#Local_News
Published_ 7 May 2024
▪️ စွမ်းအင်ဝန်ကြီးဌာနက စက်မှုဝန်ကြီးဌာနရှိ စက်ရုံ ၁၂ ရုံသို့ သဘာဝဓာတ်ငွေ့တစ်နှစ်လျှင် ၃၀ ကုဗပေသန်း ပို့လွှတ်ပေးနေကြောင်း စွမ်းအင်ဝန်ကြီးဌာန၌ မေ ၆ ရက်က ကျင်းပတဲ့ မြန်မာ့ရေနံနှင့် သဘာဝဓာတ်ငွေ့လုပ်ငန်းနှင့် စက်မှုဝန်ကြီးဌာန၊ အမှတ်(၁) အထည်စက်ရုံ (ရွှေတောင်)အတွက် သဘာဝဓာတ်ငွေ့ ဝယ်ယူ၊ ရောင်းချမှု သဘောတူ စာချုပ် လက်မှတ်ရေးထိုးပွဲ သတင်းထုတ်ပြန်ချက်အရ သိရပါတယ်။
▪️ စက်မှုဝန်ကြီး ဒေါက်တာချာလီသန်းက စက်မှုဝန်ကြီးဌာနမှထုတ်လုပ်တဲ့ ထုတ်ကုန်ပစ္စည်းများကို ဈေးကွက်အတွင်း ယှဉ်ပြိုင်ရောင်းချနိုင်ရေးအတွက် ကြိုးစားနေပြီး အမှတ် (၁) အထည်စက်ရုံ (ရွှေတောင်) မှထုတ်လုပ်သော ပိတ်ဖြူ၊ ပိတ်ညိုများကိုအဖြူချွတ်ပြီး ဂျပန်နိုင်ငံ ဆူရာတိုမိုကုမ္ပဏီလီမိတက်နှင့် အကျိုးတူပူးပေါင်း၍ ဆေးဆိုးခြင်း လုပ်ငန်းများကို ဆောင်ရွက်လျက်ရှိတယ်လို့ ဆိုပါတယ်။
▪️ ပြည်တွင်း၌လိုအပ်သော အထည်များချုပ်လုပ်နိုင်ရန်အတွက်ပိတ်များ ရက်လုပ်လျက်ရှိကာ သဘာဝဓာတ်ငွေ့ရရှိပါက ကုန်ထုတ်လုပ်မှုလုပ်ငန်းများ တိုးမြှင့်နိုင်မည့်အပြင် ထုတ်ကုန်ပစ္စည်းများရဲ့ အရည်အသွေးများလည်း တိုးတက်ကောင်းမွန်လာမှာဖြစ်ပြီး စွမ်းအင်ဝန်ကြီးဌာနမှ ပို့လွှတ်သည့် သဘာဝဓာတ်ငွေ့များကို အကျိုးရှိထိရောက်စွာ အသုံးပြုသွားမယ်လို့ ပြောဆိုပါတယ်။
▪️ စွမ်းအင်ဝန်ကြီးဌာနဝန်ကြီး ဦးကိုကိုလွင်က အမှတ်(၁)အထည်စက်ရုံ (ရွှေတောင်) အတွက် လိုအပ်သော သဘာဝဓာတ်ငွေ့များကို ရေနံချောင်းမြို့ရှိ ခွဲလွှတ်ရုံမှ ပေးပို့နိုင်ရေး သီးသန့်ပိုက်လိုင်းတစ်ခု တည်ဆောက်ပေးခဲ့ကာ သဘာဝဓာတ်ငွေ့နှင့် ရေနံများကို ကန့်သတ်ချက်များဖြင့် ထုတ်ယူနေရတဲ့အတွက် ပို့လွှတ်သည့် သဘာဝဓာတ်ငွေ့များကို အကျိုးရှိစွာ သုံးစွဲစေလိုကြောင်း ပြောပါတယ်။
▪️ စွမ်းအင်ဝန်ကြီးဌာနအနေဖြင့် အထည်စက်ရုံ (ရွှေတောင်)သို့ သဘာဝဓာတ်ငွေ့ များကို ၁၉၈၇ ခုနှစ်မှစတင်၍ ပြည်ရေနံမြေ၊ အဖျောက်ရေနံမြေတို့မှ ပို့လွှတ်ခဲ့ကြောင်း၊ စက်ရုံအနေဖြင့် စာချုပ်ချုပ်ဆို ထားသည့်ပမာဏအတိုင်း သုံးစွဲစေလိုကြောင်း၊ စွမ်းအင်ဝန်ကြီးဌာနအနေဖြင့် လိုအပ်ချက်များရှိပါက ပူးပေါင်းဆောင်ရွက်သွားမယ်လို့ ပြောကြားခဲ့ပါတယ်။
#Ymg_mnn #Yangon_Media_Group
- Category: Myanmar
- Hits: 63
Published_ 6 May 2024
ကရင်ပြည်နယ်၊ ကော့ကရိတ်မြို့တွင်းသို့ ပြန်လည်ဝင်ရောက် နေထိုင်နေကြသည့် ပြည်သူများနေထိုင်မှု၊ ရေနှင့်လျှပ်စစ်မီးများ အဆင်ပြေစွာ သုံးစွဲနိုင်ရေးအတွက် နေ့စဉ်နေ့တိုင်း ဆောင်ရွက်ပေးနေကြောင်း သိရပါတယ်။
တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များ၊ စည်ပင်သာယာရေးအဖွဲ့မှ ဝန်ထမ်းများ၊ လျှပ်စစ်ဓတ်အားဖြန့်ဖြူးရေးလုပ်ငန်းမှ ဝန်ထမ်းများက သစ်ပင်သစ်ကိုင်း များ ခုတ်ထွင်ရှင်းလင်းခြင်း၊ ဓာတ်မီးတိုင်နှင့် လျှပ်စစ်ကြိုးများ ရှင်းလင်းသွယ်တန်းခြင်း များကို နေ့စဥ်ဆောင်ရွက်ပေးနေတာ ဖြစ်ပါတယ်။
မေ ၄ ရက်တွင် ကေ့ာကရိတ်မြို အမှတ်(၆)ရပ်ကွက်၌ နေအိမ် (၆) လုံးရှိ လက်တူးတွင်း (၆) တွင်းကို သက်ဆိုင်ရာတာဝန်ရှိသူများက Bleaching Powder (Chlorine) ဆေးခတ်ပေးခဲ့ပြီး ထောက်ပံ့ပစ္စည်းများလည်း ပေးအပ်ခဲ့ပါတယ်။
မေ ၅ ရက်နေ့အထိ အိမ်ထောင်စု (၁၀၈)စု၊ လူဦးရေ (၅၁၂)ဦး နေထိုင်စားသောက်မှု အဆင်ပြေစေရေးအတွက် ကရင်ပြည်နယ်အစိုးရအဖွဲ၏ စီမံကြီးကြပ်ဆောင်ရွက်မှုဖြင့် အိမ်ထောင်စုတစ်စုလျှင် ဆန်(၈)ပြည်၊ ဆီငါးဆယ်ကျပ်သား၊ ခေါက်ဆွဲထုပ်(၁၀)ထုပ် စုစုပေါင်းတန်ဖိုး ငွေကျပ် (၄၃)သိန်းကျော်ဖိုး ထောက်ပံ့ပေးပြီးဖြစ်ကြောင်း သိရပါတယ်။
Ymg_mnn
#Local_News
#Published_06 May 2024
#Yangon_Times #YMG_News #Yangon_Media_Group
- Category: Myanmar
- Hits: 140
#Daily_News
Published_06 May 2024
၁။ နေပြင်းတာနှင့် မိုးလေလွတ်အောင် အင်းလေးဒေသကို ခရီးသွားများ မနက်စောစောလာလည်စေချင်ဟုဆို
၂။ တဟုန်ထိုး စျေးမြင့်တက်ခဲ့သည့် ဒဂုံမြို့သစ်လေးမြို့နယ်ရှိ အိမ်ခြံမြေစျေးကွက် ဈေးအနည်းငယ်ပြန်ကျလာ
၃။ ဆောက်လုပ်ရေးလုပ်ငန်းသုံးပစ္စည်းများ ၁၀ရာခိုင်နှုန်း မှ ၅၀ရာခိုင်နှုန်းအထိ မြင့်တက်နေ
၄။ လကမ္ဘာအဝေးဖက်ခြမ်း၏ နမူနာများရယူရန် ချန်ဂယ်-၆စူးစမ်းယာဥ်အား တရုတ်လွှတ်တင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Times #Daily_News #YMG_News #Yangon_Media_Group
- Category: Myanmar
- Hits: 28
သတ်မှတ်စည်းကမ်းမလိုက်နာ၍ Money Changer နှစ်ခုကို ဗဟိုဘဏ်ထပ်မံအရေးယူခဲ့ပြီး နှစ်လအတွင်း အရေးယူထားတဲ့ Money Changer ၅၀ အထိရှိလာတယ်လို့ မြန်မာနိုင်ငံတော်ဗဟိုဘဏ်က သိရပါတယ်။
#Yangon_Times/NN
#Local_News
#Published_06 May 2024
#Yangon_Times #YMG_News #Yangon_Media_Group
- Category: Myanmar
- Hits: 27
ပိန္ဒဲသီးတစ်လုံးကို အရင်ကလို ကျပ် ၈၅၀၀မှ ၁၀၀၀၀၊ ၁၅၀၀၀နဲ့ပဲ လက်လီ၊လက်ကားရောင်းချပေးနေတယ်။
#Yangon_Times/tthl
#Local_News
#Published_06 May 2024
#Yangon_Times #YMG_News #Yangon_Media_Group
- Category: Myanmar
- Hits: 25
Published_06 May 2024
ကျောက်မျက်ပြပွဲစတုတ္ထနေ့ ဖြစ်သည့် မေလ၆ရက်နေ့၌ ကျောက်မျက်အတွဲ(၁)မှ (၁၆၀) အထိ အိတ်ဖွင့်တင်ဒါစနစ်ဖြင့် ပြည်တွင်း၊ ပြည်ပရတနာကုန်သည်များကို ဆက်လက်ရောင်းချပေးနေကြောင်း ကျင်းပရေးကော်မတီမှ သိရသည်။
(၅၉)ကြိမ်မြောက် မြန်မာ့ကျောက်မျက်ရတနာပြပွဲကို မေလ ၃ ရက်မှ ၁၂ ရက်အထိ မဏိရတနာကျောက်စိမ်းခန်းမ ၌ ကျင်းပနေခြင်းဖြစ်ပြီး ပြပွဲတတိယနေ့၌လည်း ပုလဲအတွဲပေါင်း ၁၉၇ တွဲ ရောင်းချနိုင်ခဲ့ကြောင်းသိရသည်။
အဆိုပါ (၅၉)ကြိမ်မြောက် မြန်မာ့ကျောက်မျက်ရတနာပြပွဲတွင် ပုလဲအတွဲပေါင်း ၄၀၀၊ ကျောက်မျက်အတွဲပေါင်း ၁၆၀ နှင့် ကျောက်စိမ်းအတွဲပေါင်း ၄,၅၅၀ တို့ကို ပြည်တွင်း၊ ပြည်ပရတနာကုန်သည်များအား အိတ်ဖွင့်တင်ဒါစနစ်ဖြင့် ရောင်းချပေးသွားမည် ဖြစ်ကြောင်း ထုတ်ပြန်ထားသည် ။
#Yangon_Times/NN
#Local_News
#Published_06 May 2024
#Yangon_Times #YMG_News #Yangon_Media_Group
- Category: Myanmar
- Hits: 62
Published_06 May 2024
မြန်မာနိုင်ငံဘောလုံးအဖွဲချုပ်၊ ဒိုင်ကော်မတီ ဒိုင်ဌာနတို ပူးပေါင်း ဖွင့်လှစ်မည့် MFF Basic Referee Course 2/2024 ကို ယခုလနောက်ဆုံးပတ်ဖြစ်သည့် မေ ၂၄ ရက်တွင် စတင်ဖွင့်လှစ်မည် ဖြစ်ကြောင်း သိရသည်။
အဆိုပါ MFF Basic Referee Course 2/2024သင်တန်းတွင် (ကျား၊မ) (၃၀) ဦးသာ လက်ခံသွားမည်ဖြစ်ကာ သင်တန်းကာလ ၇ ရက်ကြာ ပို့ချသွားမည် ဖြစ်သည်။
သင်တန်းတက်လိုသူများသည် အသက် (၁၈)နှစ်ထက်မငယ်ရ၊ (၃၀)နှစ်ထက်မကြီးသူဖြစ်ရမည်ဖြစ်ပြီး အနည်းဆုံးအခြေခံပညာအထက်တန်းအဆင့်ရှိသူ ဖြစ်ရမည်ဖြစ်ကြောင်း သိရသည်။
ထို့အပြင်မျက်မှန် မတပ်ဆင်သူ၊ ကျန်းမာကြံ့ခိုင်၍ ပြေးလွှားလှုပ်ရှားနိုင်သူနှင့် သင်တန်းကာလပြီးဆုံးသည်အထိ မပျက်မကွက် တက်ရောက်နိုင်သူစသည့်အရည်အချင်းသတ်မှတ်ချက်များ ဖြင့်ပြည့်စုံရမည်ဖြစ်ကြောင်း သိရသည်။
အဆိုပါ အချက်အလက်များနှင့် ကိုက်ညီသူများ အနေဖြင့် မေလ ၆ ရက် (ယနေ့)မှ စတင်၍ မေလ ၂၀ရက် ရက်နေ့ ရုံးချိန်အတွင်း မြန်မာနိုင်ငံဘောလုံးအဖွဲချုပ် ဒိုင်ကော်မတီ ဒိုင်ဌာန (ဖုန်း - ၀၉ ၄၀၂၃၀၂၆၄၀) သို ဆက်သွယ်စုံစမ်း လျှောက်လွှာတင်သွင်းနိုင် ကြောင်း ၊သင်တန်းလျှောက်လွှာ များကို
https://www.mediafire.com/file/jeucqayx9mhrrt4/MFF+Basic+Referee+Course+2-2024
တွင် Download ရယူနိုင်ကြောင်း သိရသည်။
#Yangon_Times/NN
#Local_News
#Published_06 May 2024
#Yangon_Times #YMG_News #Yangon_Media_Group
- Category: Myanmar
- Hits: 24