#Local_News
Published-3 November 2022
ပြည်တွင်းစက်သုံးဆီ 92 ၊ 95 နှင့် 97 ဈေးနှုန်းများမှာ ယနေ့ နိုဝင်ဘာလ ၃ ရက်တွင် ဆက်လက်မြင့်တက်လာနေပြန်ကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။
နိုဝင်ဘာလ ၂ ရက် စက်သုံးဆီဈေးနှုန်းမှာ 92 တစ်လီတာလျှင် ၁၉၆၅ ကျပ်၊ 95 တစ်လီတာလျှင် ၂၀၅၅ ကျပ်၊ ဒီဇယ်တစ်လီတာလျှင် ၂၆၅၀ ကျပ်နှင့် ပရီမီယံဒီဇယ်တစ်လီတာလျှင် ၂၇၂၅ ကျပ်ဖြစ်ပြီး ယနေ့တွင် 92 တစ်လီတာလျှင် ၂၀၀၅ ကျပ်၊ 95 တစ်လီတာလျှင် ၂၀၉၅ ကျပ် ၊ ဒီဇယ်တစ်လီတာလျှင် ၂၅၆၀ ကျပ်နှင့် ပရီမီယံဒီဇယ်တစ်လီတာလျှင် ၂၆၃၅ ကျပ်ဖြစ်ကြောင်းသိရသည်။
ပြည်တွင်း၌ စက်သုံးဆီပြတ်လပ်မှုမရှိစေရန်အတွက် ရန်ကုန်တိုင်းဒေသကြီး၊ သီလဝါဆိပ်ကမ်းရှိ Terminal များတွင် စက်သုံးဆီဂါလန် ၆ သန်းကျော်ဆိပ်ကမ်းချထားပြီး ၉ သန်းကျော်ကို ဆီချခြင်းလုပ်ငန်း ဆက်လက်ဆောင်ရွက်နေကြောင်း၊ရန်ကုန်သီလဝါ ဆီလှောင်ကန်လက်ကျန်များ၊ စက်သုံးဆီအရောင်းဆိုင်များနှင့် ဖြန့်ဖြူးမှု လက်ကျန်အခြေအနေများအရ စက်သုံးဆီဖူလုံမှုရှိကြောင်း စက်သုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်မှုကော်မတီက အသိပေးထုတ်ပြန်ထားသည်။
စက်သုံးဆီဈေးနှုန်းများအနေဖြင့် ယခုရက်သတ္တပတ်တွင် အစိုးရရုံးပိတ်ရက်များ၌ ပြည်တွင်းခရီးသွားလာမှုများပြားနေသောကြောင့် ဈေးနှုန်းအနည်းငယ် မြင့်တက်ခဲ့ခြင်းဖြစ်ကြောင်း သိရသည်။
ရန်ကုန်၊ မန္တလေးအပါအဝင် နေပြည်တော်၊ တိုင်းဒေသကြီးနှင့်ပြည်နယ်များတွင်မူ ရည်ညွှန်းလက်လီဈေးနှုန်းနှင့် ရောင်းချပေးနေကြောင်း စက်သုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်မှုကော်မတီမှ သိရသည်။
#ymg/sth
#Yangon_Media_Group
- Category: Myanmar
- Hits: 315
#Local_News
Published _3 November 2022
မီးပုံးပျံအကြီးအသေး တစ်ထောင်ကျော်လွှတ်တင်မည့်ပဲခူးတန်ဆောင်တိုင်ပွဲတော်ကို ယနေ့စတင်ပြီဖြစ်ကြောင်း ပဲခူးတိုင်းဒေသကြီးအစိုးရအဖွဲ့က သိရသည်။
အဆိုပါ ပွဲတော်အတွင်း ကထိန်သင်္ကန်းဆပ်ကပ်လှူဒါန်းခြင်း၊မသိုးသင်္ကန်းဆပ်ကပ်လှူဒါန်းခြင်း၊ စတုဒီသာကျေးမွေးလှူဒါန်းခြင်း၊မီးပုံးပျံများလွှတ်တင်ပူဇော်ခြင်း၊ ပဲခူးတိုင်းဒေသကြီးအတွင်း ခရိုင်(၆)ခရိုင်ရှိ မြို့နယ်ဒေသများမှ ထွက်ရှိသည့် ထွက်ကုန်များကို ပြသရောင်းချခြင်းနှင့်နိုင်ငံကျော်အဆိုတော်များ၏ တေးဂီတဖျော်ဖြေရေးအစီအစဉ်များလည်း ပါဝင်မည်ဖြစ်ကြောင်း သိရသည်။
မီးပုံးပျံလွှတ်တင်ခြင်းကို ရွှေမော်ဓောဘုရားကြီး၏ အနောက်ဖက်မုခ်ရှိ ယာဉ်ရပ်နားဝင်းတွင်ကျင်းပပြုလုပ်မည်ဖြစ်ရာ မီးပုံးပျံအကြီး(၁၃)လုံးနှင့်မီးပုံးပျံအသေး(၁၀၀၀)ကျော်လွှတ်တင်မည်ဖြစ်ကြောင်း၊ လာရောက်သူများအားစတုဒီတာကျွေးမွေးမည်ဖြစ်ပြီး လူဦးရေ (၁၀၀၀၀)စာ စီမံဆောင်ရွက်ထားကြောင်း သိရသည်။
ပွဲတော်ကို ယနေ့ နိုဝင်ဘာလ ၃ ရက် မှ နိုဝင်ဘာလ(၇)ရက်တန်ဆောင်မုန်းလပြည့်နေ့ထိပြုလုပ်မည်ဖြစ်ပြီး လပြည့်နေ့လာရောက်ကြမည့် ဘုရားဖူးလာပြည်သူများအား ရွှေမော်ဓောစေတီတော်အနောက်ဖက်မုခ်တွင်တပ်ဆင်ပြီးစီးနေသည့် ရွှေ့လျားစက်လှေကားနှစ်စီးကိုလည်း အသုံးပြုမည့်အပြင် ဗုဒ္ဓအသံသာသနာ့ဗိမာန်တွင် သက်တော်ကြီးဆရာတော်ကြီးများတက်ရောက်နိုင်ရန် ဆောက်လုပ်တပ်ဆင်ထားသည့် ဓါတ်လှေကားကိုလည်း ဖွင့်ပွဲပြုလုပ်မည်ဖြစ်ကြောင်း သိရသည်။
#ymg/mt
#Yangon_Media_Group
- Category: Myanmar
- Hits: 515
#World_Technology
Published 3 November 2022
တီဗီတွေ ဖုန်းတွေ မျက်နှာပြင်ပိုကြီးလာအောင် ထုတ်လုပ်လာတဲ့ခေတ်မှာ ကုမ္ပဏီတစ်ခုကတော့ ကမ္ဘာ့အသေးဆုံးတီဗီကို ထုတ်လုပ်ဖို့ဆုံးဖြတ်ထားပါတယ်။
TinyCircuits အီလက်ထရွန်နစ်ကုမ္ပဏီကထုတ်တဲ့ တီဗီပိစိ အမျိုးအစားနှစ်မျိုးမှာ တစ်မျိုးရဲ့မျက်နှာပြင်က ၀.၆ လက်မသာရှိပြီး နောက်တစ်မျိုးကတော့ မျက်နှာပြင် ၁ လက်မကျယ်ပါတယ်။
ခေတ်ဟောင်းပုံစံနဲ့ ပြုလုပ်ထားတဲ့တီဗီငယ်လေးတွေမှာ အသံတိုးချဲ့တဲ့ဘုလုံးနဲ့ ရုပ်သံလိုင်းပြောင်းလို့ရတဲ့ဘုလုံးတွေ ပါရှိပါတယ်။
သူ့ထက်သေးတဲ့တီဗီဆိုရင် တံဆိပ်ခေါင်းအရွယ်အစားမျှသာရှိကာ တစ်ခါအားသွင်းထားရင် တစ်နာရီဖွင့်ထားနိုင်ပါတယ်။
ဗီဒီယိုတွေကို ကိုယ့်စိတ်ကြိုက်ထည့်နိုင်သလို USB-C အမျိုးအစားကြိုးဖြင့်လည်း ကွန်ပျူတာနဲ့ချိတ်ပြီး ကြည့်ရှုနိုင်ပါတယ်။
အဆိုပါတီဗီတွေမှာ 8GB မိုက်ခရိုမမ်မိုရီကတ်ပါဝင်ကာ ၁၀ နာရီမှ နာရီ ၄၀ ကြာလောက်အထိ ဖွင့်နိုင်ပါတယ်။
ကြိုက်နှစ်သက်ရာ ဇာတ်ကားတွေ၊ အစီအစဉ်တွေ၊ တစ်တော့ဗီဒီယိုတွေကို ထည့်သွင်းနိုင်ပါတယ်။
ဗီဒီယိုကြည့်ရှုနိုင်ရန်အတွက် TinyCircuits မှ အခမဲ့ပေးတဲ့ ဆော့ဖ်ဝဲတစ်ခုနဲ့ ဇာတ်ကားအမျိုးအစားပုံစံ ပြောင်းလဲပေးရပါတယ်။
အဆိုပါဆော့ဖ်ဝဲနဲ့ ဗီဒီယိုတွေမှာ အပြင်အဆင်တွေ ထပ်ထည့်နိုင်ပါတယ်။
အဆိုပါတီဗီနှစ်မျိုးစလုံးကို ခလုတ်တွေနဲ့ ထိန်းချုပ်နိုင်သလို TinyCircuits ကထုတ်လုပ်တဲ့ အဝေးထိန်းရီမုနဲ့လည်း ထိန်းချုပ်နိုင်ပါတယ်။
ရီမုဖြင့် စက်အဖွင့်အပိတ်၊ အသံအတိုးအကျယ်တို့ ပြုလုပ်နိုင်ပါတယ်။
တီဗီငယ်လေးကို TinyCircuits ဥက္ကဌ'ကင်ဘန်းစ်'က တီထွင်ခဲ့ပြီး အမေရိကန် အိုဟိုင်ယိုမှာ ထုတ်လုပ်ခဲ့ပါတယ်။
ထိုကုမ္ပဏီဟာ ၂၀၁၂ ခုနှစ်တုန်းက ကွန်ပျူတာပရော်ဆက်ဆာပုံစံငယ်ကိုလည်း ပထမဆုံးထုတ်လုပ်ခဲ့ပါသေးတယ်။
နောက်ဆုံးထုတ်ထားတဲ့ တီဗီငယ်နှစ်မျိုးဟာ မျက်နှာပြင်ပိုလင်းခြင်း၊ အသံပိုကျယ်ခြင်း၊ USB-C အပေါက်ပါရှိခြင်း အညွှန်းမဖတ်တတ်သူတွေအတွက် ကြိုတင်တပ်ဆင်ပေးတာတွေ ပြုလုပ်ထားပါတယ်။
Source: Daily Mail
#Yangon_Media_Group
- Category: World
- Hits: 409
#World_Health
Published 3 November 2022
ဘော့စ်တွန်တက္ကသိုလ်မှ သုတေသီအဖွဲ့ဟာ သူတို့ရှာဖွေတွေ့ရှိထားတဲ့သီအိုရီအရ အစားအသောက်ထိန်းသိမ်းရန် ဘယ်လောက်အထိခက်ခဲကြောင်း၊ စိတ်ဆန္ဒအပြုအမူတွေကို တွန်းလှန်ရဘယ်လောက်ခက်ခဲကြောင်း ရှင်းပြနိုင်မယ်လို့ ယုံကြည်နေကြပါတယ်။
"ကျွန်တော်တို့သီအိုရီမှာ ဦးနှောက်က မသိစိတ်ကနေ လိုက်လျော ညီထွေဖြစ်အောင် တီထွင်ကြံဆတဲ့ မှတ်ဉာဏ်စနစ်တစ်ခုအနေနဲ့ တီထွင်ခဲ့တာဖြစ်ပါတယ်" လို့ အာရုံကြောပရော်ဖက်ဆာ'အန်ဒရူးဘတ်ဒ်ဆန်'က ရှင်းပြခဲ့ပါတယ်။
"စစချင်းမှာ မသိစိတ်က ဦးဆောင်သွားပြီးတော့ နောက်ပိုင်းကျမှ ပြန်လည်သိရှိလာကြတာဖြစ်ပါတယ်"
အသိစိတ်နဲ့ပတ်သက်တဲ့ သီအိုရီတွေ မကြာသေးမီနှစ်များအတွင်း များစွာတွေ့ရှိခဲ့ကြပါတယ်။
ဦးနှောက်ဟာ သတိရှိသည်ဖြစ်ဖြစ် သတိမရှိစွာဖြစ်ဖြစ် သိမြင်မှုဆိုင်ရာဖြစ်စဉ်များကို အားပေးခြင်း နှိမ့်ချခြင်းတို့နဲ့ပတ်သက်ပြီး ဖွဲ့စည်းပုံကိုတွေ့နိုင်ပါတယ်။
လှုံ့ဆော်မှုများက အဖြစ်အပျက်များပေါ်မူတည်ပြီး ဦးနှောက်ကနေ သတိလက်လွတ်ဖြစ်သွားတဲ့ ဖြစ်ရပ်ဆီဝင်ရောက်ကာ သတိရှိနေတယ်လို့ယုံကြည်ထားတဲ့ လုပ်ဆောင်ချက်များကို လုံးဝထိန်းချုပ်ထားကြောင်း သီအိုရီအသစ်မှာ ဖော်ပြထားပါတယ်။
ဒီလိုကြောင့်ပဲ လူတွေဟာ အငမ်းမရစားမိတာမျိုးကို မလုပ်သင့်ဘူးဆိုတာသိပေမယ့် လုပ်လိုက်မိတာဖြစ်ကြောင်း သိရပါတယ်။
"လူတွေရဲ့အတွေးတွေက ထိန်းချုပ်နိုင်စွမ်းမရှိတာများပါတယ်၊ ဒါကြောင့်ပဲ အိပ်ချင်တဲ့စိတ်တွေ၊ စားချင်တဲ့စိတ်တွေကို ရပ်တန့်ဖို့ခက်နေတာပါ" လို့ 'ဘတ်ဒ်ဆန်'က ရှင်းပြခဲ့ပါတယ်။
မှတ်ဉာဏ်ချို့တဲ့တဲ့ရောဂါတွေလို အာရုံကြောရောဂါတွေကို ဥပမာကြည့်ပြီး သုတေသီတွေက သက်ရောက်မှုရှိမယ်လို့ ဖော်ပြခဲ့ပါတယ်။
Source: The Jerusalem Post
#Yangon_Media_Group
- Category: World
- Hits: 366
#Local_News
Published_ 3 November 2022
နစက ရဲ့ ၂၀၂၂ ခုနှစ် ကထိန်သင်္ကန်းဆက်ကပ်လှူဒါန်းပွဲ အခမ်းအနားကို နိုဝင်ဘာ ၂ ရက် နံနက်ပိုင်းတွင် နေပြည်တော်ရှိ ဥပ္ပါတသန္တိစေတီတော်၊ သာသနာ့မဟာဗိမာန် တော်၌ ကျင်းပပြုလုပ်ရာ နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် နှင့်ဇနီး ဒေါ်ကြူကြူလှတို့ တက်ရောက်၍ ကထိန်လျာသင်္ကန်းနှင့် လှူဖွယ်ပစ္စည်းများ ဆက်ကပ်လှူဒါန်းခဲ့ပါတယ်။
အဆိုပါ အခမ်းအနားသို့ နိုင်ငံတော်သံဃမဟာနာယကအဖွဲ့ ဥက္ကဋ္ဌ ၊ မန္တလေးမြို့၊ ဗန်းမော်ကျောင်းတိုက် ပဓာနနာယက အဘိဓဇမဟာရဋ္ဌဂုရု၊ အဘိဓဇအဂ္ဂမဟာ သဒ္ဓမ္မဇောတိက ဒေါက်တာ ဘဒ္ဒန္တကုမာရာဘိဝံသနှင့် ပင့်ဖိတ်ထားသော ဆရာတော်ကြီး ၂၇ ပါး ကြွရောက်ချီးမြှင့်တော်မူကြပါတယ်။
နစကဥက္ကဋ္ဌ နိုင်ငံတော်ဝန်ကြီးချုပ်နှင့် အခမ်းအနား တက်ရောက်လာကြသည့် ဧည့်ပရိသတ်အပေါင်းတို့က ဗန်းမော်ဆရာတော် ကြီးထံမှ ငါးပါးသီလခံယူဆောက်တည်၍ သံဃာတော်အရှင်သူမြတ်များ ရွတ်ပွားသရဇ္ဈာယ်တော်မူသော မေတ္တသုတ် ပရိတ်တရား တော်များကိုနာယူကြပါတယ်။
ထို့နောက် နစကဥက္ကဋ္ဌ နိုင်ငံတော်ဝန်ကြီးချုပ်နှင့် ဇနီးတို့သည် ဗန်းမော် ဆရာတော်ကြီးထံ ကထိန်သင်္ကန်းနှင့် လှူဖွယ်ပစ္စည်းများ ကို လည်းကောင်း၊ ကထိန် အလှူခံကျောင်း မစိုးရိမ်တိုက်သစ် ဆရာတော် အဂ္ဂမဟာ ဂန္ထဝါစက ပဏ္ဍိတ ဘဒ္ဒန္တ အဂ္ဂဓမ္မ ထံ ကထိန်လျာသင်္ကန်းနှင့် လှူဖွယ်ပစ္စည်းများ ကိုလည်းကောင်း ဆက်ကပ်လှူဒါန်းကြပြီး တက်ရောက်လာသူများက ဆရာတော်၊ သံဃာတော်များထံ ကထိန်သင်္ကန်းနှင့် လှူဖွယ် ပစ္စည်းများကို အသီးသီး ဆက်ကပ်လှူဒါန်းကြပါတယ်။
ထို့နောက် သန်လျင် မင်းကျောင်း ဆရာတော်ကြီးထံမှ အနုမောဒနာတရားနာ ကြား၍ လှူဒါန်းမှူအစုစုအတွက် ရေစက်သွန်းလောင်း အမျှပေးဝေကြပြီး ဗန်းမော် ဆရာတော်ကြီးအမှူးပြုသည့် ဆရာတော်၊ သံဃာတော်များအား နေ့ဆွမ်းဆက်ကပ် လှူဒါန်းခဲ့ ပါတယ်။
အဆိုပါ ကထိန်သင်္ကန်းဆက်ကပ်လှူဒါန်းပွဲ အခမ်းအနားတွင် ပဒေသာပင် ၄၄ ခုနှင့် လှူဒါန်းငွေ ၇၃၆၄၃၂၅၀ ကျပ်ဖြစ်သဖြင့် စုစုပေါင်း လှူဒါန်းမှုမှာ တန်ဖိုးငွေကျပ် ၁၁၂၉၆၅၈၅၀ ဖြစ်ကြောင်း သတင်းရရှိပါတယ်။
ygm_mnn
#Yangon_Media_Group
- Category: Myanmar
- Hits: 461
#Local_News
Published – 2 November 2022
ပြီးခဲ့တဲ့ အောက်တိုဘာလအတွင်းမှာ ပြည်ပကို ဆန်နဲ့ ဆန်ကွဲတင်ပို့မှု့ဟာ မက်ထရစ်တန်ချိန် ၁၆၀၀၀၀ ကျော်တင်ပို့ခဲ့ပြီး စက်တင်ဘာလထက် တင်ပို့မှုဟာပိုခဲ့တယ်လို့ မြန်မာနိုင်ငံဆန်စပါးအဖွဲ့ချုပ်ကနေ သိရပါတယ်။
#Yangon_Media_Group
- Category: Myanmar
- Hits: 297
#World_Culture
Published 2 November 2022
တောင်အာဖရိကရဲ့ ဩဇာအရှိဆုံးရိုးရာဘုရင်စနစ်ရဲ့ အကြီးအကဲအဖြစ် ဇူလူဘုရင်အသစ်ကို စနေနေ့က အခမ်းအနားတစ်ခုမှာ နန်းတင်မြှောက်ခဲ့ကြပြီး လူသောင်းပေါင်းများစွာ လာရောက်ခဲ့ကြပါတယ်။
#Yangon_Media_Group
- Category: World
- Hits: 337
#Local_News
Published_ 2 November 2022
လာမယ့် တန်ဆောင်မုန်းလပြည့်နေ့ ည(၆)နာရီကျော်အချိန်မှာ ဓနသိဒ္ဓိမွန်းတည့်နက္ခတ်အချိန်ကောင်းကျရောက်မှာဖြစ်တယ်လို့ မြန်မာနိုင်ငံသဘာဝနက္ခတ်ဗေဒပညာသင်တန်းကျောင်း၊ ကျောင်းအုပ်ဆရာမကြီးပါရဂူဒေါက်တာဒေါ်ကြည်ကြည်စိန်က ပြောပါတယ်၊၊
#Yangon_Media_Group
- Category: Myanmar
- Hits: 782
Published 2 Nov 2022
မြန်မာနိုင်ငံအပါအဝင် အာဆီယံနိုင်ငံတွေက ကျောင်းသူကျောင်းသားတွေဟာ နိုဝင်ဘာ ၁ ရက် အင်္ဂါနေ့က အာဆီယံကျောင်းသူကျောင်းသားများ အာကာသယာဉ်မှူးများနှင့်စကားပြောဆိုခြင်း အစီအစဉ်အဖြစ် တရုတ်နိုင်ငံ ရှန်ကုန်း အာကာသစခန်းမှာ အလုပ်လုပ်နေတဲ့ အာကာသယာဉ်မှူးတွေနှင့် ဗွီဒီယိုနှင့် စကားပြောဆိုခဲ့ကြပါတယ်။
တရုတ်နိုင်ငံနှင့် ဘရူးနိုင်း၊မလေးရှား၊မြန်မာ၊ဖိလစ်ပိုင်၊ထိုင်းနှင့် ဗီယက်နမ် ပါဝင်တဲ့ အာဆီယံနိုင်ငံတွေက ကျောင်းသူ ကျောင်းသား ၁၀၀၀ နီးပါးခန့်ဟာ သူတို့ သိလိုစိတ်ပြင်းပျနေတာတွေကိုမေးမြန်းခဲ့ကြပါတယ်။ အာကသယာဉ်မှူးတွေဟာ အာကသထဲမှာ အင်တာနက်ကြည့်လို့ရလား၊ နေမကောင်းရင်ဘယ်လိုလုပ်မလဲ၊ အာကာသယာဉ်မှူးဘယ်လိုဖြစ်လာသလဲ၊ နှင့် အာကာသထဲမှာ အထင်ကြီးစရာအကောင်းဆုံးအရာက ဘာလဲစတာတွေ ကို မေးမြန်းခဲ့ကြတာဖြစ်ပါတယ်။
အဆိုပါ အစီအစဉ်ရဲ ပင်မနေရာက ဘေဂျင်းမှာဖြစ်ပြီး နေရာခွဲတွေအဖြစ် ဘရူးနိုင်း၊မလေးရှား၊ မြန်မာ၊ဖိလစ်ပိုင်၊ ထိုင်းှင့် ဗီယက်နမ်တို့မှာ ထားရှိကာ အာကာသယာဉ်မှူးတွေကို ဗီဒီယိုလင့်ခင်နှင့် ချိတ်ဆက် စကားပြောကြတာပါ။
ရှန်ကျုံး-၁၄ က အာကာသယာဉ်မှူး(၃)ဦးထဲက အမျိုးသမီး အာကာသယာဉ်မှူး လျူယန်းက သူမရဲ့ လုပ်ငန်းအတွေ့အကြုံတွေကို ကျောင်းသူကျောင်းသားတွေထံ မျှဝေခဲ့ပါတယ်။
“ EVA အလုပ်က အချိန်များများလိုတယ်။ ပဏာမကြိုတင်ပြင်ဆင်ရာကနေ EVA ပြီးနောက် ပြန်လည် ပုံမှန်ဖြစ်ဖို့ ရက်ပေါင်းများစွာလိုအပ်တယ်။ ကျွန်မတို့ အာကာသထဲမှာ ခြောက်နာရီကနေ ခုနှစ်နာရီအထိ မရပ်မနား အလုပ်လုပ်ဖို့ လိုအပ်တယ်။ အဲဒါကြောင့် EVA ဟာ ကျွန်မတို့ရဲ့ ကိုယ်စိတ်အနေအထားနှစ်မျိုးစလုံးကို ကောင်းမွန်တဲ့စမ်းသပ်မှု တစ်ခုဖြစ်တယ်။ ကံကောင်းစွာပဲ မြေပြင်မှာ သိပ္ပံနည်းကျ လေ့ကျင့်မှုတွေ လုပ်ပြီးတဲ့နောက် ကျွန်မတို့ လက်ရှိ အာကာသယာဉ်မှူးတွေ EVA နှစ်ခုစလုံး အောင်မြင်ပါတယ်။ EVA အားလုံး အသေအချာ ပြီးမြောက်မယ်လို့ ကျွန်မတို့ ယုံကြည်ပါတယ်” လို့ လျူက ပြောပါတယ်။
ရှန်ကျုံး ၁၂ နှင့် ရှန်ကျုံး ရတို့ က အာကာသယာဉ်မှူး လျူ ဘွန်မင်းဟာ ဘေဂျင်းမှာရှိတဲ့ ပင်မတွေ့ဆုံရာနေရာကိုလာပြီး မမေ့နိုင်စရာ အာကာသအတွေ့အကြုံတွေကို မျှဝေသွားပါတယ်။
မကြာသေးမီနှစ်များအတွင်းကစကာ တရုတ်နိုင်ငံဟာ အာဆီယံနိုင်ငံတွေနှင့် အာကာသနည်းပညာအသုံးချမှု၊ဆက်သွယ်ရေးဂြိုဟ်တုတည်ဆောက်မှုနှင့် အာကာသ တိုင်းတာခြင်းတို့ မှာ နီးကပ်စွာ ပူးပေါင်းဆောင်ရွက်လာခဲ့ပါတယ်။
“ တစ်ရက်မှာ မင်းတို့ရဲ့ အာကာသအိပ်မက်တွေ တကယ်ဖြစ်လာကြမှာ။ တရုတ်နှင့် အာဆီယံတို့ ရင်းနှီးစွာ ပူးပေါင်းဆောင်ရွက်မှုကနေ အသီးအပွင့်တွေရရှိခံစားနိုင်ဖို့ ဆုတောင်းပါတယ်” လို့ ရှန်ကျူံး၁၄ က နောက်ထပ် အာကာသယာဉ်မှူးတစ်ဦးဖြစ်တဲ့ ချန်တောင်းက ပြောပါတယ်။
ရှန်ကျုံးမစ်ရှင်းမှာ လက်ရှိ အာကာသယာဉ်မှူး (၃)ဦးရှိနေပြီး ဒီနစ်အကုန်မှာ အာကာသစခန်းတည်ဆောက်မှု ပြီးစီးစေဖို့ လာမယ့်လာတွေမှာ အခြားအာကာသယာဉ်မှူတွေ ထပ်မံရောက်ရှိလာပါလိမ့်မယ်။
Source CCTV+
#ASEAN_students_talk_with_Chinese Astronauts
#China_Space_technology
#Shenzhou-14
မြန်မာအပါအဝင် အာဆီယံကျောင်းသူကျောင်းသားများ တရုတ်အာကာသစခန်းမှ အာကာသယာဉ်မှူးများနှင့် ဆက်သွယ်စကားပြော
- Category: China_Myanmar
- Hits: 367
#Local_News
Published _ 2 November 2022
ပို့ကုန်ဝင်ငွေတင်ပြမှ သွင်းကုန်ခွင့်ပြုမယ်လို့ ညွှန်ကြားချက်က နယ်စပ်ကုန်သွယ်ရေးတွေကို အနည်းငယ်ထိခိုက်နိုင်ပြီး ကားသမားတွေအတွက် အလုပ်တွေပိုလာနိုင်တယ်လို့ နယ်စပ်ကုန်သွယ်ရေး လုပ်ကိုင်နေသူတွေဆီကနေ သိရပါတယ်။
#Yangon_Media_Group
- Category: Myanmar
- Hits: 356
#Local_News
Published_2 November 2022
၂၀၂၂-၂၀၂၃ ဘဏ္ဍာနှစ်ရဲ့ ဧပြီလ ၁ ရက်ကနေ အောက်တိုဘာ ၂၁ ရက်အထိ ခြောက်လကျော်ကာလအတွင်းမှာ ပြည်ပကို စက်မှုကုန်ချောတင်ပို့မှုကနေ အမေရိကန်ဒေါ်လာ ၆ ဒသမ ၄၉ ဘီလီယံရရှိထားတယ်လို့ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနရဲ့ ဖော်ပြထားတဲ့စာရင်းတွေအရ သိရပါတယ်။
#Yangon_Media_Group
- Category: Myanmar
- Hits: 492
#DailyNews
Published _ 2 November 2022
၁။ စက်မှုကုန်ချော တင်ပို့မှုမှ အမေရိကန်ဒေါ်လာ ၆ ဒသမ ၄၉ ဘီလီယံရရှိထား
၂။ ပို့ကုန်ဝင်ငွေတင်ပြမှ သွင်းကုန်ခွင့်ပြုမယ်လို့ ညွှန်ကြားချက်ကြောင့် နယ်စပ်ကုန်သွယ်ရေး၌ အနည်းငယ်ထိခိုက်နိုင်ဟုဆို
၃။ တန်ဆောင်မုန်းလပြည့်နေ့ ည(၆)နာရီကျော်တွင် ဓနသိဒ္ဓိနက္ခတ်အချိန်ကောင်းကျရောက်ဟုဆို
၄။ တောင်အာဖရိကတွင် ဇူလူဘုရင်အသစ်နန်းတက်ပွဲကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
- Category: Myanmar
- Hits: 309