#DailyNews
Published - 4 Mar 2022
၁။ လျှပ်စစ်ဓာတ်ကြိုးများကို ဖြတ်တောက်ဖျက်ဆီးခိုးယူသူများအား စောင့်ကြည့်သွားမည်။
၂။ လူမှုကူညီရေး ပရဟိတအသင်းများအနေနဲ့ ရေရှည်ရပ်တည်ဖို့မလွယ်ကူသည့် အခြေအနေနဲ့ကြုံနေရ။
၃။ နေ့စဉ်မိုးလေဝသသတင်း။
၄။ အီရတ်နိုင်ငံမှကျန်ရှိနေသေးသော ဂျူးလူမျိုးဝင်များ၏နောက်ဆုံးအမွေအနှစ်များ ပပျောက်တော့မည့်အန္တရာယ်နှင့်ကြုံတွေ့နေရ.......အစရှိတဲ့သတင်းတွေကိုတင်ဆက်ပေးသွားမှာပဲဖြစ်ပါတယ်။
#Yangon_Media_Group
- Category: Myanmar
- Hits: 388
#WorldArt
Published 03 March 2022
ဗင်နီဇွဲလားပန်းချီပညာရှင်'မန်နျူရယ်ဂယ်လာဒို'ဟာ ပန်းချီရေးဆွဲရာမှာ ပစ္စည်းကိရိယာတွေအသုံးပြုလေ့မရှိဘဲ မှန်တစ်ချပ်၊ စိတ်ကူးစိတ်သန်းနဲ့ လက်ချောင်းများကိုသာအသုံးပြုပြီး ရေးဆွဲလေ့ရှိပါတယ်။
#Yangon_Media_Group
- Category: World
- Hits: 608
Published 3 March 2022
ပြင်သစ်သမ္မတ အီမန်နျူယယ်မာခရွန်က ရုရှားခေါင်းဆောင် ဗလာဒီမာပူတင်နှင့် ယူကရိန်းမှာ ရုရှားစစ်ပွဲရပ်သွားအောင် ဆွဲဆောင်သိမ်းသွင်းလို့ရသမျှ ပြောဆိုဆွေးနွေးသွားမယ်လို့ ပြောလိုက်ပါတယ်။
“ကျွန်တော်ဟာ သမ္မတပူတင်နှင့် ကျွန်တော်လုပ်နိုင်သမျှ၊လိုအပ်တဲ့အထိ ဆက်လက်ဆက်သွယ်ပြောဆိုဖို့ ရွေးချယ်ထားပြီဖြစ်တယ်။ သူ့ကို အကြမ်းဖက်မှုတွေကနေ ဖယ်ခွာဖို့ ကျွန်တော် အိတ်သွန်ဖာမှောက်နည်းလမ်းရှာမှာပဲဖြစ်တယ်။ပြင်သစ်အနေနှင့် ပဋိပက္ခတွေ ကူးစက်ပြန့်ပွားတာကို ကာကွယ်ဖို့ ဆွေးနွေးပြောဆိုတာတွေဆက်လုပ်သွားမှာဖြစ်တယ်” လို့ သူက မတ်လ(၂)ရက်ကပြောကြားတဲ့ ရုပ်မြင်သံကြားမိန့်ခွန်းမှာ ထည့်သွင်းပြောကြားခဲ့တာဖြစ်ပါတယ်။
Source AFP
- Category: World
- Hits: 834
#LocalNews
Published - 3 Mar 2022
ရန်ကုန်တိုင်းဒေသကြီးအတွင်းပြေးဆွဲနေသော YBS ယာဉ်များကို ကတ်စနစ်နဲ့စီးနှင်းနိုင်ဖို့အတွက် YPS ကတ်အရောင်းစင်တာတွေကို ပြန်လည်ဖွင့်လှစ်နေပြီး ခရီးစဉ်စဆုံး ယာဉ်စီးခ ၄၀၀ ကို ပိုင်းဖြတ်စနစ်နဲ့ကောက်ခံဖို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီနဲ့ ယာဉ်လိုင်းကုမ္ပဏီတွေအကြား သဘောတူညီမှုရရှိကာ ကတ်စနစ်နဲ့ယာဉ်စီးခကောက်ခံမှုစနစ်ကိုပြန်လည်စတင်တာဖြစ်တယ်လို့ သိရပါတယ်။
#Yangon_Media_Group
- Category: Myanmar
- Hits: 395
#LocalNews
Published_3 March 2022
သရုပ်ဆောင်ရဲတိုက်နဲ့ ဆယ်လီ Beauty Blogger ဝင်းမင်းသန်းတို့အနေနဲ့ ၅၀၅(က) အတွက် လွတ်ငြိမ်းရပေမယ့် သရုပ်ဆောင်ရဲတိုက် မှာ ရင်ဆိုင်နေရဆဲ မူးယစ်မှု ရှိသလို Beauty Blogger ဝင်းမင်းသန်း အနေနဲ့ ၁၇(၁) အမှုနဲ့ပတ်သက်သော ပြစ်ဒဏ်ကျန်နေသေးတာကြောင့် မလွတ်မြောက်ကြသေးတာဖြစ်တယ်လို့ သိရပါတယ်။
#Yangon_Media_Group
- Category: Myanmar
- Hits: 499
Published 3 March 2022
ဖေဖော်ဝါရီ(၂၇)ရက်မှာ အဆုံးသတ်တဲ့ ပြီးခဲ့တဲ့ရက်သတ္တပတ်အတွင်း ကမ္ဘာလုံးဆိုင်ရာ ကိုဗစ်-၁၉ ကူးစက်မှုဟာ ၁၆ရာခိုင်နှုန်း ကျဆင်းသွားပြီး သေဆုံးနှုန်းဟာလည်း ၁၀ရာခိုင်နှုန်းကျဆင်းသွားတယ်လို့ ကမ္ဘာ့ကျန်းမာရေးအဖွဲ့က အပတ်စဉ် အစီရင်ခံစာမှာ ဖော်ပြထားပါတယ်။
ဖေဖော်ဝါရီ(၂၁)ရက်မှ (၂၇)ရက်အထိ တစ်ပတ်တာအတွင်း ကမ္ဘာ့ကျန်းမာရေးအဖွဲ့ရဲ့ ဒေသကြီး(၆)ခုအတွင်း ကူးစက်မှု အသစ် ဆယ်သန်းကျော်နှင့် သေဆုံးမှုအသစ် ခြောက်သောင်းကျော်ရှိခဲ့ပါတယ်
အဲဒီအထဲမှာ ပစိဖိတ်အနောက်ပိုင်းဒေသတစ်ခုတည်းသာ ကူးစက်မှုမြင့်မားခဲ့ပြီး ၃၂ရာခိုင်နှုန်းတက်ခဲ့တာပါ။ မြေထဲပင်လယ် အရှေ့ပိုင်းဒေသမှာတော့ ကူးစက်မှုတွေက ၃၄ရာခိုင်နှုန်းအထိကျဆင်းခဲ့ရာ ဒေသကြီး(၆)ခုမှာ ကူးစက်မှုအကျဆင်းဆုံး ဒေသဖြစ်ပါတယ်။
ပစိတ်ဖိတ်အနောက်ပိုင်းဒေသဟာ သေဆုံးနှုန်းလည်း ၂၂ရာခိုင်နှုန်းအထိတက်ခဲ့ပြီး အရှေ့ပိုင်းမြေထဲပင်လယ်ဒေသကတော့ သေဆုံးနှုန်း(၄)ရာခိုင်နှုန်းတက်ခဲ့ပါတယ်။တစ်ပတ်အတွင်း ထပ်မံသေဆုံမှုအသစ်တွေဟာ အာဖရိက၊အရှေ့တောင်အာရှ၊ဥရောပနှင့် အမေရိကားဒေသတွေမှာ ကျဆင်းလာခဲ့တာဖြစ်ပါတယ်
Source: CMG
- Category: World
- Hits: 622
#LocalNews
Published - 3 March 2022
ကချင်ပြည်နယ် ဖားကန့်မြို့နယ်အတွင်း နိုင်ငံတော်စီမံအုပ်ချုပ်ရေးကောင်စီအနေနဲ့ ကျောက်တူးခွင့်တွေကို ပိတ်ထားတဲ့ကြားက မြေစာပုံပြိုကျခဲ့တာကြောင့် လူအသေအပျောက်ရှိခဲ့တယ်လို့ ဒေသခံတွေက ပြောပြခဲ့ပါတယ်။
#Yangon_Media_Group
- Category: Myanmar
- Hits: 403