#Local_News
Published _12 November 2022
မူဆယ်မြို့နှင့် ၁၀၅ မိုင် ကုန်သွယ်ရေးစခန်းကြား တွဲကားတိမ်းမှောက်၍ လူတစ်ဦး သံချောင်းပိသေဆုံးသွားကြောင်း နှလုံးလှပရဟိတ (မူဆယ်) အဖွဲ့၏ တာဝန်ရှိသူက ပြောသည်။
"မနေ့က နိုဝင်ဘာလ ၁၁ ရက် မနက်ပိုင်းက ဖြစ်တာဗျ၊မူဆယ်မြို့နဲ့ ၁၀၅ မိုင်ကြာပေါ့၊ ကားက သံချောင်းတင်လာတဲ့ တွဲကားပါ၊ဒရိုင်ဘာ သေသွားတာပါ။ ကားပေါ်ပါလာတဲ့ သံချောင်းတွေပြန်ပိပြီးသေသွားတာပါ၊ စပါယ်ယာတော့မသေဘူး၊ နဖူးကနေဦးခေါင်းလန်သွားတယ်အနောက်ရောက်တဲ့အထိ၊ ဘယ်ဖက်ဝမ်းဗိုက်ပေါက်ထွက်သွားတယ်၊ ခြေထောက်တွေ၊ လက်တွေလဲရစရာမရှိဘူး"ဟု အဆိုပါ တာဝန်ရှိသူကပြောသည်။
သေဆုံးသူမှာ မန္တလေးတိုင်းဒေသကြီးအတွင်းက ဖြစ်ပြီး ယနေ့နိုဝင်ဘာလ ၁၂ ရက်တွင် သင်္ဂြိုဟ်ခဲ့ကြောင်း သိရသည်။
#ymg/mt
#Yangon_Media_Group
- Category: Myanmar
- Hits: 420
#Local_News
Published _ 12 November 2022
အစိုဓာတ် ၁၄ ရာခိုင်နှုန်းရှိ၍ အဖျင်း၊ အမှော်၊ ဖုန်၊ သဲ၊ ခဲ ကင်းစင်ပြီး အရည် အသွေးဆိုင်ရာ သတ်မှတ်စံချိန်စံညွှန်းများနှင့်ကိုက်ညီသည့် တစ်တင်း (၄၆)ပေါင်ကိုက် စပါးတင်း(၁၀၀)၏ အခြေခံရည်ညွှန်းစပါးဈေးနှုန်းအား ၆၃၀၀၀၀ ကျပ်အဖြစ် တောင်သူလယ်သမားအခွင့်အရေးကာကွယ်ရေးနှင့်အကျိုးစီးပွားမြှင့်တင်ရေးဦးဆောင်အဖွဲ့မှ ယမန်နေ့က ဥပဒေပါ ပြဌာန်းချက်များနှင့်အညီ ထုတ်ပြန် ကြေညာခဲ့သည်။
သို့သော် ပြီးခဲ့တဲ့ အောက်တိုဘာလမှစ၍ ယခုနိုဝင်ဘာလအထိ ဆန်စပါးစျေးနှုန်းများမှာ အကျဖက်သို့ရောက်ရှိခြင်းမရှိဘဲ အတက်စျေးဖြင့်သာရှိနေကြောင်း ဆန်စပါးအရောင်းအဝယ်ပြုလုပ်သူများထံမှ သိရသည်။
သတ်မှတ်ချက်နှင့်ကိုက်ညီသည့် ဆန်စပါး တင်း ၁၀၀ လက်ရှိပေါက်စျေးဟာ ၁၃သိန်းနှင့်အထက်သို့ ရောက်ရှိနေပြီး စပါးလက်ကျန်အဝယ်များလိုက်နေ၍ ဆန်စျေးများမှာလည်း ဆက်လက်တက်နိုင်မည်ဖြစ်ကြောင်း ဆန်စပါးစိုက်ပျိုးသူတစ်ဦးမှ YMG ကိုဖြေကြားခဲ့သည်။
"ဆန်စျေးကတော့ လတ်တလော တက်နေတယ်လို့ပဲပြောရမှာပေါ့။ လက်ရှိမှာ ၁၀သိန်းနဲ့အထက်ကိုတော်တော်လေးရောက်နေပါတယ်။ဆက်တက်ဖို့အနေအထားကတော့ ရှိနေသလောက်ဖြစ်နေပါတယ်။ ဆန်စပါးကုန်သည်တွေရဲ့စျေးကစားမှုတွေနဲ့လည်း ဆိုင်ပါတယ်။ သူတို့ကပိုသိပါတယ်" ဟု ဆန်စပါး စိုက်ပျိုးသူ ကိုဘိုဘိုက ဆိုသည်။
ဧရာဝတီတိုင်းရှိ စပါးစျေးများမှာ ကောက်ကြမ်းစပါး တင်း၁ရာလျှင် ငွေကျပ် ၁၃သိန်း၊ ကောက်ချောစပါး တင်း ၁ရာလျှင် ငွေကျပ် ၁၆သိန်း ၄သောင်း၊ ရွှေသွယ်စပါး တင်း၁ရာလျှင် ငွေကျပ် ၁၄သိန်း အသီးသီးရှိနေကြောင်း အဆိုပါစျေးကွက်မှတဆင့် သိရသည်။
ဆန်စျေးများအနေဖြင့် ဆင်းသုခ၊ မနေသုခ မျိုးပွားတစ်အိတ်လျှင် ငွေကျပ် ၄၃၀၀၀၊ ပေါ်ဆန်းယဥ်တစ်အိတ်လျှင် ငွေကျပ် ၅၃၀၀၀၊ ဧရာဝတီပေါ်ဆန်းတစ်အိတ်လျှင် ကျပ် ၆၅၀၀၀ နှင့် အရောင်းအဝယ်ပြုလုပ်နေလျှက်ရှိကြောင်း သိရှိရသည်။
#ymg/NN
#Yangon_Media_Group
စပါးတင်း ၁၀၀ အခြေခံရည်ညွှန်းစျေး ၆၃၀၀၀၀ ကျပ် သတ်မှတ်ထားသော်လည်း ပြင်ပစျေးကွက်၌ ၁၃ သိန်းအထက်တွင်ရှိနေ
- Category: Myanmar
- Hits: 381
#Local_News
Published_12 November 2022
မြန်မာ-တရုတ်နယ်စပ်ကုန်သွယ်ရေးစခန်းတစ်ခုဖြစ်သည့် ချင်းရွှေဟော်ကုန်သွယ်ရေးစခန်းမှ ပြောင်းတင်ပို့မှုများပြားနေကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။
ချင်းရွှေဟော်ကုန်သွယ်ရေးစခန်းမှ တရုတ်နိုင်ငံသို့ ဆန်ကွဲ၊ ရော်ဘာ၊ နှံစားပြောင်း၊ ပြောင်းတို့ကိုအဓိကထားတင်ပို့လျှက်ရှိပြီး ဝဥအစို၊ ဝဥအခြောက်၊ (ရော်ဘာကြမ်း) တို့ကိုလည်း တင်ပို့လျက်ရှိကြောင်း သိရသည်။
ယခုရက်ပိုင်းအတွင်း ပြောင်းရာသီ ရောက်ရှိလာပြီ ဖြစ်သည့်အတွက် ပြောင်းတင်ပို့မှုမှာ များပြားနေကြောင်း၊ ယင်းအပြင် ချင်းရွှေဟော်ကုန်သွယ်ရေးစခန်း၏ တစ်ပတ်အတွင်း လုပ်ငန်းဆောင်ရွက်မှုမှာ ပို့ကုန်ဆောင်ရွက်မှုမှ အမေရိကန်ဒေါ်လာ ၄ ဒသမ ၁၅၅ သန်းရရှိထားကြောင်းစာရင်းများအရ သိရသည်။
သွင်းကုန်တင်သွင်းမှုအနေဖြင့် စားသောက်ကုန်၊ ဆေးနှင့်ဆေးဝါး ပစ္စည်းများ၊ လယ်ယာသုံးပစ္စည်းတို့ကို အဓိကတင်သွင်းလျက်ရှိပြီး ယခုတစ်ပါတ်အတွင်း အိမ်ရိုက်သံ၊ သံပိုက်၊နန်းခွေ၊ အပင်ပိုးသတ်ဆေးများ၊ မြေဆီ၊ စောင်၊ ကြွေပြား၊ စက်ဘီးအပိုပစ္စည်းများ၊ စက်အပို ပစ္စည်း များ၊ ကြက်အူချောင်း၊ စတီးချိုင့်၊ စတီးလင်ဗန်း၊စတီးဇွန်း/ခက်ရင်း၊ စတီးဇလုံ၊စတီးခွက်၊ ကော်စေ့များ စသည့် လူသုံးကုန်ပစ္စည်းများ၊ ဆေးနှင့်ဆေးဝါးပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများကို အများဆုံးတင်သွင်းနိုင်ခဲ့ကြောင်း သိရသည်။
#ymg/sth
#Yangon_Media_Group
- Category: Myanmar
- Hits: 344
#Local_News
Published_12 November 2022
မြန်မာ-အိန္ဒိယနယ်စပ်ဒေသများတွင် မြန်မာနိုင်ငံဘက်မှ တရားမဝင် ကျွဲ၊ နွားစသည့် တိရိစ္ဆာန်အရှင်များကို တရားမဝင်တင်ပို့မှုများရှိနေကြောင်း စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ သိရသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ဖော်ပြထားသည့်စာရင်းများအရ ၂၀၁၈-၂၀၁၉ ဘဏ္ဍာနှစ်မှ ၂၀၂၂-၂၀၂၃ ဘဏ္ဍာနှစ်(အောက်တိုဘာ ၁၄ ရက်အထိ)ကာလအတွင်း အိန္ဒိယဘက်သို့ ကျွဲ၊ နွားအရှင်များ တင်ပို့ခဲ့ခြင်းမရှိပဲ ကျွဲ၊ နွား သားရေဆားနယ်အစိုများကိုသာ တင်ပို့မှုရှိကြောင်း သိရသည်။
အဆိုပါတရားမဝင်တင်ပို့မှုများကြောင့် နိုင်ငံတော်အခွန်ကောက်များနစ်နာစေခြင်း၊ မြန်မာနိုင်ငံ၏လယ်ယာလုပ်ငန်းခွင်၌ အသုံးပြုနေသော ကျွဲ၊ နွားစသည်များကို အထိန်းအကွပ်မရှိ တင်ပို့ရောင်းချနေပါက ပြည်တွင်း၌ ကျွဲ၊ နွားလိုအပ်ချက် များပြားလာနိုင်ခြင်း၊ တိရိစ္ဆာန်များ၌ ရောဂါကျရောက်နေမှုများကို စနစ်တကျထိန်းချုပ်နိုင်ခြင်းမရှိခြင်းနှင့် ရာဇဝတ်မှုများပြားလာနိုင်ကြောင်း သိရသည်။
တရားဝင်ကုန်သွယ်မှုအနေဖြင့် မူဆယ်လမ်းကြောင်းမှ တရုတ်နိုင်ငံသို့ အများဆုံးတင်ပို့နေသည့်အပြင် ထိုင်းနှင့် ဘင်္ဂလားဒေ့ရှ်နိုင်ငံတွေကိုလည်း တရားဝင်အပြင် တရားမဝင်လမ်းကြောင်းကနေတစ်ဆင့် တင်ပို့သူများလည်းရှိနေကြောင်း သိရသည်။
၂၀၁၈ခုနှစ် တိရိစ္ဆာန်ကောင်ရေစာရင်းကောက်ယူခြင်းအစီရင်ခံစာအရ မြန်မာနိုင်ငံတွင် နွားအကောင်ရေ ၉ ဒသမ ၆၅သန်းနှင့် ကျွဲအကောင်ရေ ၁ဒသမ ၈သန်းခန့်ရှိပြီး ယင်းတွင် နွားထီး ၅ ဒသမ ၁သန်းနှင့် နွားမ ၄ ဒသမ ၃သန်း၊ကျွဲထီး ဝဒသမ ၇သန်းနှင့် ကျွဲမ ၁ ဒသမ ၁ သန်းခန့်ရှိကြောင်း စာရင်းများအရ သိရသည်။
#ymg/sth
#Yangon_Media_Group
- Category: Myanmar
- Hits: 381
#Local_News
Published _ 12 November 2022
အစိုဓာတ် ၁၄ ရာခိုင်နှုန်းရှိ၍ အဖျင်း၊ အမှော်၊ ဖုန်၊ သဲ၊ ခဲ ကင်းစင်ပြီး အရည်အသွေးဆိုင်ရာ သတ်မှတ်စံချိန်စံညွှန်းများနှင့် ကိုက်ညီသည့် တစ်တင်း (၄၆)ပေါင်ကိုက် စပါးတင်း(၁၀၀)၏ အခြေခံရည် ညွှန်းစပါးဈေးနှုန်းအား ၆၃၀၀၀၀ ကျပ်အဖြစ် တောင်သူလယ်သမားအခွင့်အရေးကာကွယ်ရေးနှင့် အကျိုးစီးပွားမြှင့်တင်ရေးဦးဆောင်အဖွဲ့မှ နိုဝင်ဘာဘ ၁၁ ရက်တွင် ဥပဒေပါ ပြဌာန်းချက်များနှင့်အညီ ထုတ်ပြန်ကြေညာခဲ့ခြင်းဖြစ်သည်။
သတ်မှတ်ခဲ့သည့် အခြေခံရည်ညွှန်းစပါးစျေးနှုန်း ၆၃၀၀၀၀ ကျပ်သည် ၂၀၂၂ ခုနှစ် မိုးစပါးနှင့် ၂၀၂၃ ခုနှစ် နွေစပါးတို့အတွက် ရည်ရွယ်ဆောင် ရွက်ခြင်းဖြစ်ကြောင်းလည်း သိရှိရသည်။
ဒါ့အပြင် ဈေးကွက်ပေါက်ဈေးသည် အခြေခံရည် ညွှန်းစပါးဈေးနှုန်းအပေါ်တွင်ဖြစ်ပါက ဈေးကွက်ပေါက်ဈေးအတိုင်းဝယ်ယူရန်နှင့် ဈေးကွက်ပေါက် ဈေးသည်အခြေခံရည်ညွှန်းစပါးဈေးနှုန်းအောက်တွင်ရှိပါက အခြေခံဈေးနှုန်းအတိုင်းဝယ်ယူရမည်ဟုလည်း တောင်သူလယ်သမားအခွင့်အရေးကာကွယ်ရေးနှင့်အကျိုးစီးပွားမြှင့်တင်ရေးဦးဆောင်အဖွဲ့၏ ထုတ်ပြန်ချက်အရသိရသည်။
အခြေခံရည်ညွှန်းဈေးနှုန်းဖြင့် ရောင်းချရန်အခက်အခဲရှိသည့် တောင်သူလယ်သမားများအနေဖြင့် မြန်မာနိုင်ငံဆန်စပါးအသင်းချုပ်၏ မြို့နယ်ကိုယ်စားလှယ်များ (သို့) အသင်းချုပ် ရုံးချုပ် ဖုန်း ၀၁-၂၃၀၁၁၂၈၊ ၀၁-၂၃၀၁၁၂၉၊ ၀၁-၂၁၈၂၆၆ သို့ဆက်သွယ်နိုင်ကြောင်းလည်း ထုတ်ပြန်ချက်တွင် ပါရှိသည်။
စပါးသီးနှံ စိုက်ပျိုးထုတ်လုပ်သည့် တောင်သူ လယ်သမားများအတွက် သင့်တင့်မျှတသော ဈေးနှုန်းနှင့် ဈေးကွက်ဖြစ်ပေါ်စေရန် စိုက်ပျိုးထုတ်လုပ်မည့် စပါးသီးနှံအတွက် အခြေခံရည် ညွှန်းစပါးဈေးနှုန်းအား တောင်သူလယ်သမားအခွင့်အရေးကာကွယ်ရေးနှင့်အကျိုးစီးပွားမြှင့်တင်ရေးဦးဆောင်အဖွဲ့မှ ယခုလို ထုတ်ပြန်ခဲ့ခြင်းပင် ဖြစ်သည်။
#ymg/NN
#Yangon_Media_Group
- Category: Myanmar
- Hits: 468
#World_Health
Published 12 November 2022
လူအများစုမှာ အစာအိမ်ရောဂါပိုးဖြစ်တဲ့ နိုရိုဗိုင်းရပ်စ်ကူးစက်ပါက ရက်အနည်းငယ်သာ ဝမ်းပျက်တတ်ပြီး ခဏနေရင် မေ့မေ့ပျောက်ပျောက်ဖြစ်သွားတတ်ပါတယ်။
အက်ပ်စတိန်းဘားဗိုင်းရပ်စ်ဆိုရင် ရောဂါလက္ခဏာလုံးဝမပြဘဲနဲ့တောင် ပြီးသွားတတ်ပါတယ်။
ဒါပေမဲ့ အချို့လူတွေမှာ ဒီလိုရောဂါအပျော့စားလေးတွေကို ကိုယ်ခံအားက အလွန်အကျွံ့တုန့်ပြန်မိပြီး အခန့်မသင့်ရင် နှစ်ပေါင်းများစွာတိုင်အောင် ဆိုးကျိုးအနည်းငယ်ခံစားရတတ်ပါတယ်။
သာမန်ရောဂါပိုးကူးစက်ရုံနဲ့တင် လက္ခဏာအကြာကြီးစွဲမြံနေတာမျိုးရှိနိုင်ကြောင်း သံသယရှိခဲ့တာကြာပါပြီ။
ဟောင်ကောင်မှာ ဆောင်းရာသီရောက်ရင် အဖြစ်များတဲ့ အစာအိမ်ရောဂါပိုးနိုရိုဗိုင်းရပ်စ်နဲ့ အစာအိမ်ရောင်ရမ်းခြင်းဖြစ်စေတဲ့ ခရွန်ရောဂါတို့ကြား ဆက်စပ်မှုကိုလည်း တွေ့ရှိခဲ့ကြပါတယ်။
ရောဂါပိုး ဒါမှမဟုတ် ဆေးဝါးက ကိုယ်ခံအားကို သူ့ရဲ့ကိုယ်ပိုင်ဆဲလ်တစ်ရှူးအဖြစ်မြင်ပြီး တုန့်ပြန်မှုတွေထွက်ပေါ်လာတာဖြစ်ကြောင်း ဟားဗတ်ဆေးဘက်ဆိုင်ရာတက္ကသိုလ်မှ ဒေါက်တာ'ရေမွန်ချန်'က ပြောကြားခဲ့ပါတယ်။
လူတွေအနေနဲ့ နေ့စဉ်နဲ့အမျှ ရောဂါပိုးမွှားတွေကို မရှောင်ရှားနိုင်ရင်တောင် သူတို့ရဲ့ တာရှည်ဆိုးကျိုးများအကြားဆက်စပ်မှုကို သိရှိဖို့အရေးကြီးကြောင်း ဆရာဝန်ကဆိုပါတယ်။
ရောဂါပိုးကူးစက်ရာကနေ ရေရှည်မှာ ပြဿနာတွေဖြစ်လာနိုင်ကြောင်းကို သုတေသီတွေ ဆယ်စုနှစ်တွေတိုင်အောင် သိထားကြပါတယ်။
ဒါပေမဲ့ လက်တွေ့သိပ္ပံနည်းကျတွေ့ရှိချက်တွေကတော့ အခုနောက်ပိုင်းနှစ်တွေမှာမှ ရရှိလာကြတာဖြစ်ပါတယ်။
သုတေသနစမ်းသပ်ရာမှာ ကြွက်တစ်ကောင်ကို နိုရိုဗိုင်းရပ်စ်ကူးစက်စေပြီး ကြွက်ရဲ့ကိုယ်ခံအားစနစ်မှာ မရှိမဖြစ်ပါဝင်တဲ့ အစိတ်အပိုင်းက အစာအိမ်ကို ထိခိုက်စေခဲ့ပါတယ်။
ဒါ့အပြင် အကာကွယ်ပေးမယ့်ပစ္စည်းကိုလည်း ပိတ်ပင်ထားတာကြောင့် ကြွက်က ရောဂါကူးစက်ခံရခြင်းကနေ မသက်သာဘဲဖြစ်နေတာပါ။
လူတွေမှာလည်း ထိုကဲ့သို့တသမတ်တည်းဖြစ်နိုင်တယ်လို့ သက်သေပြဖို့ခက်ပေမယ့် ရောဂါပိုးကူးစက်ခြင်းနဲ့ ရောဂါတို့ကြား ဆက်စပ်မှုတော့ တွေ့နေရပါတယ်။
အချို့သောလူတွေက သူများတွေထက် ပိုပြီးခံစားရတတ်တာကတော့ သူတို့ရဲ့မျိုးဗီဇတွေက ရောဂါကူးစက်မှုတွေကို ပိုပြီးခံရတတ်တာကြောင့်ဖြစ်ပါတယ်။
အကြမ်းဖျင်းအားဖြင့် လူ ၁၂ ယောက်မှာ ၁ ယောက်က တသက်လုံးဒီလိုပြဿနာမျိုး ကြုံရတတ်ပြီး လူလတ်ပိုင်းအမျိုးသမီးငယ်များ ပိုအဖြစ်များလေ့ရှိပါတယ်။
အိပ်ရေးဝအောင်အိပ်ခြင်း၊ ဆေးလိပ်နဲ့ အရက်သေစာရှောင်ရှားခြင်း၊ ကျန်းမာရေးညီညွတ်မျှတတဲ့ အစားအစာစားခြင်းတို့ဖြင့် ကိုယ်ခံအားစနစ်ကို ကာကွယ်ပေးနိုင်မှာဖြစ်ပါတယ်။
Source: SCMP
#Yangon_Media_Group
- Category: World
- Hits: 471
#World_Technology
Published 11 November 2022
အိန္ဒိယဒုံးပျံလွှတ်တင်ရေးယာဉ်ကုမ္ပဏီ Skyroot Aerospace က သူတို့ကုမ္ပဏီရဲ့ ပထမဆုံးဒုံးပျံလွှတ်တင်မှုကို နိုဝင်ဘာ ၁၅ ရက်နေ့ အင်္ဂါနေ့ နံနက် ၁၁ နာရီခွဲမှာ ပြုလုပ်သွားမှာဖြစ်ကြောင်း ကြေညာလိုက်ပါတယ်။
ဗစ်ခရမ်-အက်စ်(Vikram-S)လို့ အမည်ပေးထားတဲ့ ပတ်လမ်းကြောင်းခွဲဒုံးပျံကို အိန္ဒိယနိုင်ငံ အန်ဒရာပရာဒက်ရှ် ဆရီဟာရီကိုတာ ဆာတစ်ရှ်ဒါဝမ်အာကာသစခန်းကနေ လွှတ်တင်မှာဖြစ်ပါတယ်။
အဆိုပါဒုံးပျံလွှတ်တင်မှုဟာ အိန္ဒိယနိုင်ငံမှ သီးသန့်ဒီဇိုင်းထုတ်တည်ဆောက်ထားတဲ့ ဒုံးပျံကို ပထမဆုံးလွှတ်တင်ခြင်းဖြစ်လာမှာပါ။
Skyroot မှတည်ဆောက်တဲ့ ဗစ်ခရမ်-အက်စ်ဒုံးပျံဟာ ပင်လယ်ရေမျက်နှာပြင်အထက် ၈၀ ကီလိုမီတာအကွာခန့်ရှိ ပတ်လမ်းကြောင်းခွဲမှာ ဝန်ထုပ် ၃ ခုကို သယ်ဆောင်သွားမှာဖြစ်ပါတယ်။
ဒီပစ်လွှတ်မှုကနေ Skyroot အနေနဲ့ သူ့ရဲ့ပျံသန်းပုံဆောက်လုပ်ပစ္စည်းတွေနဲ့ စနစ်တွေကို စမ်းသပ်နိုင်မယ့်အခွင့်အရေး ရရှိစေမှာဖြစ်ပါတယ်။
ဗစ်ခရမ်ဒုံးပျံတွေကို အိန္ဒိယရူပဗေဒပညာရှင်နဲ့ နက္ခတ္တဗေဒပညာရှင် ဒေါက်တာ'ဗစ်ခရမ်အေဆာရာဘိုင်'ကို အစွဲပြုကာ အမည်ပေးထားခြင်းဖြစ်ပါတယ်။
ဒေါက်တာက အိန္ဒိယအာကာသအစီအစဉ်ကို တည်ထောင်ကာ သာမန်လူများအကျိုးရှိရန် အာကာသနည်းပညာကို အသုံးပြုပြီး အိန္ဒိယအတွက် ရည်မှန်းချက်ကြီးကြီးချခဲ့တာဖြစ်ပါတယ်။
"ISRO နဲ့ IN-SPACe တို့မှ အဖိုးမဖြတ်နိုင်တဲ့ ပံ့ပိုးကူညီမှုနဲ့ ကျွန်ုပ်တို့ရဲ့ နည်းပညာစွမ်းရည်များကြောင့် ဗစ်ခရမ်-အက်စ်ဒုံးပျံကို အချိန်တိုအတွင်း အကောင်အထည်ဖော်နိုင်တော့မှာ ဖြစ်ပါတယ်" လို့ Skyroot Aerospace ရဲ့ ပူးတွဲတည်ထောင်သူနဲ့ အမှုဆောင်အရာရှိချုပ်'ပါဝမ်ချန်ဒါနာ'က ပြောကြားခဲ့ပါတယ်။
'ပါဝမ်'က WION သတင်းဌာနကို ပြောကြားရာမှာ ဗစ်ခရမ်-အက်စ်က တစ်ဆင့်တည်းအသုံးပြုတဲ့ဒုံးပျံဖြစ်ပြီး အစိုင်အခဲလောင်စာဖြင့် စွမ်းအင်အသုံးပြုပါတယ်။
အလူမီနီယမ်နဲ့ အမိုနီယမ်ပါကလိုရိတ်တို့ပေါင်းစပ်လောင်ကျွမ်းကာ ပိုလီဗျူတာဒိုင်အင်းကလည်း ထပ်မံဖြည့်တင်းထားပါတယ်။
အိန္ဒိယအာကာသအခန်းကဏ္ဍကို နိုင်ငံပိုင်အိန္ဒိယအာကာသသုတေသနအဖွဲ့အစည်း(ISRO)က ချုပ်ကိုင်ထားတာဖြစ်ပြီး ကုမ္ပဏီအနည်းငယ်က ISRO အတွက် အစိတ်အပိုင်းတွေ ထုတ်လုပ်ပေးတာဖြစ်ပါတယ်။
၂၀၂၀ နောက်ပိုင်းမှာတော့ အစိုးရက ပြုပြင်ပြောင်းလဲမှုများပြုလုပ်ကာ ပုဂ္ဂလိကလုပ်ငန်းတွေကို သူတို့ရဲ့ကိုယ်ပိုင်ဒုံးပျံများ၊ ဂြိုဟ်တုများ၊ အစိတ်အပိုင်းများ ဆောက်လုပ်ခွင့်ပေးလိုက်ပါတယ်။
Source: WION
#Yangon_Media_Group
- Category: World
- Hits: 309
#Local_News
Published_ 12 November 2022
(၄၀)ကြိမ်နှင့် (၄၁)ကြိမ်မြောက် အာဆီယံထိပ်သီးအစည်းအဝေးများကို ကမ္ဘော ဒီးယားနိုင်ငံ၊ ဖနောင်ပင်မြို့တွင် ၂၀၂၂ ခုနှစ်၊ နိုဝင်ဘာလ ၁၁ ရက်တွင် ကျင်းပပြုလုပ်ခဲ့ ခြင်းနှင့် အဆိုပါ အစည်းအဝေးများအပြီး တူညီဆန္ဒ(၅)ချက် အကောင်အထည်ဖော်ခြင်းဆိုင်ရာ အာဆီယံ ခေါင်းဆောင်များ၏ ပြန်လည်သုံးသပ်ချက်နှင့် ဆုံးဖြတ်ချက် အား ထုတ်ပြန်ခဲ့ခြင်းကို မြန်မာနိုင်ငံကကန့်ကွက်ကြောင်း နိုင်ငံခြားရေးဝန်ကြီးဌာနမှ နိုဝင်ဘာ ၁၁ ရက် ညပိုင်းမှာထုတ်ပြန်ထားပါတယ်။
တူညီဆန္ဒ(၅)ချက် အကောင်အထည်ဖော်ခြင်းဆိုင်ရာ အာဆီယံခေါင်းဆောင်များ ၏ ပြန်လည်သုံးသပ်ချက်နှင့် ဆုံးဖြတ်ချက်တွင် မြန်မာနိုင်ငံနှင့်ပတ်သက်၍ ဖော်ပြချက်များသည် ဖြစ်စဉ်အမှန်တရားနှင့်ကင်းကွာလျက်ရှိခြင်း၊ အာဆီယံ၏ တူညီဆန္ဒ(၅)ချက်အပေါ် မြန်မာနိုင်ငံမှ ကြိုးစားအားထုတ်ဆောင်ရွက်ပေးခဲ့မှုများကို အပြုသဘောဆောင် ဖော်ပြမှုမရှိခြင်း၊ အာဆီယံအဖွဲ့ဝင်နိုင်ငံတစ်နိုင်ငံဖြစ်သည့် မြန်မာနိုင်ငံ၏ ပြည်တွင်းရေးကို ဝင်ရောက်စွက်ဖက်ခြင်းနှင့် ထိပ်သီးအစည်းအဝေးတွင် မြန်မာနိုင်ငံကို ချန်လှပ်ထားပြီး အာဆီယံ(၉)နိုင်ငံဖြင့်သာ ဆွေးနွေး သဘောတူညီခဲ့ ခြင်းသည် အာဆီယံပဋိညာဉ်စာတမ်းပါ အခြေခံမူများနှင့် ပြဋ္ဌာန်းချက်များနှင့်အညီ ဆောင်ရွက်ခဲ့ခြင်းမဟုတ်သဖြင့် မြန်မာနိုင်ငံအနေနှင့် တူညီဆန္ဒ(၅)ချက် အကောင်အထည် ဖော်ခြင်းဆိုင်ရာ အာဆီယံခေါင်းဆောင်များ၏ ပြန်လည်သုံးသပ်ချက် နှင့် ဆုံးဖြတ်ချက်များကို လက်ခံမည်မဟုတ်ကြောင်းနှင့် ပြတ်သားစွာပယ်ချ လိုက်တယ်လို့ ဆိုပါတယ်။
နိုင်ငံတွင်း ထာဝရငြိမ်းချမ်းရေး ရရှိစေရန်ရည်ရွယ်လျက် မြန်မာအစိုးရသည် အပစ်အခတ်ရပ်စဲရေးကို တစ်ဖက်သတ် ကြေညာလျက် တိုင်းရင်းသား လက်နက် ကိုင်အဖွဲ့များကို ဖိတ်ခေါ်ပြီး၊ နိုင်ငံ့အကြီးအကဲကိုယ်တိုင် တွေ့ဆုံ၍ ငြိမ်းချမ်းရေးဆွေးနွေးပွဲများ ပြုလုပ်လျက်ရှိခြင်း၊ လူသားချင်းစာနာထောက်ထားမှု အကူအညီများ ကို လိုအပ်သည့်နေရာများသို့ ခွဲခြားမှုမရှိဘဲ မျှတစွာပေးအပ်ရေးအတွက် အာဆီယံ လူသားချင်း စာနာထောက်ထားမှုကူညီရေးညှိနှိုင်းမှုဗဟိုဌာန (AHA Centre) နှင့် ပူးပေါင်းဆောင်ရွက်လျက် ရှိခြင်းစသည့် သိသာထင်ရှားသည့် တိုးတက်မှုများစွာရှိသည်ကို လျစ်လျူရှုထားခြင်းအပေါ် များစွာ စိတ်ပျက်မိကြောင်း ဖော်ပြထားသည်။
ထို့အပြင် ဖွဲ့စည်းပုံအခြေခံဥပဒေနှင့်အညီ နိုင်ငံတော်၏ တာဝန်ကိုထမ်းဆောင်လျက် ရှိသည့် မြန်မာအစိုးရနှင့်တပ်မတော်အား ရည်ညွှန်းဖော်ပြရာတွင် မသင့်လျော်သည့် သုံးနှုန်းဖော်ပြချက်များကို ပြင်းထန်စွာ ကန့်ကွက်ထားပါတယ်။
အာဆီယံအစည်းအဝေးများတွင် ဆုံးဖြတ်ချက်ချမှတ်ခြင်းနည်းလမ်းကိုလည်း အာဆီယံ ပဋိညာဉ်စာတမ်း စာပိုဒ်(၂၀)ပါ “ဆွေးနွေးခြင်းနှင့် တူညီဆန္ဒ”ပါ အခြေခံမူများ အတိုင်း အာဆီယံ အဖွဲ့ဝင်နိုင်ငံ(၁၀)နိုင်ငံလုံးပါဝင်သည့် ဆွေးနွေးညှိနှိုင်းခြင်းနှင့် တူညီဆန္ဒဖြင့် ဆုံးဖြတ်ခြင်း “မူ”ကိုသာလျင် လက်ခံသည်။ သို့ဖြစ်၍ ကာယကံရှင်နိုင်ငံ ပါဝင်ခြင်းမရှိသည့် ဆွေးနွေးဆုံးဖြတ် ချက်များကို လက်မခံ ပယ်ချတယ်လို့ ဆိုပါတယ်။
အာဆီယံအနေဖြင့် အာဆီယံပဋိညာဉ်စာတမ်းပါ ပြဋ္ဌာန်းချက်များနှင့် အခြေခံမူများ ကို လေးစားလိုက်နာလျက် အဖွဲ့ဝင်နိုင်ငံတစ်နိုင်ငံ၏ ပြည်တွင်းရေးကို အခြားတစ်နိုင်ငံက ဝင်ရောက် စွက်ဖက်ခြင်း မပြုရန် ထပ်လောင်းအသိပေးအပ်သည်၊ ယင်းသို့ဆောင်ရွက်ခြင်း ကြောင့် အာဆီယံ၏ စည်းလုံးညီညွတ်မှုနှင့် ဗဟိုအချက်အချာကျပြီး အရေးပါအရာရောက် မှုအပေါ် ဆိုးကျိုးသက်ရောက်မှုများသာဖြစ်စေမှာဖြစ်ကြောင်း နိုင်ငံခြားရေးဝန်ကြီးဌာနက သတိပေးထားပါတယ်။
ygm_mnn
#Yangon_Media_Group
- Category: Myanmar
- Hits: 447
#World_Health
Published 12 November 2022
မျက်လုံးကိုရောဂါကူးစက်စေပြီး အမြင်အာရုံရာသက်ပန်ကွယ်သွားစေနိုင်တဲ့ ကပ်ပါးပိုးတစ်မျိုးကို ကင်နာရက်ရေကန်(ဂါလဲလီပင်လယ်)မှာ တွေ့ရနိုင်ဖွယ်ရှိတယ်လို့ အစ္စရေးလ်ကျန်းမာရေးဝန်ကြီးဌာနက အင်္ဂါနေ့ညနေပိုင်းမှာ ထုတ်ပြန်လိုက်ပါတယ်။
ယခုရက်ပိုင်းများအတွင်း လူနာအနည်းဆုံး ၂၉ ဦးဟာ မျက်ကြည်လွှာရောင်ရမ်းခြင်း၊ အမာရွတ်ဖြစ်ခြင်းနဲ့ အမြင်အာရုံချို့ယွင်းခြင်းတို့ကြောင့် ဆေးရုံတက်ခဲ့ရတယ်လို့ မျက်စိအထူးကုများ သတင်းပို့ခဲ့ကြပါတယ်။
ထိုလူနာများ မျက်ကြည်လွှာမှာ ဒဏ်ရာရရှိခဲ့ခြင်းဟာ မိုက်ခရိုစပိုရိုင်ဒီးယားလို့ခေါ်တဲ့ ကပ်ပါးပိုးကူးစက်ခြင်းလက္ခဏာမျိုးဖြစ်တယ်လို့ ဆိုပါတယ်။
ကျန်းမာရေးဝန်ကြီးဌာနမှ ကူးစက်ရောဂါစုံစမ်းစစ်ဆေးချက်အရ အချို့သောလူနာတွေဟာ ကင်နာရက်ရေကန်မှာ ရေချိုးခဲ့တယ်လို့ သိရပါတယ်။
အခုအချိန် ကင်နာရက်မှာရေချိုးမယ်ဆိုရင် ရေငုပ်မျက်မှန်အသုံးပြုဖို့ ဝန်ကြီးဌာနက ညွှန်ကြားထားပါတယ်။
အဆိုပါရေကန်မှာရေချိုးမိပြီးတော့ မျက်လုံးရောင်ရမ်းခြင်း၊ နီရဲခြင်း၊ နာကျင်ခြင်း ဒါမှမဟုတ် တစ်စုံတစ်ခုဝင်နေတယ်လို့ မျက်စိအထူးကုထံပြသဖို့ မှာကြားထားပါတယ်။
ကင်နာရက်ရေကန်ကနေ ရေသောက်တာမျိုးကတော့ အန္တရာယ်မရှိဘူးလို့ ဆိုပါတယ်။
Source: The Jerusalem Post
#Yangon_Media_Group
- Category: World
- Hits: 362
Published 11 Nov 2022
ရုရှားနှင့်မြန်မာနှစ်နိုင်ငံအကြား ဘဏ္ဍာရေးနှင့်ငွေကြေးစနစ်ပူးပေါင်းဆောင်ရွက်ဖို့နှင့် ကုန်သွယ်မှုမြှင့်တင်ဖို့ နှစ်နိုင်ငံ တာဝန်ရှိသူတွေ ဆွေးနွေးနေကြတယ်လို့ သိရပါတယ်။
မြန်မာနိုင်ငံကို ရောက်ရှိနေတဲ့ ရုရှားဖက်ဒေရေးရှင်းနိုင်ငံ၊ ရော့စ်ကွန်ဂရက်ရင်းနှီးမြှုပ်နှံမှု ရန်ပုံ ငွေအဖွဲ့ညွှန်ကြားရေးမှူး SHATIROV Alexander Sergeevich ဦးဆောင်သည့် ကိုယ်စားလှယ်အဖွဲ့ကို နိုဝင်ဘာ ၁၁ ရက် ဒီကနေ့မှာ နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က လက်ခံတွေ့ဆုံရာမှာ အဆိုပါကိစ္စတွေဆွေးနွေးခဲ့ကြတာဖြစ်တယ်လို့ သတင်းထုတ်ပြန်ချက်အရသိရပါတယ်။
ထိုသို့တွေ့ဆုံစဉ် နှစ်နိုင်ငံဘဏ္ဍာရေးနှင့် ငွေကြေးစနစ်ပူးပေါင်းဆောင်ရွက်ရေး ဆိုင်ရာကိစ္စရပ်များ၊ ကုန်သွယ်မှုမြှင့်တင်ရေးဆိုင်ရာကိစ္စရပ်များ၊ ရုရှားနိုင်ငံမှ မြန်မာ နိုင်ငံအတွင်း လာရောက်ရင်းနှီးမြှုပ်နှံမှုများ ဆောင်ရွက်မည့်ကိစ္စရပ်များ၊ မြန်မာနိုင်ငံမှ ထွက်ရှိသည့် စိုက်ပျိုးရေးနှင့် မွေးမြူရေး ထွက်ကုန်များ၊ တွင်းထွက်နှင့် သဘာဝသယံ ဇာတ ပစ္စည်းများကို တန်ဖိုးမြှင့်ထုတ်ကုန်များအဖြစ်ထုတ်လုပ်၍ ရုရှားနိုင်ငံသို့ တင်ပို့ ရောင်းချရေးဆိုင်ရာ ကိစ္စရပ်များ၊ နှစ်နိုင်ငံချစ်ကြည်ရင်းနှီးမှုနှင့် ပူးပေါင်းဆောင်ရွက် မှုများ ဆက်လက်တိုးမြှင့်ရေးဆိုင်ရာ ကိစ္စရပ်များနှင့် ရှေ့ဆက်ဆောင်ရွက်သွားမည့် လုပ်ငန်းစဉ်များနှင့်ပတ်သက်၍ ရင်းနှီးပွင့်လင်းစွာဖြင့် အမြင်ချင်းဖလှယ်ဆွေးနွေးခဲ့ကြတယ်လို့ အဆိုပါသတင်းထုတ်ပြန်ချက်မှာ ဖော်ပြထားပါတယ်။
တွေ့ဆုံပွဲသို့ ဗိုလ်ချုပ်မှူးကြီး မင်းအောင်လှိုင်နှင့်အတူ ပြည်ထောင်စုဝန်ကြီးတွေဖြစ်တဲ့ ဦးဝင်းရှိန်၊ ဦးတင်ထွဋ်ဦး၊ ဦးလှမိုး၊ ဦးခင်မောင်ရီ၊ မြန်မာ့စီးပွားရေးကော်ပိုရေးရှင်း ဥက္ကဋ္ဌ ဒုတိယဗိုလ်ချုပ်ကြီးညိုစောနှင့်တာဝန်ရှိသူများ တက်ရောက်ကြပြီး ရုရှား ဖက်ဒရေးရှင်းနိုင်ငံ၊ ရော့စ်ကွန်ဂရက်ရင်းနှီးမြှုပ်နှံမှု ရန်ပုံငွေအဖွဲ့မှ ညွှန်ကြားရေးမှူး SHATIROV Alexander Sergeevichနှင့်အတူ ကိုယ်စားလှယ်အဖွဲ့ဝင်များ တက်ရောက် ခဲ့ကြကြတာဖြစ်ပါတယ်။
ရော့စ်ကွန်ဂရက်ရင်းနှီးမြှပ်နှံမှုရန်ပုံငွေအဖွဲ့ဟာ ဗိုလ်ချူပ်မှူးကြီးထံ မတွေ့ဆုံခင် ဒီကနေ့တက်ရောက်တဲ့ ပြည်ထောင်စု ဝန်ကြီးတစ်ဦးချင်းစီနှင့် ရင်းနှီးမြှပ်နှံမှုနှင့်ကုန်သွယ်မှုဆိုင်ရာကိစ္စတွေကို ယခင်ရက်တွေက ဆွေးနွေးခဲ့ကြကြောင်း သတင်းထုတ်ပြန်ချက်တွေမှာ ဖော်ပြခဲ့ပါတယ်။
Ymg/-knl
#Myanmar_Russia
#Roscongress_Russia
#Myanmar_Politics_Business
- Category: Myanmar
- Hits: 474
#Local_News
Published_11 November 2022
ခုနှစ်လတာကာလအတွင်း ပြည်ပကို စက်မှုကုန်ချောတင်ပို့မှုကနေ အမေရိကန်ဒေါ်လာ ၆ ဒသမ ၇၉ ဘီလီယံရရှိထားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနရဲ့ ဖော်ပြထားတဲ့စာရင်းတွေအရ သိရပါတယ်။
#Yangon_Media_Group
- Category: Myanmar
- Hits: 372
Published 11 Nov 2022
ပြင်သစ်နိုင်ငံ ပါရီမြို့ရဲ့ အနောက်မြောက်ပိုင်းက လေယာဉ်ကွင်းတစ်ခုကနေ တက္ကစီယာဉ်ပျံ တစ်ခုကို စမ်းသပ်မောင်းနှင်မှုတစ်ခု နိုဝင်ဘာ ၁၀ ရက် ကြာသပတေးနေ့က ပြီးဆုံးခဲ့ပါတယ်။
အဲဒီတက္ကစီယာဉ်ပျံ လုပ်ငန်းကို ၂၀၂၄ ခုနှစ် နွေရာသီအိုလံပစ်အားကစားပွဲတော်အတွင်း အသုံးပြုနိုင်မယ်လို့ မျှော်လင့်ထားကြပါတယ်။
ပါရီဒေသတစ်ခွင်မှာ တက္ကစီယာဉ်ပျံ အခြေစိုက်စခန်း (၅)ခုကို တည်ဆောက်ဖို့ လျာထားပြီး တက္ကစီယာဉ်ပျံဟာ ခရီးသည်တွေ တင်ဆောင်ရုံမျှမကဘဲ အရေးပေါ် ကျန်းမာရေးစောင့်ရှောက်မှုတွေမှာလည်း အသုံးပြုနိုင်ပါလိမ့်မယ်။
VoloCity လို့ အမည်ပေးထာတဲ့ အဆိုပါ တက္ကစီယာဉ်ပျံဟာ လူနှစ်ယောက်စီးနင်းလိုက်ပါနိုင်မှာဖြစ်ပြီး ခရီးသည် တစ်ဦးနှင့်နောက်တစ်ဦးကတော့ အလိုအလျောက်မောင်းနှင်မှိုကု စောင့်ကြပ်ထိန်းသိမ်းပေးမယ့် ယာဉ်မှူးတစ်ဦးဖြစ်ပါတယ်။
Source AFP
#Volocity
#Flying_Taxi
#France_Flying_Taxi
- Category: World
- Hits: 398