတွေကြောင့် စိတ်အနှောက်အယှက်အမြဲဖြစ်နေရတာကနေ အခုသက်သာသွားပြီးလို့ပြောတယ်လို့ သတင်းမှာဖော်ပြထား ပါတယ်။
အိမ်ကိုထိန်းသိမ်းစောင့်ရှောက်ပေးနေတဲ့ ဆမ်ဖိုးချီယာဘလမ်က သူ့အနေနှင့် နိုင်ငံကူးလက်မှတ်နှင့်ဗီဇာကိုင်ထားတဲ့ မြန်မာ အုပ်စုတစ်စုကို အိမ်ငှားခဲ့တာဖြစ်တယ်လို့ပြောပါတယ်။ တစ်လကို အိမ်ခန်းခ ဘတ် ၂၀၀၀နှင့် စပေါ် ဘတ်၁၀၀၀ ယူခဲ့တယ်လို့ ပြောပါတယ်။အိမ်ငှားတွေဟာ မကြာခဏဆိုသလို လိုအပ်တဲ့ တရားဝင်စာရွက်စာတမ်းမရှိတဲ့ သူတို့သူငယ်ချင်းတွေကို အိမ်ကို ဖိတ်လေ့ရှိပြီး အိမ်မှနေတတ်ကြတယ်လို့လည်းသူကပြောပါတယ်။သူ့အနေနှင့် တရားမဝင်နေတဲ့သူတွေ ဝင်တာထွက်တာကို စောင့်ကြည့်နိုင်စွမ်းမရှိဘူးလို့ သူကဝန်ခံတဲ့အကြောင်း ပတ္တရား သတင်းဌာနကရေးသားပါတယ်။
အိမ်ပိုင်ရှင်ကိုတော့ နိုင်ငံခြားသားတွေအိမ်အငှားချထားတာကို၂၄နာရီအတွင်းအကြောင်းကြားဖို့ပျက်ကွက်မှုနှင့်ဒဏ်ငွေရိုက်မှာ ဖြစ်ပြီး ဖမ်းဆီးထားတဲ့ မြန်မာနိုင်ငံသားတွေကိုတော့ ပတ္တရားရဲဌာနကိုပို့ပေးမှာဖြစ်ပြီး အဲဒီနောက် မြန်မာနိုင်ငံကို ပြန်ပို့ပေး မယ်လို့ ဒုတိယရဲမှူးကြီးကပြောပါတယ်။
@ymg/knl
- Category: Myanmar
- Hits: 97
ဂျပန်မှာပညာသွားသင်တဲ့ မြန်မာလူငယ်တွေအနေနဲ့ အချိန်ပိုင်းအလုပ်တွေနဲ့ပိပြီး စာမေးပွဲတွေ မအောင်မှာစိုးရိမ်တယ်။
ဂျပန်မှာ အလုပ်အတွက်သီးသန့်သွားသူတွေအနေနဲ့ကတော့ အလုပ်ကြိုးစားဖို့လိုအပ်ပြီး အားလပ်ချိန်တွေမှာ ဂျပန်စာကိုသင်ကာ ဂျပန်နိုင်ငံမှာပဲ စာမေးပွဲတွေဝင်ဖြေပြီး မိမိတိုဘဝကိုမြှင့်တင်ဖို့လိုအပ်တယ်။
(New Pathway Institute သင်တန်းကျောင်းမှ ဒေါက်တာမင်းညို)
#Local_News
Published_ 25 April 2024
#ဂျပန်သွားမည့်မြန်မာများ #အချိန်ပိုင်းအလုပ်တွေ
#tthl #Yangon_Times
- Category: Myanmar
- Hits: 26
#World_Health
Published 25 April 2024
▪️ မိုက်ခရိုပလတ်စတစ်တွေက လူသားတွေနဲ့ သတ္တဝါတို့ရဲ့ ကျန်းမာရေးအပေါ် ဆိုးကျိုးလာတာကို စိုးရိမ်နေကြရပါတယ်။
▪️ သေးငယ်တဲ့ ပလတ်စတစ်အမှုန်တွေက လူ့ခန္ဓာကိုယ်ထဲသို့ ဝင်ရောက်လာကာ ဦးနှောက်ထဲသို့ ရောက်ရှိလာပုံကို မကြာသေးမီက လေ့လာခဲ့ကြပါတယ်။
▪️ သုတေသီများ ဖော်ပြချက်အရ ဝင်ရောက်လာတဲ့ မိုက်ခရိုပလတ်စတစ်အမှုန်တွေဟာ အူလမ်းကြောင်းကနေ ဦးနှောက်၊ အသည်း၊ ကျောက်ကပ်များသို့ ပျံ့နှံ့သွားကြပါတယ်။
▪️ ခန္ဓာကိုယ်ထဲသို့ စတင်ဝင်ရောက်ပုံကတော့ အရေပြားဖြင့် ထိတွေ့ခြင်း၊ ရှုသွင်းမိခြင်း၊ စားမိခြင်းတို့ဖြင့် ဝင်ရောက်နိုင်ပါတယ်။
▪️ ၅ မီလီမီတာထက် သေးငယ်တာကို ပလတ်စတစ်အမှုန်လို့ခေါ်ပြီး မြေကြီး၊ အစားအစာ၊ ရေတို့မှာ ပါဝင်နေပါတယ်။
ကြွက်တွေနဲ့ စမ်းသပ်ရာမှာ သွေးရည်ကြည်၊ ဦးနှောက်၊ အသည်း၊ ကျောက်ကပ်၊ အူမကြီးတစ်ရှူးတို့မှာ မိုက်ခရိုပလတ်စတစ်များ တွေ့ရှိခဲ့ကြပါတယ်။
▪️ ဒါကြောင့် မိုက်ခရိုပလတ်စတစ်တွေဟာ အစာအိမ်အူလမ်းကြောင်းကို ကျော်လွန်ပြီး ဝေးလံတဲ့ အင်္ဂါတွေဆီ ရောက်ရှိသွားတယ်လို့ ယူဆရပါတယ်။
▪️ မိုက်ခရိုပလတ်စတစ်နဲ့ ထိတွေ့တဲ့အခါ အူမကြီး၊ အသည်း၊ ဦးနှောက်တို့မှာ ဇီဝကမ္မဖြစ်စဥ်များ ပြောင်းလဲသွားတာကို တွေ့ရှိခဲ့ကြပါတယ်။
▪️ မိုက်ခရိုပလတ်စတစ်အပြင် ဒီထက်သေးငယ်တဲ့ ပလတ်စတစ်တွေက ဦးနှောက်ထဲကို ရောက်တဲ့အခါ လုပ်ဆောင်ချက်တွေကို နှောင့်ယှက်တဲ့အပြင် ဦးနှောက်ပြဿနာများပါ ဖြစ်လာနိုင်စေပါတယ်။
▪️ အယ်လ်ဇိုင်းမားလိုမျိုး ရောဂါများ ပိုမိုဆိုးရွားလာခြင်း၊ ကလေးတွေမှာ ဦးနှောက်ဖွံ့ဖြိုးမှု ထိခိုက်ခြင်းတို့ပါ ဖြစ်လာနိုင်ပါတယ်။
#Source: WION
- Category: World
- Hits: 78
#World_News
Published 25 April 2024
▪️ အာကာသနေရာမှာ လက်နက်ပြိုင်ဆိုင်မှု မဖြစ်စေရန် နိုင်ငံအများကို တောင်းဆိုတာနဲ့ ပတ်သက်ပြီး အမေရိကန်မှ မူကြမ်းရေးဆွဲထားတဲ့ ကုလသမဂ္ဂ လုံခြုံရေးကောင်စီ စည်းမျဥ်းတစ်ခုကို ရုရှားက ဗုဒ္ဓဟူးနေ့မှာ ဗီတိုအာဏာသုံးပယ်ချလိုက်ပါတယ်။
▪️ ဒီအတွက် ရုရှားဟာ တစ်စုံတစ်ခုကို ဖုံးကွယ်ဖို့ ကြိုးစားနေတာလားလို့ အမေရိကန်က မေးခွန်းထုတ်ချင်စရာ ဖြစ်လာပါတယ်။
▪️ ရုရှားဟာ အာကာသမှာ ထားရှိဖို့ ဂြိုဟ်တုဆန့်ကျင် နျူကလီးယားလက်နက်တစ်မျိုး ထုတ်လုပ်နေတယ်လို့ အမေရိကန်က စွပ်စွဲပြီးနောက် ယခုလို မဲပေးဆုံးဖြတ်ချက် ပြုလုပ်ခဲ့တာဖြစ်ပြီး ထိုစွပ်စွဲချက်ကို ရုရှားက ငြင်းဆန်ထားပါတယ်။
▪️ အာကာသမှာ နျူကလီးယားလက်နက် ထားရှိခြင်းကို ရုရှားက ဆန့်ကျင်တယ်လို့ သမ္မတ ဗလာဒီမာပူတင်က မိန့်ကြားထားပါတယ်။
▪️ ကုလသမဂ္ဂဆိုင်ရာ အမေရိကန်သံအမတ် လင်ဒါသောမတ်စ်ဂရင်းဖီးလ်က ‘’ဒီလိုဗီတိုအာဏာသုံးတာက မေးခွန်းထုတ်ချင်စရာပါ။ အကယ်၍ စည်းမျဥ်းစည်းကမ်းတွေကို လိုက်နာတယ်ဆိုရင် ဒါတွေကို ထပ်မံအတည်ပြုမယ့် စည်းမျဥ်းဆုံးဖြတ်ချက်တစ်ခုကို ဘာကြောင့် မထောက်ခံတာလဲ’’ လို့ ကောင်စီမှာ ပြောကြားသွားပါတယ်။
▪️ အမေရိကန်ဟာ ရုရှားကို နာမည်ဖျက်ဖို့ ကြိုးစားနေတယ်လို့ ကုလသမဂ္ဂဆိုင်ရာ ရုရှားသံအမတ် ဗက်ဆလီနီဘင်ဇီယာက စွပ်စွဲလိုက်ကာ အာကာသနယ်ပယ် ငြိမ်းချမ်းရေးကို ထိန်းသိမ်းရန် ရည်ရွယ်ပြီး ရုရှားက ကောင်စီအဖွဲ့ဝင်များနဲ့ မကြာမီ ညှိနှိုင်းဆွေးနွေးသွားမှာ ဖြစ်ကာ ကိုယ်တိုင်မူကြမ်း ရေးဆွဲသွားမယ်လို့ ဆိုလိုက်ပါတယ်။
▪️ အမေရိကန်နဲ့ ဂျပန်တို့မှ ၆ ပတ်ကြာ ညှိနှိုင်းဆွေးနွေးပြီးနောက် စည်းမျဥ်းမူကြမ်းကို မဲပေးဆုံးဖြတ်ခဲ့တာ ဖြစ်ပြီး ထောက်ခံမဲ ၁၃ မဲရခဲ့ကာ တရုတ်က ကြားနေမဲ၊ ရုရှားက ဗီတိုအာဏာသုံးခဲ့ပါတယ်။
▪️ ၁၉၆၇ အာကာသ ငြိမ်းချမ်းရေး သဘာတူညီချက်အရ ကမ္ဘာဂြိုဟ်ပတ်လမ်းနားမှာ နျူကလီးယားလက်နက် တင်ဆောင်ထားတဲ့ အရာဝတ္ထုများ၊ အခြားဖျက်ဆီးရေးလက်နက် တင်ဆောင်ထားတဲ့ အရာမှန်သမျှ ထားရှိခြင်းကို တားမြစ်ထားပါတယ်။
▪️ အမေရိကန် ထောက်လှမ်းရေး အရာရှိများရဲ့ အချက်အလက်များအရ အာကာသအခြေစိုက် နျူကလီးယားဗုံးဖြင့် လှမ်းဖောက်ခွဲလိုက်ပါက လျှပ်စစ်သံလိုက်ရောင်ခြည်တွေက ဂြိုဟ်တုကွန်ရက်ကြီးကို ပြတ်တောက်သွားစေမယ့် စွမ်းရည်မျိုး ရုရှားမှာရှိမယ်လို့ ယူဆနေကြပါတယ်။
#Source: Reuters
- Category: World
- Hits: 130
#Local_News
Published_ 25 April 2024
▪️ တရုတ်နိုင်ငံ၏ နည်းပညာအကူအညီဖြင့် (၃)လအတွင်း ရန်ကုန်ရှိအထင်ကရ ဘုရားစေတီ(၁၀)ဆူမှာ ဘုရားဖူးသမိုင်းနှင့်လမ်းညွှန်စနစ်များ တပ်ဆင်သွားရန်ရှိကြောင်း မြန်မာနိုင်ငံဆိုင်ရာတရုတ်သံရုံးမှ သိရသည်။
▪️ ရန်ကုန်တိုင်းဒေသကြီးအစိုးရအဖွဲ့၏ ပြောကြားချက်အရ ဧပြီလမှစ၍ ၃ လအတွင်း ရန်ကုန်ရှိ အထင်ကရ စေတီဘုရား ၁၀ ဆူမှာ တရုတ်နိုင်ငံနည်းပညာဖြင့် ဘုရားသမိုင်းနှင့် ဘုရားဖူးလမ်းညွှန် (Pagoda Digital Directory) စနစ်ကို တပ်ဆင်ပေးသွားမည်ဖြစ်သည်ဟုဆိုသည်။
▪️ ဘုရားသမိုင်းနှင့် ဘုရားဖူးလမ်းညွှန် (Pagoda Digital Directory) စနစ်တပ်ဆင်မည့်စေတီဘုရား ၁၀ ဆူမှာ ဗိုလ်တထောင်စေတီ၊ ဆူးလေစေတီ၊ လောကချမ်းသာအဘယလာဘမုနိ ကျောက်တော်ကြီးဘုရား၊ မယ်လမုစေတီ၊ ကျိုက်ကလော့စေတီ၊ ကျိုက္ကဆံစေတီ၊ ကမ္ဘာအေးစေတီ၊ ရွှေဘုန်းပွင့်စေတီ၊ သန်လျင်ကျိုက်ခေါက်စေတီနှင့် တွံတေးရွှေဆံတော်စေတီတော်တို့ဖြစ်သည်ဟု ဖော်ပြထားသည်။
▪️ Pagoda Digital Directory သည်ခရီးသွားများအတွက် ဘုရားသမိုင်းနှင့် ဘုရားဖူးလမ်းညွှန်အသေးစိတ်အချက်အလက်များကို လေ့လာကြည်ညိုနိုင်စေဖို့ ကူညီပေးနိုင်မည် ဖြစ်သည့်အတွက် ပြည်ပခရီးသွားအရေအတွက်မြင့်တက်လာနိုင်စေနိုင်မည်ဖြစ်သည်။
▪️ ရန်ကုန်မြို့တွင် အထင်ကရစေတီဘုရားပေါင်း အဆူ ၃၀ ရှိပြီး ကနဦးဆောင်ရွက်မည့် စေတီဘုရား ၁၀ ဆူမှာ Pagoda Digital Directory များတပ်ဆင်ပြီးနောက် ကျန်ရှိသောစေတီဘုရားများ၍ ဆက်လက်တပ်ဆင်သွားမည်ဖြစ်သည်။
▪️ သာသနာရေးနှင့်ယဉ်ကျေးမှုဝန်ကြီးဌာနအနေဖြင့်လည်း သက်ဆိုင်ရာဂေါပကတွေနှင့်ပူးပေါင်းပြီး မြန်မာနိုင်ငံတစ်ဝှမ်းရှိ အထင်ကရဘုရားစေတီတွေမှာ Pagoda Digital Directory တွေ တပ်ဆင်ဖို့ကြိုးပမ်းဆောင် ရွက်နေပြီး ဧပြီလ ၁ ရက်နေ့ထိ ရွှေတိဂုံစေတီတော်၏ အရပ်လေးမျက်နှာမှာ Pagoda Digital Directoryများတပ်ဆင်ပြီးစီးခဲ့ပြီဖြစ်ကြောင်း သိရသည်။
#tthl #Yangon_Times
- Category: Myanmar
- Hits: 67
#World_Health
Published 25 April 2024
▪️ အချိုဓာတ်ပါတဲ့ အချိုရည်တွေ သောက်သုံးခြင်းဖြင့် ကလေးအစောပိုင်း ကာလတွေမှာ အဝလွန်ခြင်း ဖြစ်လာနိုင်တယ်လို့ လူအများသိရှိထားကြပါတယ်။
▪️ အခုအခါမှာတော့ ငယ်ရွယ်သေးတဲ့ကလေးတွေကို ထိုကဲ့သို့ အချိုရည်များ သောက်သုံးစေခြင်းက အရွယ်ရောက်လာတဲ့အခါ အဝလွန်နိုင်ခြေ အလွန်များတယ်လို့ ဆွမ်ဆီးတက္ကသိုလ်မှ သုတေသီများ တွေ့ရှိထားပါတယ်။
▪️ မွေးကင်းစမှ အရွယ်ရောက်စ ဗြိတိန်ကလေး ၁၄၀၀၀ ခန့်ရဲ့ စားသောက်မှုပုံစံများကို လေ့လာခဲ့ကြပါတယ်။
▪️ ကိုလာနဲ့ အချိုပါတဲ့ သောက်စရာတွေကို သောက်သုံးတဲ့ အသက် ၂ နှစ်အောက် ကလေးတွေဟာ အသက် ၂၄ နှစ်ခန့် ရောက်တဲ့အချိန်မှာ အခြားသူတွေထက် ကိုယ်အလေးချိန် ပိုများလာပါတယ်။
▪️ အသက် ၃ နှစ်အရွယ်ဖြင့် ကိုလာသောက်တဲ့ ကလေးတွေဟာ ကယ်လိုရီ၊ အဆီ၊ ပရိုတိန်း၊ သကြားဓာတ်တို့ ပိုမိုများပြားနေပြီး အမျှင်ဓာတ်တော့ ပိုနည်းနေပါတယ်။
▪️ ပန်းသီးဖျော်ရည်စစ်စစ် သောက်သုံးသူတွေကတော့ အဆီနဲ့ သကြားဓာတ်ပိုနည်းပြီး အမျှင်ဓာတ် များနေပါတယ်။
အဆင့်ဆင့်ထုပ်ပိုး ထုတ်လုပ်ထားတဲ့ အစားအစာတွေကို စားသုံးသူတွေက အချိုရည်တွေ အချိုပါတဲ့ အစားအစာတွေ ပိုမိုစားသုံးဖြစ်ပါတယ်။
▪️ အချိုရည်သောက်ခြင်းနဲ့ လူမှုရေးချို့တဲ့ခြင်းတို့ကြား ဆက်စပ်မှုရှိတာကို တွေ့ရှိခဲ့ကြပါတယ်။
▪️ ကလေးတွေမှာ အဆီနဲ့ အချိုဓာတ်နည်းပြီး ကျန်းမာရေးနဲ့ ညီညွတ်တဲ့ အစားအသောက်တွေ စားသောက်ဖြစ်အောင် အလေ့အကျင့် လုပ်ပေးသင့်တယ်လို့ စိတ်ကျန်းမာရေးပညာရှင် ပရော်ဖက်ဆာ ဒေးဗစ်ဘင်တန်က ဆိုပါတယ်။
▪️ အဝလွန်ခြင်းက စိုးရိမ်စရာ ကျန်းမာရေးတစ်မျိုး ဖြစ်ပြီး အခြားရောဂါများလည်း ဖြစ်စေကြောင်း ဒေါက်တာဟာလေယန်းက ပြောပြသွားပါတယ်။
#Source: The Jerusalem Post
- Category: World
- Hits: 72
ကုလသမဂ္ဂကမ္ဘာ့စားနပ်ရိက္ခာအဖွဲ့၏ အကူအညီဖြင့် ဂါဇာမှမုန့်ဖုတ်ဆိုင်အများအပြား စတင်လည်ပတ်
ကုလသမဂ္ဂ ကမ္ဘာ့စားနပ်ရိက္ခာပရိုဂရမ် (WFP)ရဲ့ အကူအညီဖြင့် ဂါဇာမြို့မှ မုန့်ဖုတ်ဆိုင်အများအပြားဟာ ၆ လအတွင်း ပထမအဆုံးအနေဖြင့် ပြန်လည်လုပ်ကိုင်နေပြီ ဖြစ်ပါတယ်။
#World_News
Published 24 April 2024
#ကုလသမဂ္ဂကမ္ဘာ့စားနပ်ရိက္ခာအဖွဲ့ #ဂါဇာမှမုန့်ဖုတ်ဆိုင်
#YMG_News #Yangon_Times #Yangon_Media_Group
- Category: World
- Hits: 29