- Category: World
- Hits: 111
- Category: World
- Hits: 39
၅ မေ ၂၀၂၄
ထိုင်းနိုင်ငံ ဆူရတ်သနီပြည်နယ်မှ အိမ်ဖော်အမျိုးသမီးကြီးတစ်ဦးဟာ ကိုယ့်ကိုကိုယ်အဆုံးစီရင်သွားသည့် အိမ်ရှင် ပြင်သစ်အမျိုးသမီးတစ်ဦးက ပေးခဲ့တဲ့ ဒေါ်လာသန်းချီရှိအမွေတွေရရှိခဲ့တယ်လို့ ထိုင်းမီဒီယာ တွေက သတင်းဖော်ပြကြပါတယ်။
မဒမ်ကက်သရင်းလို့ သိထားကြတဲ့ အသက် ၅၉နှစ်အရွယ် ပြင်သစ်လုပ်ငန်းရှင်အမျိုးသမီးသည် ဆူရတ်သနီပြည်နယ်၊ခို ဆာမွီမြို့ရှိ တန်ဖိုးကြီးလှတဲ့ စံအိမ်တော်ကြီးတစ်ခုမှာ နေထိုင်ရင်း ကိုယ့်ကို ကိုယ် သေနတ်နှင့်ပစ်ပြီးအဆုံးစီရင်သွားခဲ့တာဖြစ်ပါတယ်။သူမဟာ ကွယ်လွန်သွားပြီးနောက် ဘတ်ငွေ သန်း၁၀၀ (အမေရိကန်ဒေါ်လာ ၂.၇သန်းခန့်)နှင့် ကြောင်သုံးကောင်ကျန်ရစ်ပြီး သူမရဲ့ အိမ်ဖော် အမျိုးသမီးကြီး ပါတင်ကို သူမရဲ့သေတမ်းစာထဲမှာ ကြိုရေးထားပြီး အဲဒါတွေ အမွေပေးခဲ့တာလို့ သိရပါ တယ်။
အန်တီတင်(ပါတင်)ဟာ ဆာခွန်နက်ခွန်ပြည်နယ် ဝါနွန်နီဝပ်စ် ခရိုင်က ဖြစ်ပါတယ်။ ပြီးခဲ့တဲ့ ကြာသပတေးက မဒမ်ကက်သရင်းရဲ့ ကြေကွဲဖွယ်အဖြစ်ဆိုးကို သူမသိရပြီးနောက် အတော်ပင်ဝမ်းနည်း တုပ်လှုပ်သွားတယ်လို့ မျက်ရည်တွေဖြိုင်ဖြိုင်ကျရင်း မီဒီယာကိုပြောပါတယ်။
မဒမ်ကက်သရင်းကို သိတာ ၁၇နှစ်ကျော်ပြီလို့ အိမ်ဖော်အမျိုးသမီးကြီး အန်တီတင်က ပြောပါတယ်။ သူမရဲ့သူငယ်ချင်းတစ်ဦးက မဒမ်ကက်သရင်းဆီမှာ အိမ်ဖော်လုပ်ပေးဖို့ မိတ်ဆက်ပေးခဲ့တာ လို့ဆိုပါ တယ်။
အဲဒီနောက်ပိုင်းမှာကက်သရင်းဟာ သူမရဲ့လုပ်ငန်းတွေကို တိုးချဲ့ခဲ့ပါတယ်။ သူမဟာ အခန်းတွေ အိမ်ငှားလုပ်ရာကနေ အပန်းဖြေစံအိမ်တွေငှားရမ်းတဲ့လုပ်ငန်းအထိပိုင်ဆိုင်လာခဲ့ပါတယ်။ အန်တီတင်ဟာ ကက်သရင်းဆီမှာပဲ တောက်လျောက်အလုပ်လုပ် ပေးခဲ့ပါတယ်။ သူမဟာ တစ်လကို ထိုင်းဘတ်ငွေ ၂၂၀၀၀ လစာရရှိပါတယ်။
ဧပြီ ၂၈ ရက် ဖြစ်ရပ်ဆိုးမဖြစ်ခင်မှာ အန်တီတင်ဟာ အိမ်ကို အရင်အတိုင်းပဲ သန့်ရှင်းရေးလုပ်ပေးဖို့ သွားခဲ့ပါတယ်။ နေ့လယ်ခင်းရောက်တော့ သူမအနေနှင့် ဒီနေ့မွေးနေ့မို့လို့ ဘုရားတက်ချင်ကြောင်း ကက် သရင်းထံမှာ အန်တီတင်ကခွင့်တိုင်ခဲ့ပါတယ်။ ကက်သရင်းကခွင့်ပေးပြီး” ပျော်ရွှင်ဖွယ်မွေးနေ့ဖြစ်ပါစေ” လို့တောင် ဆုတောင်းပေးလိုက်ပါသေးတယ်တဲ့။
နောက်တစ်ရက်မှာ ရေကူးကန်သန့်ရှင်းရေးအလုပ်သမားက အန်တီတင်ကိုလှမ်းခေါ်ပါတယ်။ ကက် သရင်းဟာ မြေပေါ်မှာ သွေးအလူးလူးနှင့် လဲကျနေတယ်လို့ပြောပါတယ်။အဲဒါနှင့် အန်တီတင်ဟာ ထိတ်လန့်သွားပြီး အိမ်ကို အမြန်သွားပါတယ်။ အိမ်ရောက်တော့ သူမရဲ့ အလုပ်ရှင် ကက်သရင်းဟာ နားထင်မှာ သေနတ်ဒဏ်ရာနှင့် သေဆုံးနေတာတွေ့လိုက်ရပါတော့တယ်။
ကက်သရင်းက အန်တီတင်ထံသို့ LINE ကနေမက်ဆေ့ချ်ပို့ထားတာ တွေ့လိုက်ရပါတယ်တဲ့။ အဲဒီမက်ဆေ့ချ်အရ ကက်သရင်းက မီးခံသေတ္တာထဲမှာ နှုတ်ဆက်စာထားခဲ့တယ်လို့ ရေးထားပါတယ်။ အဲဒါကြောင့် အန်တီတင်နှင့် ကက်သရင်းသူငယ်ချင်းတို့ မီးခံသေတ္တာဖွင့်ကြည့်တဲ့အခါ စာတစ်စောင်ကို တွေ့လိုက်ရပါတယ်။
“ စာကို ပြင်သစ်လိုက “ အော်ရဗွား”” ဂွတ်ဘိုင်” လို့ နှုတ်ဆက်စတင်ထားပါတယ်။ “ ကျွန်မရဲ့ ခရီးဒီမှာ အဆုံးသတ်ပြီ။ ရှင်ဟာ စိတ်ချယုံကြည်ရသူတစ်ဦးလို့ ကျွန်မရိုးသားစွာယုံကြည်တယ်။ အဲဒါကြောင့် ကျွန်မမီးခံသေတ္တာထားခဲ့တယ်။ ဒုတိယကော်ပီက တင်မ်(အန်တီတင်)အတွက်ပါ။ ကျွန်မကို မီးသင်္ဂြုဟ် ပြီး ပြာတွေကို ကြဲပက်ပေးစေချင်တယ်။ ဖြစ်နိုင်ရင် ဆာပရော့တ်မှာပေါ့” လို့ ကက်သရင်းက သေတမ်းစာမှာ ရေးထားပါတယ်။
စာထဲမှာ ကက်သရင်းအနေနှင့် သူမရဲ့ မြေခြံဝင်းအပါအဝင်စံအိမ်၊ ကပ်လျက်ရှိနေတဲ့မြေတွေ၊ ဇိမ်ခံကား တွေ၊မီးခံသေတ္တာထဲက လက်ဝတ်ရတနာတွေ၊လက်စွပ်တွေ၊ စိန်တွေနှင့် ဘဏ်မှာအပ်ထားတဲ့သူ့ငွေတွေ အားလုံးကို ပါတင် (အန်တီတင်)သို့ အမွေပေးခဲ့ပါတယ်လို့ရေးထားပါတယ်။
အဲဒီအပြင် သူမရဲ့ နောက်ထပ် စံအိမ်နှစ်အိမ်ကိုလည်း သူမရဲ့ ခင်ပွန်းဟောင်း မစ္စတာ ဗင်းဆင့်ထံ အမွေပေးခဲ့တယ်လို့ရေးထားပါတယ်။ အဲဒီအပြင် သူမရဲ့ အချစ်တော်ကြောင်သုံးကောင်ကိုလည်း အန်တီ တင်ဆက်မွေးပေးဖို့ သေတမ်းစာထဲရေးသားထားပါတယ်။
“ သူမကို ကျွန်မနှင့်အတူပဲနေစေချင်တယ်။ ဒါမျိုးမဖြစ်ချင်ဘူး။ သူမဆီက ကျွန်မ အများကြီးရပြီးပြီ။ ဒါပေမယ့် သူမကိုတော့ဆုံးရှုံးသွားပြီ။ ကျွန်မအသည်းတွေကြေကွဲရပါပြီ။ သူမကို သိပ်သတိရနေတယ်။ ကျွန်မကို သူမ မထားရစ်ခဲ့စေချင်ဘူး။သူမဟာ ကျွန်မရဲ့မိခင်လိုပဲ။ သူမနှင့်အတူနေခဲ့တဲ့ တလျောက် ကျွန်မကို စောင့်ရှောက်ပေးခဲ့တာ။ကျွန်မအကောင်းဆုံးလုပ်ပါမယ်လို့ကတိပေးပါတယ်” လို့ ပါတင်က ပြောပါတယ်။
ပါတင်မှာ သားသမီး လေးယောက်ရှိပါတယ်။ သူမမသေခင်မှာ ကက်သရင်းဟာ ပါတင်အတွက်လစာ၊ အင်တာနက်ဖိုး၊ရေဖိုးနှင့်မီးဖိုးတွေ အပြည့်ဆောင်သွားခဲ့တယ်လို့လည်း သိရပါတယ်။ အဲဒီအပြင် ကက်သရင်းက သူမရဲ့ အသုဘအခမ်းအနားအတွက် ကုန်ကျစရိတ် ဘတ်ငါးသိန်းကိုလည်း ကြိုတင် ငွေလွှဲသွားခဲ့ပါသေးတယ်။ သူမရဲ့ အသုဘအခမ်းအနားကို သေသေချာချာလုပ်ပေးမယ်လို့ ပါတင်က ကတိပြုလိုက်ပြီး မဒမ်ကက်သရင်းရဲ့ကြင်နာမှုတွေကို သူမဘယ်တော့မှမေ့ရတော့မှာ မဟုတ်ဘူးလို့ အန်တီတင်(ပါတင်)ကပြောပါတယ်။
အနာဂတ်မှာ ဒီစံအိမ်ကြီးကို သူမဘာလုပ်ရမယ် မသိသေးဘူးလို့ ပါတင်ကပြောပါတယ်။ သေချာတာက တော့ အဲဒီအိမ်ကြီးကို သူမမရောင်းဘူးလို့ လည်းဆိုပါတယ်။ သူမအနေနှင့်ကားမမောင်းတတ်ပေမယ့် ကက်သရင်းအမွေပေးသွားတဲ့ ဇိမ်ခံကားတွေကိုလည်း သူမအနေနှင့် ရောင်းပစ်မှာ မဟုတ်ဘူးလို့ ပြောပါ တယ်။
ကက်သရင်းကိုယ့်ကိုကိုယ်သတ်သေတာဟာ သူမကျန်းမာရေးကောင်းတဲ့အတွက် စိတ်ဖိအားကြောင့်လို့ ထင်တယ်လို့ ပါတင်က ပြောပါတယ်။ ကက်သရင်းဟာ သွေးလိပ်ခေါင်းရောဂါရှိရာကနေ ကင်ဆာရောဂါဖြစ်သွားတဲ့အထိရောဂါခံစားနေရသူဖြစ်ပါတယ်။ သူမဟာ ငြိမ်းငြိမ်းချမ်းချမ်းသေဆုံးသွား လိုတာဖြစ်နိုင်တယ်လို့ ပါတင်ကပြောတဲ့အကြောင်း ထိုင်းမီဒီယာတွေကရေးပါတယ်။
@ymg/knl
- Category: World
- Hits: 952
- Category: World
- Hits: 239
စားအုန်းဆီ ဖြန့်ဖြူးရောင်းချသူတွေအနေနဲ့ မသမာသော ရည်ရွယ်ချက်ဖြင့် စားအုန်းဆီကို အခြားဆီတွေ ရောနှော ရောင်းချတာတွေ မပြုလုပ်ဖို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းက အသိပေးထုတ်ပြန်လိုက်ပါတယ်။
Yangon_Times/LW
#Local_News
#Published_ 04 May 2024
#YMG_News #Yangon_Times #Yangon_Media_Group
- Category: Myanmar
- Hits: 47
Published 05 May 2024
သုတေသီတွေက ရေနဲ့ဆားကို ရောနှောပြီး အာရုံကြောကလာပ်စည်း ဆုံချက်အတုတွေကို ဖန်တီးလိုက်ကာ လူသားဦးနှောက်လိုမျိုး စွမ်းဆောင်နိုင်မယ့် အဆင့်မြင့်ကွန်ပျူတာများ ထုတ်လုပ်နိုင်မယ့် လမ်းစဖြစ်လာပါတယ်။
ထိုဦးနှောက်ဆဲလ်အတုတွေကို နယ်သာလန်မှ အူထရက်ချ်တက္ကသိုလ်နဲ့ တောင်ကိုရီးယားမှ ဆိုကန်တက္ကသိုလ်တို့အဖွဲ့တွေက ထုတ်လုပ်ခဲ့တာ ဖြစ်ပြီး ဦးနှောက်တွေ အသုံးပြုတဲ့ ဆားနဲ့ရေတို့ကိုပဲ အသုံးပြုထားပါတယ်။
သိပ္ပံပညာရှင်တွေက လူသားဦးနှောက်တွေလိုမျိုး စွမ်းဆောင်ရည်မြင့်ပြီး စွမ်းအင်ထိရောက်မှုရှိတဲ့ ကွန်ပျူတာတွေကို ထုတ်လုပ်ဖို့ ဆန္ဒရှိနေကြပါတယ်။
လူသားဦးနှောက်တွေက ရေနဲ့ ပျော်ဝင်ဆားမှုန်တွေကို ကြားခံအဖြစ် အသုံးပြုတာ ဖြစ်ပါတယ်။
လက်ရှိကွန်ပျူတာတွေကတော့ သမားရိုးကျ အစိုင်အခဲတွေကိုသာ မှီခိုနေပါတယ်။
ကွန်ပျူတာပိုင်း တိုးတက်လာမှုက လူသားဦးနှောက်ရဲ့ ချိတ်ဆက်မှုပုံစံသာမက ကြားခံပစ္စည်းကိုပါ တုပလာနိုင်စွမ်းရှိတယ်လို့ အူထရက်ချ်တက္ကသိုလ်မှ တင်မ်ကမ်စ်မာက ဆိုပါတယ်။
သိပ္ပံပညာရှင်တွေ ဖန်တီးလိုက်တဲ့ ကိရိယာက Iontronic Memristor လို့ခေါ်ပြီး အထဲမှာ ဆားနဲ့ရေပါဝင်ပါတယ်။
ကတော့ပုံသဏ္ဍာန်ဖြစ်ပြီး ၁၅၀ x ၂၀၀ မိုက်ခရိုမီတာသာ ကျယ်ပြီး လူသားဆံပင် ၃-၄ ပင်မျှသာ ရှိပါတယ်။
အာရုံကြောကလာပ်စည်းအတုတွေက အစိုင်အခဲကြားခံတွေမှာ ရှိပြီးသား အချက်အလက်တွေကို လုပ်ဆောင်နိုင်ပြီး အခုတော့ ရေနဲ့ဆားကို အသုံးပြုပြီး ပထမဆုံးအနေဖြင့် လုပ်ဆောင်နိုင်တော့မှာ ဖြစ်တယ်လို့ ဆိုပါတယ်။
Source: WION.
#World_Science
#Published_ 05 May 2024
#YMG_News #Yangon_Times #Yangon_Media_Group
- Category: World
- Hits: 61
၄ ဧပြီ ၂၀၂၄
ရုရှားက ယူကရိန်းသမ္မတ ဗိုလိုဒီမီယာ ဇီလင်စကီးကို ရာဇဝတ်ပြစ်မှုဖြင့် အမှုဖွင့်ကာ သူ့ကို “ အလိုရှိ” စာရင်းထဲ ထည့်သွင်းလိုက်တယ်လို့ ရုရှားရဲ့ နိုင်ငံပိုင်မီဒီယာဖြစ်တဲ့ TASS က စနေနေ့မှာ သတင်းထုတ်ပြန်ပါတယ်။ ယူကရိန်းကတော့ အဲဒါကို ပယ်ချလိုက်ပြီး ဒါဟာ ရုရှားရဲ့ ကြံရာမရဖြစ်နေတဲ့ သက်သေတစ်ခုပဲလို့ တုန့်ပြန်လိုက်ပါတယ်။
ရုရှားရဲ့ပြည်ထဲရေးဝန်ကြီးဌာန ရဲ့ အချက်အလက်မှတ်တမ်းထဲမှာ ဇီလင်စကီးကို “ အလိုရှိနေသူ” များ စာရင်းထဲထည့်သွင်းထားတာတွေ့ရတယ်လို့ TASS ကရေးပေမယ့် အသေးစိတ်ကိုဖော်ပြထားခြင်း မရှိပါဘူး။
Source Reuters
- Category: World
- Hits: 147
ဂျပန်ယန်းငွေ သမိုင်းတွင်လောက်အောင် တန်ဖိုးလျော့ကျခြင်းကြောင့် တိုင်းပြည်အတွင်း နေထိုင်စားသောက်ရေး ထိခိုက်လာကာ ဂျပန်ပြည်သူ အများအပြား ချိုးခြံချွေတာနေရပါတယ်။
တနင်္လာနေ့နံနက်မှာ ယန်းငွေတန်ဖိုးက ၃၄ နှစ်တာအတွင်း အမေရိကန် တစ်ဒေါ်လာကို ၁၆၀ အောက် ကျဆင်းခဲ့ပြီး ၁၉၉၀ ဧပြီလနောက်ပိုင်း ပထမဆုံးအကြိမ် ဖြစ်ခဲ့ပါတယ်။
#World_Economy
#Published_ 04 May 2024
#YMG_News #Yangon_Times #Yangon_Media_Group
- Category: World
- Hits: 54
#Daily_News
Published_04 May 2024
၁။ ရွှေတိဂုံစေတီတော်လုံးတော်ပြည့် ရွှေသင်္ကန်းကပ်လှူနိုင်ရန် စီစဉ်ဆောင်ရွက်နေ၊ မိုးကုန်မှစနိုင်မည်ခန့်မှန်း
၂။ ရာသီချိန်ဖြစ်သော်လည်း ထန်းလျက်ကုန်အဝင်နည်းပြီး စျေးမြင့်နေ
၃။ သက်ြန်ကာလနောက်ပိုင်း ပြောင်းဈေး ပြန်တက်နေ
၄။ ဂျပန်ယန်းငွေတန်ဖိုးကျဆင်းလာကာ အစားအသောက်နှင့် အခြားစရိတ်စကများမြင့်တက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Times #Daily_News #YMG_News #Yangon_Media_Group
- Category: Myanmar
- Hits: 52
မိုးခေါ်ပွဲတွေကို မြန်မာနိုင်ငံမှာသာမက နိုင်ငံတော်တော်များများမှာလည်း ဆောင်ရွက်နေကြပြီး မြန်မာနိုင်ငံရိုးရာ မိုးခေါ်ပွဲကို ယူနက်စကိုက အသိအမှတ်ပြုအောင်ရည်ရွယ်ကျင်းပတာဖြစ်တယ်။
Yangon_Times/tthl
#Local_News
#Published_ 04 May 2024
#YMG_News #Yangon_Times #Yangon_Media_Group
- Category: Myanmar
- Hits: 78
Published 4 May 2024
မွန်ပြည်နယ် ဘီးလင်းမြို့နယ် သပြေနီကျေးရွာ အနီး ယာဉ်တစ်စီးတိမ်းမှောက်မှု ဖြစ်ကာ အမျိုးသားတစ်ဦးေ-သဆုံးမှု ခဲ့ကြောင်းဘီးလင်းမြို့အရေးပေါ်ကယ်ဆယ်ရေးအဖွဲ့စုစည်းအားမာန်လူမှုကူညီရေးအသင်းထံက သိရသည်။
မေလ ၄ရက် မနက်ပိုင်းက ဘီးလင်းမြို့နယ် သပြေနီကျေးရွာအဝင်ကွေ့တွင် အန်ဇာတုန်းယဥ် အရှိန်လွန်တိမ်းမှောက်မှု့ဖြစ် ပွားခဲ့ခြင်း ဖြစ်သည်။
အဆိုပါယာဉ် တိမ်းမှောက်မှုကြောင့်ယာဉ်ပေါ်ပါ ၈ဦး အနက် ၆ဦး ထိခိုက်ဒဏ်ရာရရှိ ခဲ့ ပြီး အမျိုးသားတစ်ဦးမှာ ဦးခေါင်း ထိခိုက်ဒဏ်ရာ နှင့်ညာခြေပြတ်ဒဏ်ရာ များ ဖြင့် ဆေးရုံ သို့ပို့ဆောင်စဉ် သေဆုံးခဲ့ကြောင်း သိရသည်။
ထိခိုက်ဒဏ်ရာရသူများကို ဘီးလင်းဆေးရုံသို့ အရေးပေါ်ကယ်ဆယ်ရေးယာဥ်(3)စီးဖြင့်ပူးပေါင်းကူညီကယ်ဆယ်ပေးခဲ့ကြကြောင်း သိရသည်။
Yangon_Times/LW
#Local_News
#Published_ 04 May 2024
#YMG_News #Yangon_Times #Yangon_Media_Group
- Category: Myanmar
- Hits: 177
သက်ြန်မတိုင်မီက ကျဆင်းခဲ့တဲ့ မြန်မာ့ပြောင်းဆံဈေးနှုန်းတွေက သက်ြန်ကာလနောက်ပိုင်းကနေ ပြောင်းဈေး တွေ ပြန်တက်နေတယ်လို့ မြန်မာနိုင်ငံ ပြောင်းလုပ်ငန်းအသင်းက သိရပါတယ်။
Yangon_Times/NN
#Local_News
#Published_ 04 May 2024
#YMG_News #Yangon_Times #Yangon_Media_Group
- Category: Myanmar
- Hits: 57