#World_Business
Published 11 November 2022
ဆိုရှယ်မီဒီယာ တွစ်တာ(Twitter)ရဲ့ ပိုင်ရှင်အသစ်ဖြစ်လာတဲ့ 'အီလွန်မက်စ်'က တွစ်တာကုမ္ပဏီဟာ ဒေဝါလီခံရနိုင်ဖွယ်ရှိတယ်လို့ နိုဝင်ဘာ ၁၁ ရက်နေ့(ကြာသပတေးနေ့)က ပြောကြားလိုက်ပါတယ်။
တွစ်တာကို ဒေါ်လာ ၄၄ ဘီလီယံနဲ့ဝယ်ယူပြီးနောက် 'မက်စ်'က တွစ်တာဝန်ထမ်းများကို အစည်းအဝေးခေါ်ပြောကြားခဲ့ရာမှာ ဒေဝါလီခံရခြင်းနဲ့ ကြုံတွေ့ရနိုင်ကြောင်း သတိပေးလိုက်တယ်လို့ ဘလွန်းဘာ့ဂ်သတင်းဌာနက တင်ပြခဲ့ပါတယ်။
ဒါဟာ တွစ်တာကိုရောက်ရှိပြီးနောက် 'မက်စ်'ရဲ့ပထမဆုံးအစည်းအဝေးခေါ်ယူမှုဖြစ်ပြီး လာမယ့်ဘဏ္ဍာရေးနှစ်အတွင်း ကုမ္ပဏီဟာ ဒေါ်လာဘီလီယံနဲ့ချီပြီး ဆုံးရှုံးရနိုင်တယ်လို့ ပြောကြားခဲ့ပါတယ်။
ကုမ္ပဏီကို 'မက်စ်'တာဝန်ယူပြီးနောက် ကြောငြာရှင်များ ထွက်ခွာကုန်ကြကာ နေ့စဉ်ဒေါ်လာ ၄ သန်းခန့် ဆုံးရှုံးနေရတယ်လို့ အစောပိုင်းက ပြောခဲ့ပါတယ်။
ဝန်ထမ်းများအနေနဲ့ အိမ်မှအလုပ်လုပ်ခွင့်ကိုလည်း ခွင့်မပြုတော့ဘဲ တစ်ပတ်ကို ရုံးမှာအနည်းဆုံးနာရီ ၄၀ တက်ပေးဖို့အသိပေးရန်လည်း တောင်းဆိုလိုက်ပါတယ်။
ကုမ္ပဏီကနေ အကြီးတန်းအမှုဆောင်အချို့လည်း နှုတ်ထွက်သွားတယ်လို့ သိရှိရပါတယ်။
ကုမ္ပဏီကို 'မက်စ်'ဝယ်ယူပြီးနောက် ထိပ်သီးအရာရှိ ၃ ဦးဖြစ်တဲ့ အမှုဆောင်အရာရှိချုပ်၊ ဘဏ္ဍာရေးအရာရှိချုပ်၊ မူဝါဒသတ်မှတ်ရေးဆိုင်ရာအကြီးအကဲတို့ကို အလုပ်ထုတ်လိုက်ပြီး သူတို့အတွက် နစ်နာကြေး ဒေါ်လာ ၁၂၂ သန်းပေးဆောင်ရဖို့ရှိနေကာ နောက်ပိုင်းမှာ အခြားဝန်ထမ်းတွေလည်း နှုတ်ထွက်ကုန်ကြတာဖြစ်ပါတယ်။
လက်ရှိအချိန်ထိတော့ 'ယိုးလ်ရော့သ်'နဲ့ 'ရော်ဘင်ဝီလာ'တို့ ကုမ္ပဏီကနေ နှုတ်ထွက်သွားပြီလို့ သတင်းအရင်းအမြစ်တစ်ခုကနေ သိရှိထားပါတယ်။
ဒါ့အပြင် ကုမ္ပဏီလုံခြုံရေးအကြီးအကဲ'လီယာကစ္စနာ'၊ ကိုယ်ရေးအရာရှိချုပ်၊ တိုင်ကြားရေးအရာရှိချုပ်တို့လည်း နှုတ်ထွက်စာတင်ထားပါတယ်။
ကုန်ကျစရိတ်ကာမိရန်အတွက် ကုမ္ပဏီရဲ့ဝန်ထမ်းအင်အား ၅၀ ရာခိုင်နှုန်းလျှော့ချဖို့နဲ့ အသိအမှတ်ပြုအမှတ်အသားမူဝါဒအတွက် ၈ ဒေါ်လာကောက်ခံဖို့ကိုပင် ကြေညာခဲ့ပါတယ်။
အစောပိုင်းကာလတုန်းက ကုမ္ပဏီဟာ ကြောငြာသူများကို ပစ်မှတ်ထားပြီး အသုံးပြုသူတွေရဲ့ ကိုယ်ရေးအချက်အလက်များကို အသုံးချနေတယ်လို့ ဖက်ဒရယ်ကုန်သွယ်ရေးကော်မရှင်က စွပ်စွဲခဲ့တာကြောင့် မေလမှာ ဒေါ်လာသန်း ၁၅၀ ပေးဆောင်ဖို့ သဘောတူခဲ့ရပါတယ်။
Source: WION
#Yangon_Media_Group
- Category: World
- Hits: 545
#Local_News
Published_11 November 2022
ရန်ကုန်မြို့တွင်း ပြေးဆွဲနေသည့် YUPT ကုမ္ပဏီပိုင်ယာဉ်လိုင်းများဖြစ်သည့် YBS ယာဉ်လိုင်းလေးလိုင်းသည် နိုဝင်ဘာ ၉ ရက်မှ စတင်ပြီး ပြေးဆွဲမှု ယာယီရပ်နားထားကာ ယာဉ်အသစ်များဖြင့်အစားထိုးပြေးဆွဲသွားမည်ဖြစ်ကြောင်း YUPT ကုမ္ပဏီမှ အသိပေးကြေညာထားသည်။
အဆိုပါယာဉ်လိုင်း လေးခုမှာ YBS 15 ၊ YBS 17၊ YBS 26 နှင့် YBS 114 တို့ဖြစ်ပြီး အစားထိုးလဲလှယ်ရန် ယာယီရပ်နားထားခြင်းဖြစ်ပြီး ရပ်နားလိုက်သည့် ယာဉ်လိုင်းလေးခုအနက် YBS15 မှာ YUPT ကုမ္ပဏီမှ မဟုတ်ဘဲ ယာဉ်လိုင်းနံပါတ်တူ ပြေးဆွဲနေသည့် ခေတ်သစ်ဘုရင့်နောင် ကုမ္ပဏီမှ ပြေးဆွဲပေးနေသည့် ယာဉ်လိုင်းဖြစ်ကြောင်းသိရသည်။
ရန်ကုန်မြို့ပြအများပြည်သူ သယ်ယူပို့ဆောင်ရေး အများနှင့်သက်ဆိုင်သော ကုမ္ပဏီလီမိတက်(YUPT) လက်အောက်တွင် ယာဉ်စီးရေပေါင်း ၈၃၀ ကျော်ရှိပြီး နေ့စဉ်ပြေးဆွဲနေသောယာဉ်မှာ အစီးရေ ၅၀၀ ကျော်ရှိကြောင်း သိရသည်။
ရန်ကုန်မြို့တွင်း၌ နေ့စဉ်ယာဉ်လိုင်းပေါင်း ၁၁၆ လိုင်း၊ ယာဉ်အစီးရေ ၃၂၅၀ စီးပုံမှန်ပြေးဆွဲပေးနေပြီး ခရီးသည် ၁၃ သိန်းဝန်းကျင်ကို နေ့စဉ်ပို့ဆောင်ပေးနေကြောင်းသိရသည်။
#ymg/sth
#Yangon_Media_Group
- Category: Myanmar
- Hits: 380
#Local_News
Published _11 November 2022
လက်နက်ကိုင်သူများက ဖမ်းဆီးသွားသည့် မကွေးတိုင်းဒေသကြီး၊ ပခုက္ကူမြို့မှ အရာရှိတစ်ဦး၏ဇနီးဖြစ်သူအား လုံခြုံရေးအဖွဲ့က နာရီပိုင်းအတွင်း ပြန်လည်ကယ်တင်နိုင်ခဲ့ကြောင်း နစက သတင်းထုတ်ပြန်ရေး အဖွဲ့က ထုတ်ပြန်ထားသည်။
နိုဝင်ဘာလ ၁၀ ရက် နံနက် ၆ နာရီခွဲအချိန်ခန့်က ပခုက္ကူမြို့၊ အမှတ်(၁)ရပ်ကွက်နေသူ “အောင်ဆင်မင်း” လက်ဖက်နှင့် အကြော်စုံ ဆိုင်ပိုင်ရှင်၊ အရာရှိတစ်ဦး၏ဇနီးဖြစ်သူ မဟန်နွေဦး(ဘ) ဦးဇော်ဦးတင် အား ၎င်း၏ နေအိမ်ရှေ့၌ ဆွမ်းလောင်းနေစဉ် အမည်မသိ အမျိုးသား ၂ ဦး၊ အမျိုးသမီး ၁ ဦးတို့ ဆိုင်ကယ်နှစ်စီးဖြင့် ရောက်ရှိလာခဲ့ကာ မဟန်နွေဦး၏ မိသားစုဝင်များနှင့် ဝန်ထမ်းများအား လက်နက်ဖြင့်ခြိမ်းခြောက်၍ နေအိမ်အတွင်းရှိ ဆွဲကြိုး ၁ ကုံး၊ နားကပ် ၁ ရံ၊ လုပ်ငန်းသုံးနှင့် ဝန်ထမ်းများ၏ လက်ကိုင်ဖုန်း ၈ လုံးတို့ကို ယူဆောင်ပြီး မဟန်နွေဦးအား ရေစကြိုမြို့နယ်၊ ဥက္ကံကျေးရွာဘက်သို့ ဖမ်းဆီးခေါ်ဆောင်သွားခဲ့ခြင်းဖြစ်ကြောင်း သိရသည်။
ဒေသခံပြည်သူများ၏ သတင်းပေးပို့မှုများအရ မဟန်နွေဦးအား မြိုင်မြို့နယ်အတွင်းရှိ ကျောက်ဆောက်တမံ(ဒေသအခေါ်)တောင်ရွာဆည် ရှင်းလင်းဆောင်တွင် ဖမ်းဆီးထားကြောင်း သိရှိရသည့်အတွက် အဆိုပါနေရာသို့ ကွန်မန်ဒိုတပ်ဖွဲ့ဝင်များပါဝင်သည့် လုံခြုံရေးတပ်ဖွဲ့ဝင်များက ရဟတ်ယာဉ်ဖြင့် သွားရောက်ပြီး ဝင်ရောက်စီးနင်း ရှာဖွေကယ်ဆယ်ခြင်းများ ဆောင်ရွက်ခဲ့ရာ ဖမ်းဆီးခေါ်ဆောင်သွားကြသည့် လက်နက်ကိုင်သူများနှင့် ထိတွေ့မှုဖြစ်ပွားခဲ့ရာ လက်နက်ကိုင်သူများမှာ အနောက်ဘက်နှင့် အနောက်တောင်ဘက်တို့သို့ ဆုတ်ခွာထွက်ပြေးသွားခဲ့သည့်အတွက် မဟန်နွေဦးအား နိုဝင်ဘာလ ၁၀ ရက် မွန်းလွဲ ၂ နာရီ မိနစ် ၄၀ ခန့်တွင် ပြန်လည်ကယ်တင်နိုင်ခဲ့ခြင်း ဖြစ်ကြောင်း နစက သတင်းထုတ်ပြန်ချက်တွင် ဖော်ပြထားသည်။
#ymg/mt
#Yangon_Media_Group
- Category: Myanmar
- Hits: 343
#Local_News
Published_ 11 November 2022
လွတ်လပ်ပြီး တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာ ကျင်းပနိုင်ရေးအတွက် ပြီးခဲ့သည့် ၂၀၂၀ ပြည့်နှစ် ရွေးကောက်ပွဲနှင့် ပတ်သက်သည့် အမှားများကဲ့သို့မဖြစ်စေရေး အဓိကထားဆောင်ရွက်ရန် နစက ဒုဥက္ကဌက ပြောကြားခဲ့ပါတယ်။
နိုဝင်ဘာ ၁၀ ရက် ဒီကနေ့ နေပြည်တော်မှာ ပြုလုပ်တဲ့ ရွေးကောက်ပွဲအတွက် မဲစာရင်းပြုစုရေးဆိုင်ရာ အစည်းအဝေးမှာ နစက ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းက အမှာစကားပြောကြားရာမှာ ထည့်သွင်းပြောကြားခဲ့တာ ဖြစ်ပါတယ်။
အစည်းအဝေးသို့ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဉီးသိန်းစိုး၊ ပြည်ထောင်စုဝန်ကြီးများနှင့် တာဝန်ရှိသူများ တက်ရောက်ကြပြီး နေပြည်တော်ကောင်စီ ဥက္ကဋ္ဌ၊ တိုင်းဒေသကြီးနှင့် ပြည်နယ်များမှ ဝန်ကြီးချုပ်များက ဗီဒီယိုကွန်ဖရင့်စနစ်ဖြင့် တက်ရောက်ခဲ့ကြပါတယ်။
၂၀၂၀ ပြည့်နှစ် ရွေးကောက်ပွဲတွင် အဓိကမှားယွင်းသည်များမှာ နိုင်ငံသားစိစစ်ရေး ကတ်များ စနစ်တကျမရှိခြင်း၊ နိုင်ငံသားစိစစ်ရေးကတ်များ ဖောင်းပွခြင်းနှင့် တစ်ဦးတည်းက ဆပွားပုံစံဖြင့် ဆောင်ရွက်သည့် ကိစ္စရပ်များကြောင့် မဲစာရင်းများ မမှန်မကန်ဖြစ်ပြီး ရလဒ်အဖြေများ မှားယွင်းခဲ့သည့် ကိစ္စရပ်များဖြစ်တယ်လို့ ဆိုပါတယ်။
သက်ဆိုင်ရာ တိုင်းဒေသကြီးနှင့်ပြည်နယ်ဝန်ကြီးချုပ်များ၏ ဦးဆောင်မှုဖြင့် တိုင်းဒေသကြီးနှင့် ပြည်နယ်များရှိ လူဦးရေစာရင်း တိကျမှန်ကန်ရေး ဆောင်ရွက်ကြရမည် ဖြစ်ကြောင်း၊ တိကျမှန်ကန်စွာ စာရင်းကောက်ယူနိုင်မှသာ ပြည်ထောင်စု ရွေးကောက်ပွဲ ကော်မရှင်က ဆောင်ရွက်မည့် လွတ်လပ်ပြီးတရားမျှတသည့် ပါတီစုံဒီမိုကရေစီ အထွေ ထွေရွေးကောက်ပွဲကြီး အောင်မြင်စွာကျင်းပနိုင်ရေးအတွက် မဲစာရင်းများ အမှန်တကယ် ပြုစုနိုင်မှာ ဖြစ်ကြောင်း နစကဒုဥက္ကဌက ပြောကြားခဲ့ပါတယ်။
#ygm_mnn
#Yangon_Media_Group
- Category: Myanmar
- Hits: 238
#Local_News
Published_ 11 November 2022
နိုင်ငံတော်၏ ငြိမ်းချမ်းရေးဆွေးနွေးရေးအဖွဲ့နှင့် မွန်ပြည်သစ်ပါတီ(NMSP) ဒုတိယဥက္ကဋ္ဌ ဦးဆောင်သော ငြိမ်းချမ်းရေးကိုယ်စားလှယ်အဖွဲ့တို့ ဒုတိယနေ့တွေ့ဆုံ ဆွေးနွေးပွဲကို နိုဝင်ဘာ ၁၀ ရက် နံနက်ပိုင်းတွင် နေပြည်တော်ရှိ ၌ ကျင်းပခဲ့ပါတယ်။
တွေ့ဆုံဆွေးနွေးပွဲသို့ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင် မှု ညှိနှိုင်းရေးကော်မတီဥက္ကဋ္ဌ၊ နိုင်ငံတော်၏ ငြိမ်းချမ်းရေးဆွေးနွေးရေး အဖွဲခေါင်းဆောင် ဒုတိယဗိုလ်ချုပ်ကြီး ရာပြည့်နှင့် အဖွဲ့ဝင်များ၊ မွန်ပြည်သစ်ပါတီ(NMSP) ဒုတိယဥက္ကဋ္ဌ နိုင်အောင်မင်း၊ တွဲဖက်အထွေထွေအတွင်းရေးမှူး နိုင်ဝင်းလှ၊ ဗဟိုအလုပ်အမှုဆောင် ကော်မတီဝင် နိုင်ဗညားလယ်တို့ တက်ရောက်ကြပါတယ်။
ဒုတိယနေ့ ဆွေးနွေးပွဲတွင် ၂၀၂၀ အလွန် အဆင့်လိုက်လုပ်ငန်းစဉ်များနှင့် အဆင့်လိုက် အကောင်အထည်ဖော်မှုများ (ဇယား -၂)နှင့်ပတ်သက်၍ တက်ရောက်လာကြ သူများက မိမိတို့၏ သဘောထားများ၊ လိုလားချက်များကို နှစ်ဖက်အပြန်အလှန် ဆွေးနွေးညှိနှိုင်းခဲ့ကြပြီး အထွေထွေ ဆွေးနွေးခြင်းအနေဖြင့် ဒေသဖွံ့ဖြိုးရေးဆိုင်ရာ ကိစ္စများကို ဆွေးနွေးခဲ့ကြပါတယ်။
ထို့နောက် ၂ ရက်တာ ဆွေးနွေးညှိနှိင်းချက်များအရ နှစ်ဖက်သဘောတူညီချက် များကို အတည်ပြု လက်မှတ် ရေးထိုးခဲ့ကြကြောင်း သတင်းရရှိပါတယ်။
#ygm_mnn
#Yangon_Media_Group
- Category: Myanmar
- Hits: 300
#World_Health
Published 11 November 2022
ဘီယာသောက်ခြင်းဟာ ဦးနှောက်စွမ်းဆောင်ရည်ကို မြှင့်တင်ပေးပြီး အယ်လ်ဇိုင်းမားရောဂါကို လျှော့ချပေးနိုင်ကြောင်း သုတေသီများ တွေ့ရှိခဲ့ကြပါတယ်။
အီတလီမှသိပ္ပံပညာရှင်များက ဘီယာသောက်ခြင်းဟာ ဦးနှောက်စွမ်းဆောင်ရည်ကို ကျဆင်းစေတဲ့ အဆိပ်သင့်ပစ္စည်းများကို ကူညီဖယ်ရှားပေးနိုင်ကြောင်း ပြောကြားလိုက်ပါတယ်။
ဘီယာရဲ့အခါးအရသာကိုဖြစ်စေတဲ့အရာက ဓာတ်တိုးဆန့်ကျင်ပစ္စည်းများပါဝင်ကာ အယ်လ်ဇိုင်းမားဖြစ်စေတဲ့ ဦးနှောက်ထဲက ပရိုတိန်းအနည်များကို လျှော့ချပေးပါတယ်။
ဘီယာတွေမှာ ပဋိဇီဝပစ္စည်းများလည်းပါဝင်ကာ ဦးနှောက်တွင်းရောင်ရမ်းမှုကို လျှော့ချနိုင်ပြီး အယ်လ်ဇိုင်းမားရောဂါရှိသူတွေမှာ အကျိုးအာနိသင်ရှိနိုင်ကြောင်း ကျွမ်းကျင်သူများကဆိုပါတယ်။
ဒါပေမဲ့ ဒါဟာ ဘီယာကိုအများကြီး သောက်ရမယ်လို့ ဆိုလိုတာတော့ မဟုတ်ပါဘူး။
ဘာကြောင့်လဲဆိုတော့ ဘီယာအလွန်အကဲသောက်သုံးခြင်းကလည်း ဦးနှောက်ကျုံ့ခြင်း၊ သေးခြင်းတို့ဖြစ်စေနိုင်ကာ အသိဉာဏ်စွမ်းရည်ကျဆင်းခြင်း ဖြစ်ပေါ်နိုင်ပါတယ်။
အယ်လ်ဇိုင်းမားရောဂါဟာ အာရုံကြောယုတ်လျော့လာတဲ့ ရောဂါဖြစ်ပြီး မှတ်ဉာဏ်ချို့တဲ့ခြင်းရောဂါတွေထဲမှာ အဖြစ်အများဆုံးလက္ခဏာဖြစ်ပါတယ်။
ခန္ဓာကိုယ်ထဲမှာ သဘာဝအတိုင်းဖြစ်ပေါ်လာတဲ့ အနည်များအထိုင်ကျလာတာကြောင့် ဖြစ်ပွားရခြင်းဖြစ်ပါတယ်။
အဆိုပါ ပရိုတိန်းအနည်များက စုပြုံလာကာ အာရုံကြောချိတ်ဆက်မှုများကို ပိတ်ပင်မိပြီး ဆဲလ်တွေ အလုပ်မလုပ်နိုင်တော့ပါဘူး။
ယူကေမှာ မှတ်ဉာဏ်ချို့တဲ့ခြင်းရောဂါခံစားရသူ ၉ သိန်းခန့်ရှိပြီး ထိုထဲက ၃ ပုံ ၂ ပုံလောက်က အယ်လ်ဇိုင်းမားရောဂါဖြစ်နေကြပါတယ်။
ထိုရောဂါဟာ ကုသလို့မရနိုင်ဘဲ သတိမေ့လျော့ခြင်း၊ စိတ်ရှုပ်ထွေးခြင်းတို့ စတင်ဖြစ်ပွားကာ ဦးနှောက်ကိုဆိုးရွားစွာထိခိုက်ပြီး စိတ်ပိုင်းဆိုင်ရာရော ရုပ်ပိုင်းဆိုင်ရာပါ ထိခိုက်လာကာ နောက်ဆုံးအသက်သေဆုံးသည်အထိ ဖြစ်နိုင်ပါတယ်။
အမျိုးသားရော အမျိုးသမီးတွေမှာပါ တစ်ပတ်ကို ဘီယာ ၆ ခွက်မျှသောက်သုံးခြင်းက စိတ်အချရဆုံးဖြစ်ပါတယ်။
သုတေသနပြုချက်အရ တစ်နေ့ကို ဘီယာ ၂ ခွက်သောက်ခြင်းဖြင့် အယ်လ်ဇိုင်းမားဖြစ်နိုင်ချေ လျော့နည်းနိုင်ပေမယ့် တစ်နေ့ ၆ ခွက်သောက်ရင်တော့ ရောဂါဖြစ်နိုင်ချေများလာပါတယ်။
Source: The Sun
#Yangon_Media_Group
- Category: World
- Hits: 1129
#Local_News
Published_ 11 November 2022
ရှမ်းပြည်နယ်(တောင်ပိုင်း)၊ ပင်လောင်းမြို့နယ်တွင် ကရင်ပြည်နယ်သို့ သယ်ဆောင်မည့် ငွေကျပ်သိန်း ၇,၀၀၀ ကျော်တန်ဖိုးရှိ စိတ်ကြွရူးသွပ်ဆေးပြား ၁ ဒသမ ၄ သန်းကျော် ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့ရဲ့ သတင်းထုတ်ပြန်ချက်အရ သိရပါတယ်။
မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်း အဖွဲ့သည် နိုဝင်ဘာ ၈ ရက် ညနေ ၃ နာရီတွင် ရှမ်းပြည်နယ်(တောင်ပိုင်း)၊ ပင်လောင်းမြို့နယ်၊ ပင်လောင်း - တပ်ကုန်းသွားကားလမ်း၊ လိန်းလီကြိုးတံတားအနီးတွင် ပင်လောင်းမှ တပ်ကုန်းသို့ ဇော်မင်း မောင်းနှင်လာသည့် HINO ၁၂ ဘီးယာဉ်ကို သတင်းအရရှာဖွေခဲ့ပါတယ်။
ထိုသို့ရှာဖွေရာ ယာဉ်ပေါ်မှ ဒေသကာလ တန်ဖိုးငွေကျပ် သိန်း ၇,၀၀၀ ကျော်တန်ဖိုးရှိ စိတ်ကြွရူးသွပ်ဆေးပြား ၁ ဒသမ ၄၃၈ သန်း သိမ်းဆည်းရမိခဲ့ပါတယ်။
စစ်ဆေးဖော်ထုတ်ချက်အရ သိမ်းဆည်းရမိ စိတ်ကြွရူးသွပ်ဆေးပြားများအား ရှမ်းပြည်နယ်(တောင်ပိုင်း)မှ ကရင်ပြည်နယ်သို့ သယ်ဆောင်ခြင်းဖြစ်ကြောင်း သိရှိရသဖြင့် ၎င်းအား ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေး ဖော်ထုတ်လျက်ရှိကြောင်း သတင်းရရှိပါတယ်။
ygm_mnn
#Yangon_Media_Group
- Category: Myanmar
- Hits: 267
#World_Health
Published 11 November 2022
လူသားတွေရဲ့ကျန်းမာရေးကို အကြီးမားဆုံးခြိမ်းခြောက်လာတဲ့ မှိုကူးစက်ရောဂါစာရင်းကို ကမ္ဘာ့ကျန်းမာရေးအဖွဲ့အစည်း(WHO)က ပထမဆုံးအကြိမ်ထုတ်ပြန်လိုက်ပါတယ်။
ဒါ့အပြင် အချို့မှိုမျိုးကွဲတွေဟာ ဆေးယဉ်ပါးကြပြီး ပိုမိုအဖြစ်များလာကြကြောင်းလည်း သတိပေးလိုက်ပါတယ်။
ကုလသမဂ္ဂကလည်း ဗိုင်းရပ်စ်နဲ့ ဘက်တီးရီးယားစာရင်းကို ဖော်ပြထားကာ မှိုကူးစက်ရောဂါတွေနဲ့ ဆေးယဉ်ပါးခြင်းတို့ဟာ အန္တရာယ်ကြီးမားလာပြီဖြစ်ကြောင်း ပြောကြားလိုက်ပါတယ်။
မှိုရောဂါအန္တရာယ်အပေါ် အာရုံမစူးစိုက်ခြင်းကြောင့် ထိုရောဂါများနဲ့ပတ်သက်ပြီး အသိပညာနည်းပါးနေရတာဖြစ်ပါတယ်။
အချက်အလက်သိရှိမှုနည်းပါးတာကြောင့် ခြိမ်းခြောက်မှုဘယ်လောက်ကြီးမားလဲဆိုတာကို ခန့်မှန်းဖို့ခက်ခဲနေကြောင်း WHO က ဆိုပါတယ်။
ဆေးယဉ်ပါးမှိုကူးစက်ရောဂါတွေဟာ ပိုမိုအဖြစ်များလာကြပြီး ကမ္ဘာ့လုံးဆိုင်ရာ ကျန်းမာရေးပြဿနာဖြစ်လာပြီလို့ WHO ဆေးယဉ်ပါးတိုက်ဖျက်ရေး လက်ထောက်ညွှန်ကြားရေးမှူး ဒေါက်တာ'ဟာနန်ဘာ့ခီ'က ပြောကြားလိုက်ပါတယ်။
ကင်ဆာ၊ တီဘီနဲ့ ကိုဗစ်ရောဂါတို့လို အခြားရောဂါဖြစ်ပွားသူတွေမှာပါ မှိုကူးစက်ရောဂါ အဖြစ်များလာတာကိုတွေ့ရပါတယ်။
ရာသီဥတုပြောင်းလဲခြင်းမျိုးက ရောဂါပိုးရောက်ရှိရာနေရာနဲ့ ဖြစ်ပျက်ပုံတို့ တိုးများလျက်ရှိပြီး ကူးစက်မှုကာကွယ်ရေး အလုပ်မဖြစ်ခြင်းက စိုက်ပျိုးရေးကဏ္ဍမှာ ပိုးသတ်ဆေးများအသုံးပြုနေတာကြောင့်ဖြစ်တယ်လို့ WHO က ပြောကြားလိုက်ပါတယ်။
အန္တရာယ်အများဆုံး မှိုကူးစက်ရောဂါထဲမှာ ကန်ဒီဒါအော်ရစ်(Candida auris)ပါဝင်ပြီး ကိုယ်ခံအားနည်းတဲ့သူတွေမှာ ပြင်းထန်တဲ့ကျန်းမာရေးပြဿနာဖြစ်လာနိုင်ပါတယ်။
ဒါ့အပြင် အန္တရာယ်အများဆုံးအဖွဲ့ထဲမှာ ခရစ်တိုကော့ကပ်စ်နီယိုဖော်မန်စ်(Cryptococcus neoformans)၊ အက်စ်ပါဂျီလက်စ်ဖူမီဂေးတပ်စ်(Aspergillus fumigatus)နဲ့ ကန်ဒီဒါအယ်ဘီကန်စ်(Candida albicans) တို့လည်း ပါဝင်ပါတယ်။
နောက်ထပ်အန္တရာယ်ရှိအဖွဲ့ထဲမှာ ကန်ဒီဒါမျိုးနွယ်ထဲက အများအပြားပါဝင်သလို မျူကိုရဲလိစ် မှိုနက်ရောဂါလည်းပါဝင်ပြီး ကိုဗစ်လူနာတွေမှာ ကူးစက်တတ်ပါတယ်။
သာမန်အန္တရာယ်သာရှိတဲ့အဖွဲ့ထဲမှာတော့ Coccidioides spp နဲ့ Cryptococcus gattii တို့ပါဝင်ပါတယ်။
Source: The Jerusalem Post
#Yangon_Media_Group
- Category: World
- Hits: 394
#Local_News
Published_10 November 2022
မြန်မာနိုင်ငံကနေ ဘင်္ဂလားဒေ့ရှ်ဘက်ကို ခုနှစ်လတာကာလအတွင်း ပို့ကုန်တင်ပို့မှုကနေ အမေရိကန်ဒေါ်လာ ၁၇ သန်းကျော်ရရှိထားတယ်လို့ စီးပွားရေးနဲ့ကူးသန်းရောင်းဝယ်ရေးဝန်ကြီးဌာနကနေ သိရပါတယ်။
#Yangon_Media_Group
- Category: Myanmar
- Hits: 240
#World_Population
Published 10 November 2022
အိန္ဒိယမှာ လာမယ့်ဆယ်စုနှစ်များအတွင်း မြို့ပြလူဦးရေ အလွန်မြင့်မားလာဦးမယ်လို့ ခန့်မှန်းထားပေမယ့် အခုကတည်းက အိန္ဒိယကမြို့တွေဟာ လူဦးရေနဲ့အပြိုင်မလိုက်နိုင်တော့ဘဲ ရာသီဥတုဖောက်ပြန်မှုများကလည်း လူနေမှုအခြေအနေ ပိုမိုဆိုးရွားလာအောင် ပြုလုပ်နေပါတယ်။
#Yangon_Media_Group
- Category: World
- Hits: 400
#Local_News
Published_10 November 2022
အများပြည်သူစီးနင်းနေတဲ့ YBS ယာဉ်လိုင်းပေါ်တွေမှာ ဥပဒေနဲ့ ငြိစွန်းတဲ့ ကိစ္စရပ်တွေ ဖြစ်ပေါ်ခဲ့ပါက နီးစပ်ရာရဲစခန်းကိုသာ မောင်းနှင်ဖို့အတွက် ယာဉ်မောင်းတွေကို ညွှန်ကြားထားတယ်လို့ Omni Focus ကုမ္ပဏီလီမိတက်မှ မန်းနေးဂျင်းဒါရိုက်တာ ကိုထွန်းတောက်ဝင်းက ပြောပါတယ်။
#Yangon_Media_Group
- Category: Myanmar
- Hits: 308
Published 10 Nov 2022
MSCအပျော်စီးသင်္ဘောလိုင်းရဲ့ အထင်ကရသင်္ဘောအသစ်ကြီး "MSC World Europa" ဟာ ကာတာနိုင်ငံရဲ့ မြို့တော် ဆိပ်ကမ်းကို ဆိုက်ကပ်လာပါတယ်။
၂၀၂၂ ကမ္ဘာ့ဖလားဘောလုံးပွဲအတွက် ကြိုတင်ပြင်ဆင်မှုအဖြစ် တရားဝင်အမည်ပေးအခမ်းအနားမတိုင်ခင် အမ်အက်စ်စီ ဝေါယူရိုပါ ဇိမ်ခံသင်္ဘောကြီး ရောက်ရှိလာခြင်းဖြစ်ပါတယ်။
အဆိုပါ ဧရာမသင်္ဘောကြီးဟာ ဒိုဟာမြို့တော်ရဲ့ ဂရန်းဆိပ်ကမ်းမှာ ဆိုက်ကပ်ထားပြီးနောက် တစ်ကမ္ဘာလုံးမှ ဘောလုံးပွဲ ပရိဿတ်တွေအတွက် ရေပေါ်ဟိုတယ်ကြီးအဖြစ် ဝန်ဆောင်မှုပေးမှာဖြစ်ပါတယ်။
အဆိုပါသင်္ဘောကြီးဟာ အလျား ၁၀၉၄ ပေ၊ဗျက်၁၅၄ ပေ၊ အမြင့် ၂၂၃ ပေရှိပြီး အထပ်ပေါင်း ၂၁ထပ်ပါဝင်ပါတယ်။ ခရီးသည်ပေါင်း ၆၇၆၂ ဦးတင်ဆောင်နိုင်တဲ့ ကမ္ဘာ့အဆင့်အတန်းရှိ ဇိမ်ခံသင်္ဘောကြီးဖြစ်ပြီး သင်္ဘောကုမ္ပဏီရဲ့ အကြီးဆုံးသင်္ဘောကြီးဖြစ်ပါတယ်။
Source: AFP
#MSC_World_Europa
#Doha_Qatar
#FIFA_Worldcup
- Category: World
- Hits: 412