#WorldHealth
Published - 20 February 2022
အမေရိကန်မှာ ပြီးခဲ့တဲ့လ အိုမီခရွန်ကူးစက်မှုအမြင့်ဆုံးဖြစ်ခဲ့ချိန်မှာ ကိုဗစ်ရောဂါဆိုးရွားစွာခံစားရနိုင်တဲ့လူနာတွေအတွက် ရောဂါကုသဆေးတွေကို ဝယ်ယူရရှိနိုင်ဖို့ ခက်ခဲနေခဲ့ပါတယ်။ဖိုင်ဇာဆေးဝါးကုမ္ပဏီမှထုတ်တဲ့ ပက်ဇ်လိုဗစ်(Paxlovid)ဆေးအနည်းငယ်သာ ဆေးရုံတွေ ဆေးဆိုင်တွေကို ရောက်ရှိခဲ့တာဖြစ်ပါတယ်။
အခု ရောဂါကူးစက်မှုတွေကျဆင်းလာတဲ့အချိန်ကျမှ ဖက်ဒရယ်အစိုးရကမှာယူထားတဲ့ ဆေးဝါးသိန်းပေါင်းများစွာဟာ ဆေးဆိုင်တွေဆီရောက်ရှိလာပြီဖြစ်ပါတယ်။
"အခုအချိန်မှာ ကိုဗစ်ကူးစက်မှုတွေ လျင်မြန်စွာကျဆင်းလာတာကြောင့် ကုသဆေးတွေ သိပ်ပြီးမလိုအပ်တော့ပါဘူး။ လွန်ခဲ့တဲ့ ၃ - ၄ ပတ်လောက်ကသာ ဒီလောက်ဆေးဝါးထောက်ပံ့မှုရခဲ့ရင် အခြေအနေတွေက တစ်မျိုးဖြစ်သွားမှာပါ" လို့ မာဆာချူဆက်စ်ဆေးပညာဆိုင်ရာကော်မတီမှ ဥက္ကဌဖြစ်သူ 'အာဆစ်ဖ်မာချန့်'က ပြောကြားလိုက်ပါတယ်။
ပက်ဇ်လိုဗစ်ဆေးဝါးတွေဟာ ရောဂါပြင်းထန်စွာခံစားရနိုင်တဲ့လူတွေမှာ စောလျင်စွာကုသခြင်းဖြင့် ထိထိရောက်ရောက်ကုသပေးနိုင်တာကြောင့် နိုင်ငံအတွင်း ကိုဗစ်ရောဂါနဲ့အတူ ယှဉ်တွဲနေထိုင်သွားနိုင်ဖို့ အရေးကြီးတဲ့ကဏ္ဍမှာပါဝင်နေကြောင်း 'ဂျိုးဘိုင်ဒန်'ရဲ့အုပ်ချုပ်ရေးအဖွဲ့က ပက်ဇ်လိုဗစ်ဆေးဝါးကို အားကိုးအားထားပြုခဲ့တာဖြစ်ပါတယ်။
ပက်ဇ်လိုဗစ်ဆေးကို ရောဂါလက္ခဏာစပေါ်ပြီး ၅ ရက်အတွင်းအသုံးပြုခြင်းဖြင့် ဆေးရုံတက်ကုသခံယူရမှုနဲ့ အသက်သေဆုံးမှုတို့ကို ၉၀ ရာခိုင်နှုန်းနီးပါးလျှော့ချပေးနိုင်ကြောင်း ခန့်မှန်းထားကြပါတယ်။
ဒါပေမဲ့ ဆေးထုတ်လုပ်ရေးလုပ်ငန်းတွေက လနဲ့ချီအောင်ကြာတတ်ပါတယ်။
နယူးယော့ခ်မြို့ရှိ ဒေသတစ်ခုမှာ ပြီးခဲ့တဲ့ကူးစက်မှုအမြင့်ဆုံးကာလအတွင်း ရောဂါကူးစက်မှုကြောင့် ဆေးရုံတက်ကုသခံယူရသူ ၁၂၂ ဦးရှိခဲ့ရာမှ အခုအခါ ၈ ယောက်သာရှိတော့တာဖြစ်ပါတယ်။
ဒီဇင်ဘာလအတွင်း ဈေးကွက်ထဲစတင်ဝင်ရောက်ချိန်တုန်းက ပက်ဇ်လိုဗစ်ဆေးကို ဝယ်ယူရရှိဖိုအလွန်ခက်ခဲခဲ့ပြီး အခုအခါမှာတော့ အလွယ်တကူရရှိနေပြီဖြစ်ပေမယ့် ဆေးဆိုင်တိုင်းမှာရရှိတာမဟုတ်ဘဲ သတ်မှတ်ထားတဲ့ဆေးဆိုင်တွေမှာသာ ရရှိနေပါတယ်။
ဆေးဝါးတွေက အခုအချိန်မှာ လုံလောက်နေပေမယ့် နောက်ထပ်ကူးစက်မှု ဖြစ်လာခဲ့ရင်တော့ လုံလောက်မှာမဟုတ်ကြောင်း မာဆာချူဆက်စ်ဆေးရုံ ပြင်ပကိုဗစ်လူနာဌာနမှ ဆေးကုသမှုပိုင်းဒါရိုက်တာ 'စကော့ဒရိုင်ဒန်ပီတာဆန်'က သတိပေးလိုက်ပါတယ်။
ပစ္စည်းထောက်ပံ့မှုကနည်းပါးပြီး ဆေးဝါးထုတ်လုပ်ရေးလုပ်ငန်းစဉ်တွေက ရှုပ်ထွေးတဲ့အတွက် အလျင်အမြန်မထုတ်လုပ်နိုင်ပါဘူး။ပက်ဇ်လိုဗစ်ဆေးက ရောဂါဆိုးရွားနိုင်တဲ့လူတွေကို ကုသပေးနိုင်မှာဖြစ်ပေမယ့် ပြီးခဲ့တဲ့ရက်တွေတုန်းကလို ကူးစက်မှုတွေများလာရင်တော့ ကာကွယ်နိုင်တော့မှာမဟုတ်ပါဘူး။
ထုတ်လုပ်ရေးကုန်ကြမ်းပစ္စည်းတွေ အလုံအလောက်မရသေးရင်တော့ အခုလိုအခြေအနေပဲဆက်ဖြစ်နေမှာဖြစ်ကြောင်း ပြောကြားသွားပါတယ်။
Source: Bloomberg
- Category: World
- Hits: 1266
#WorldHealth
Published - 20 February 2022
ကိုဗစ်ရောဂါကူးစက်မှုမြင့်မားနေတဲ့နိုင်ငံများအတွင်း ကွာရန်တင်းသတ်မှတ်နေထိုင်ချိန် ၁၄ ရက်ကို အချို့အခြေအနေတွေမှာ လျှော့ချလိုရနိုင်ကြောင်း ကမ္ဘာ့ကျန်းမာရေးအဖွဲ့အစည်း WHO က ကြာသပတေးနေ့က ပြောကြားလိုက်ပါတယ်။
ဒီလိုလျှော့ချသတ်မှတ်လိုက်ခြင်းက ကျန်းမာရေးစောင့်ရှောက်မှုအဖွဲ့အစည်းတွေမှာ ဝန်ထုပ်ဝန်ပိုးပိနေတဲ့နေရာတွေအတွက် သက်သာရာရစေမှာဖြစ်ကြောင်း ကုလသမဂ္ဂက ထောက်ခံလိုက်ပါတယ်။
ဥပမာအားဖြင့် ရောဂါစစ်ဆေးပြီးကြောင်းမပြသနိုင်ပါက ၁၀ ရက်ကွာရန်တင်းနေထိုင်နိုင်ပြီး ရောဂါလက္ခဏာမပေါ်တဲ့အပြင် ရောဂါပိုးမရှိကြောင်းစစ်ဆေးချက်ရရှိပါက ကွာရန်တင်းနေထိုင်ချိန်ကို ၇ ရက်အထိ လျှော့ချနိုင်မှာဖြစ်ပါတယ်။
ကွာရန်တင်းနေထိုင်ချိန်လျှော့ချဖို့အတွက် ရောဂါပိုးစစ်ဆေးခြင်းမပြုလုပ်နိုင်တဲ့နေရာတွေမှာ ရောဂါလက္ခဏာပေါ်မပေါ်ကိုကြည့်ပြီး ဆုံးဖြတ်သွားနိုင်ကြောင်း ဖော်ပြထားပါတယ်။
ထိုကဲ့သို့အခြေအနေတွေမှာ ထိတွေ့ဆက်ဆံခဲ့သူများအား ခြေရာခံစောင့်ကြည့်ခြင်းတို့ကိုလည်း ဖြေလျှော့ဆောင်ရွက်နိုင်ကြောင်း WHO က ဆိုပါတယ်။
ကိုဗစ်ရောဂါပိုးတွေ့ရှိသူတွေနဲ့ ထိတွေ့ဆက်ဆံခဲ့သူတွေထဲက ကျန်းမာရေးဝန်ထမ်းတွေလို ရောဂါကူးစက်နိုင်ချေများသူတွေ၊ ရောဂါအခံရှိပြီး ပြင်းထန်စွာခံစားရနိုင်သူတွေ၊ ကာကွယ်ဆေးမထိုးရသေးတဲ့လူတွေကိုတော့ ဦးစားပေးစစ်ဆေးသွားသင့်ပါတယ်။
အမေရိကန်၊ ဂျာမနီ၊ ဆွစ်ဇာလန်တို့လို နိုင်ငံအချို့မှာ အိုမီခရွန်ကူးစက်မှုပုံစံနဲ့ကိုက်ညီအောင် ကွာရန်တင်းနေထိုင်ချိန်ကို လျှော့ချထားပြီးဖြစ်ပါတယ်။
Source: The Jerusalem Post
- Category: World
- Hits: 702
Published 19 February 2022
(၇)နှစ်ကျော် ဖန်တီးတည်ဆောက်ပြီးတဲ့နောက် ယူအေအီးရဲ့ ရှာဂျာ ဆာဖာရီဥယျဉ်ဟာ ဧည့်သည်တွေနှင့် တိရိစ္ဆာန်ချစ်သူတွေ အတွက် ဖေဖော်ဝါရီ ၁၈ရက်သောကြာနေ့က စတင်ဖွင့်လှစ်လိုက်ပါတယ်။ အဲဒီဆာဖာရီဥယျဉ်ဟာရှာဂျာမြို့က အယ်လ်ဘရီဒီ သဘာဝ ဘေးမဲ့တောမှာတည်ရှိပါတယ်။
အဲဒီနေရာဟာ ဒူဘိုင်းကနေ တစ်နာရီခန့် ကားမောင်းလာရင်ရောက်ပါတယ်။ ဥယျဉ်ကြီးတစ်ခုလုံးရဲ့ အကျယ်အဝန်းဟာ ၈၀၀ ဟက်တာရှိတဲ့အအတွက် အာဖရိကအပြင်ဘက်မှာ အကျယ်ဆုံးဆာဖာရီဥယျဉ်ကြီးဖြစ်ပါတယ်။
Source AFP
- Category: World
- Hits: 663
#WorldTech
Published 18 February 2022
ရဝမ်ဒါနိုင်ငံမှ တက္ကစီဆိုင်ကယ်မောင်းသူ 'အီဗိုဒီနီယိုရူရယ်မာ'ဟာ သူ့ရဲ့လောင်စာဆီသုံးဆိုင်ကယ်ယာဉ်ကို လျှပ်စစ်ဆိုင်ကယ်အဖြစ်ပြောင်းလဲခဲ့ပါတယ်။
#Yangon_Media_Group
- Category: World
- Hits: 1062
Published 19 February 2022
တရုတ်နိုင်ငံရဲ့ ဦဆောင် ကားထုတ်လုပ်တဲ့ ကုမ္ပဏီကြီးဖြစ်တဲ့ ဖော First Automotive Works (FAW) က ဂျာမန်ကား ကုမ္ပဏီကြီး အော်ဒီ Audi နှင့်ပူးပေါင်းပြီး လျှပ်စစ်ကားတွေထုတ်လုပ်မယ့် စီမံကိန်းကို သောကြာနေ့က တရားဝင်စတင်လိုက်ပါတယ်။ အဲဒီလျှပ်စစ်ကားသီးသန့်ကို တရုတ်နိုင်ငံ အရှေ့မြောက်ပိုင်းက ကျိလင်းပြည်နယ်မြို့တော် ချမ်းချွန်မှာ ထုတ်လုပ်သွားမှာဖြစ်ပါတယ်။
အဲဒီစီမံကိန်းရဲ့ရင်းနှီးမြှပ်နှံမှုတန်ဖိုးဟာ တရုတ်ယွမ်ငွေ ၃၅.၈ ဘီလီယံဖြစ်ပြီး အဲဒါဟာ အမေရိကန်ဒေါ်လာ ၅.၆၆ဘီလီယံခန့် နှင့်ညီမျှပါတယ်။
Source CMG
- Category: World
- Hits: 588
#Yangon_Media_Group
- Category: Myanmar
- Hits: 558
Published 19 February 2022
ယူကရိန်းနိုင်ငံထဲက ကိုယ့်ကိုကိုယ်ကြေညာထားတဲ့ ဒွန်ညက်ပြည်သူ့သမ္မတနိုင်ငံဒေသမှာရှိတဲ့ အရပ်သားတွေဟာ နေရပ်ကိုစွန့်ခွာပြီး ရုရှားနယ်စပ်က စစ်ဆေးရေးဂိတ်တစ်ခုမှာ ရုရှားကိုဝင်ရောက်ဖို့ တန်းစီနေကြပါတယ်။
ယူကရိန်းရဲ့ခွဲထွက်ရေးဒေသနှစ်ခုက ခေါင်းဆောင်တွေက ဖေဖော်ဝါရီ ၁၉ရက်စနေနေ့မှာ အဲဒီကအရပ်သားတွအပေါ် အထွေထွေစုရုံးခြင်းအမိန့် ကြေညာထားပြီးနောက် ယခင်ဆိုဗီယက်နိုင်ငံဟောင်းတစ်ခုမှာ တိုက်ပွဲတွေဖြစ်လာမှာကို စိုးရိမ်မှုကြီးထွားလာနေကြတာဖြစ်ပါတယ်
အရန်ထားထားတဲ့ ကျွန်တော်တို့ရဲ့ ပြည်သူတွေ စစ်မှုထမ်းရုံးကိုလာရောက်ကြဖို့ ကျွန်တော်တိုက်တွန်းပါတယ်။ ယနေ့မှာ ကျွန်တော်ဟာ အထွေထွေ စစ်စည်းရုံးခြင်းအမိန့်ကိုထုတ်ပြန်ပါတယ် လို့ ကိုယ့်ဘာသာကိုယ်ကြေညာထားတဲ့ ဒွန်ညက်ပြည်သူ့သမ္မတနိုင်ငံရဲ့ခေါင်းဆောင်ဒင်းနစ်ပူရှီလင်ကရုပ်သံနှင့်သတင်းထုတ်ပြန်ပါတယ်
လုဂန့်စ်ခွဲထွက်ရေးဒေသခေါင်းဆောင် လီယိုနစ်ပါရှက်နစ်ခ်ကလည်း ကျူးကျော်ရန်စမှုကိုတွန်းလှန်ဖို့ ပြင်ဆင်ရေး အမိန့်တစ်ရပ်ကိုလည်းထုတ်ပြန်လိုက်ပါတယ်
ယူကရိန်းပြသနာကြောင့် ရုရှားနှင့် အနောက်အုပ်စုအကြား တင်းမာမှုတွေကြီးထွားနေပြီး ရုရှားဟာ ယူကရိန်းကို မကြာမီကျူးကျော်မှာသေချာတယ်လို့ အမေရိကန်သမ္မတ ဂျိုဘိုင်ဒင်က ပြောဆိုထားတဲ့အချိန်မှာပဲ ခွဲထွက်ရေး ခေါင်းဆောင် နှစ်ဦးရဲ့ကြေညာချက်တွေ ထွက်ပေါ်လာခဲ့တာဖြစ်ပါတယ်။
ယူကရိန်းစစ်တပ်နှင့် မော်စကိုကထောက်ခံထားတဲ့ ခွဲထွက်ရေးသမားတွေအကြား ၂၀၁၄ခုနှစ်မှာ စတင်ခဲတဲ့ တိုက်ပွဲတွေကတည်းကနေ ယခုအထိ လူပေါင်း တစ်သောင်းလေးထောင်ကျော် သေဆုံးခဲ့ရပြီးဖြစ်ပါတယ်။
Source AFP
- Category: World
- Hits: 630
#LocalNews
Published - 19 Feb 2022
မြန်မာနိုင်ငံမှာ ကိုဗစ်မျိုးကွဲသစ် အိုမီခရွန်ကူးစက်ခံရသူတွေ များပြားလာပြီး ထိရောက်တဲ့ကုသမှုတွေကို ပြုလုပ်ပေးနိုင်ဖို့အတွက် ရန်ကုန်မြို့ရှိ ကိုဗစ်ကုသရေးစင်တာတွေကို ယခုကာလမှာ ပြန်လည်ဖွင့်လှစ်ပေးထားတယ်လို့ ကိုဗစ်အ ရေးကိစ္စ ကူညီဆောင်ရွက်ပေးနေသူများထံမှ သိရပါတယ်။
#Yangon_Media_Group
- Category: Myanmar
- Hits: 425
#LocalNews
Published -19 Feb 2022
ရန်ကုန်တိုင်းဒေသကြီး မှော်ဘီလေတပ်စခန်းဌာနချုပ်နဲ့ စစ်ကိုင်းတိုင်းဒေသကြီး မုံရွာလေတပ်စခန်းဌာနချုပ်တို့တိုက်ခိုက်ခံရတယ်လို့ သတင်းတွေပျံ့နှံ့ခဲ့ပြီး ယင်းဖြစ်စဥ်တွေဖြစ်ပွားခဲ့ခြင်းမရှိဘူးလို့ နစက သတင်းထုတ်ပြန်ရေးအဖွဲ့ရဲ့ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက ပြောပါတယ်။
#Yangon_Media_Group
- Category: Myanmar
- Hits: 887
#LocalNews
Published-19 Feb 2022
YPS ကတ်စနစ်အသုံးပြုမယ်ဆိုပါက ဝန်ဆောင်ခစရိတ်စကတွေရှိလာတာကြောင့် ယာဉ်စီးခကို မဖြစ်မနေ ၄၀၀ ကျပ်အောက်သတ်မှတ်ပေးမှသာ လက်ခံဆောင်ရွက်နိုင်မှာဖြစ်တယ်လို့ ယာဉ်လိုင်းကုမ္ပဏီတွေကနေ သိရပါတယ်။
#Yangon_Media_Group
- Category: Myanmar
- Hits: 582
#LocalNews
Published - 19 Feb 2022
ပြည်တွင်း ကိုဗစ်ကူးစက်မှုအနေနဲ့ ဖေဖော်ဝါရီလ ၁၈ ရက်နေ့တစ်ရက်တည်းကို ကိုဗစ်အတည်ပြုလူနာ သုံးထောင်ကျော်တွေ့ရှိလာရပြီး ပိုးတွေ့ရှိမှု ရာခိုင်နှုန်းမှာ ၉ ဒသမ ၃၀ ရာခိုင်နှုန်းအထိ တစ်နေ့ထက်တစ်နေ့ ကိုဗစ်ရောဂါကူးစက်မှုတွေ မြင့်တတ်လာပါတယ်။
#Yangon_Media_Group
- Category: Myanmar
- Hits: 546
#LocalNews
Published_ 19 Feb 2022
ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC) စီမံမှုအောက်ရှိ YBS ယာဉ်ကုမ္ပဏီများအား ပြေးဆွဲနေသည့်ယာဉ်များတွင် လိုက်ပါစီးနင်းသည့် ခရီးသွားပြည်သူများနှင့် ယာဉ်မောင်းများအား ကိုဗစ်−၁၉ ရောဂါကူးစက်မှုမရှိစေရေးအတွက် ညွှန်ကြားချက်ထုတ်ပြန်ထားကြောင်း သိရပါတယ်။
အဆိုပါထုတ်ပြန်ချက်တွင် YBS ခရီးသည်တင်ယာဉ်မောင်းများအားလုံး ပါးစပ်နှင့်နှာခေါင်းစည်း (Mask) တပ်ဆင်ပြီး မောင်းနှင်စေရန်၊ ယာဉ်ပေါ် အတက်/အဆင်းတိုင်း လက်သန့်ဆေးရည်ဖြင့် ဆေးကြောရန်၊ YBS ခရီးသည်တင်ယာဉ် စီးနင်းမည့်ခရီးသည်အား (Mask) တပ်ဆင်ထားမှသာ စီးနင်းခွင့်ပြုရန်၊ YBS ခရီးသည်တင်ယာဉ်များ တစ်ခေါက်ပြေးဆွဲပြီးတိုင်း ပိုးသတ်ဆေးဖြန်းရန်၊ လေဝင်/လေထွက်ကောင်းမွန်စေရန်အတွက် ကားပြတင်းပေါက်များအား တတ်နိုင်သမျှဖွင့်၍ မောင်းနှင်စေရန်၊ ခရီးသည်များအား ခရီးစဉ်တလျှောက် ပါးစပ်နှင့်နှာခေါင်းစည်း (Mask) တပ်ဆင်၍ စီးနင်းစေရန်၊ ခရီးသည်များ စီးနင်းမှုများပြားသည့် နံနက်ရုံးတက်ချိန်နှင့် ညနေရုံးဆင်းချိန်များတွင် YBS ယာဉ်များအား ခပ်စိပ်စိပ်စေလွှတ်သွားရန် ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) ရဲ့ ညွှန်ကြားချက်မှာ ဖော်ပြထားပါတယ်။
ဖေဖော်ဝါရီ ၁၈ ရက်နေ့တွင် YBS ယာဉ်လိုင်း-၁၁၈လိုင်း၊ ယာဉ်စီးရေ-၂,၇၅၂စီး၊ ခရီးသည်-၅၁၄,၉၄၃ဦး ရှိပြီး၊ ရန်ကုန်မှ အဝေးပြေးခရီးသည်ယာဉ်လိုင်း-၁၈၁လိုင်း၊ ယာဉ်စီး ရေ-၄၆၂စီး၊ ခရီးသည်-၅,၂၈၄ဦး ရှိတယ်လို့ YRTC ရဲ့ ထုတ်ပြန်ချက်များအရ သိရပါတယ်။
YRTC အနေဖြင့် YBS မှတ်တိုင်များနှင့် ကားများပေါ်တွင် Mask များကို ဝေငှမှုများပြုလုပ်လျက်ရှိကြောင်း သိရပါတယ်။
ymg_mnn
#Yangon_Media_Group
- Category: Myanmar
- Hits: 542