Published 24 March 2024

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ င/က ရပ်ကွက်၊ ပန်းရိုက်လမ်းတွင် မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ ထံ က သိရသည်။

မတ်လ ၂၄ရက် မနက် ၁၀နာရီ ၃၀မိနစ် က လောင်ကျွမ်းခဲ့ ပြီးမြန်မာနိုင်ငံမီးသတ်တပ်ဖွဲ့က Level 1 ယာဉ်အုပ်စု ဖြင့်ထွက်ခွာငြိမ်းသတ်ခဲ့သည့်အပြင် ပရဟိတလူမှုကူညီရေးအသင်းအဖွဲ့ များ ဝိုင်းဝန်းငြှိမ်းသတ်ခဲ့သောကြောင့် ၁၀နာရီ ၅၆မိနစ် တွင် မီးငြိမ်းခဲ့ကြောင်း သိရသည်။

မီးလောင်မှု ကြောင့် လူနေအိမ် ငါးလုံး ခန့် မီးလောင်ပျက်စီးခဲ့ကြောင်းအနီးနားနေထိုင်သူများထံကသိရသည်။

မီးလောင်သည့်နေရာသည်ရန်ကုန်မြို့တွင်းကို ဖြန့်ဖြူးမှုအများဆုံးနှင့် ချက်ပြုတ်ရေးလုပ်ငန်းများတွင် လူသုံးများသည့် EFF ဂက်စ်သိုလှောင်ကန်နှင့် နီးသော်လည်း မီးကူးစက်မှု မရှိခဲ့ကြောင်းသိရသည်။

မီးလောင်သည့်အကြောင်းရာနှင့် ဆုံးရှုံးမှုတန်ဖိုး ကို သက်ဆိုင်ရာစစ်ဆေးလျက်ရှိကြောင်း သိရသည်။
Yangon Times/LW
#Published_ 22 March 2024
#YMG_News #Yangon_Times #Yangon_Media_Group