Published 13 March 2022
ပြင်သစ်နိုင်ငံ ပါရီမြို့တော်က စတော့အိတ်ချိန်းရပ်ကွက်မှာ လူတွေဟာ ရွှေတွေကို အပြေးအလွှားရောင်းဝယ်နေကြပါတယ်။ ဘာဖြစ်လို့လဲဆိုတော့ ယူကရိန်းစစ်ပွဲကြောင့် ရွှေဈေးတွေက ခေါင်ခိုက်အောင်တက်သွားခဲ့လို့ဖြစ်ပါတယ်။
တစ်ရက်တစ်ရကို ရွှေတစ်ကီလိုကို ယူရိုတစ်ထောင်လောက်တက်နေတာဖြစ်ပြီး အခုဆို စံချိန်တင်လောက်တဲ့အထိ ဈေးက မိုးကိုထောင်တက်နေပြီလို့ ပြောကြပါတယ်။
လူတွေဟာ သူတို့ စုဆောင်းထားသမျှတွေနှင့် ရွှေတွေအလုအယက်ဝယ်လာကြပါတယ်။ မသေချာမရေရာမှုတွေဖြစ်နေတဲ့ အချိန်မှာ ရွှေက စိတ်အချရဆုံးလို့ သူတို့ကပြောပါတယ်။ ရွှေဆိုင်တွေမှာလည်း လူတွေက တစ်ပြိုင်နက်လိုလို စုပြုံဝယ်လာကြလို့ မအားနိုင်ဖြစ်ကြရတယ်လို့ ဆိုင်ရှင်တစ်ဦးကပြောပါတယ်။
Source AFP
- Category: World
- Hits: 877
Published 11 March 2022
အမေရိကန်နိုင်ငံမှာ နှစ်ပေါင်းလေးဆယ်အတွင်း ငွေကြေးဖောင်းပွမှု စံချိန်တင်မြင့်မားနေတဲ့အတွက် တစ်ပတ်ရစ်ကားဟောင်းတွေဟာ ကားသစ်တွေထက်တောင် ဈေးကြီးတဲ့အထိ ဈေးတွေတက်နေပါတယ်။
တမ်ပါမြို့မှာဆိုရင် တစ်ပတ်ရစ်ကားတွေထဲက ၁၀နှစ်သက်တမ်းလောက်ရှိတဲ့ကားတွေဟာ ကားသစ်တွေနီးပါးလောက် ဈေးမြင့်နေပါတယ်။ ပြီးခဲ့တဲ့နှစ်မှာ တစ်ပတ်ရစ်ကားတွေရဲ့ဈေးတွေဟာ ၄၀ရာခိုင်နှုန်းကျော်မြင့်တက်လာနေပါတယ်။
Source CMG
- Category: World
- Hits: 574
Published 10 March 2022
ယူကရိန်းအကျပ်အတည်းကြောင့် ရုရှားကို စွမ်းအင် အရေးယူပိတ်ဆို့မှုလုပ်လိုက်တာဟာ ဥရောပအတွက် နောက်ပြန် ထိခိုက်မှုဖြစ်စေလိမ့်မယ်လို့ ဗြိတိန်ပညာရှင်တစ်ဦးက သတိပေးလိုက်ပါတယ်။ the consultancy Energy Aspects အဖွဲ့ရဲ့ ဥရောပ သဘာဝဓာတ်ငွေ့သုတေသနအဖွဲ့ကို ဦးဆောင်တဲ့ ပညာရှင် ဂျိမ်းစ်ဝက်ဒဲလ်က ရုရှားနှင့်ယူကရိန်း ပဋိပက္ခမဖြစ်ခင်ကတည်းက ဥရောပမှာ စွမ်းအင်မလုံလောက်မှုရှိခဲ့တယ်လို့ ပြောပါတယ်၊အဲဒါကြောင့် သဘာဝဓာတ်ငွေ့ထုတ်လုပ်သူတွေဟာ သူတို့ရဲ့ မူလထုတ်လုပ်မှုအစီအစဉ်တွေကိုအတင်းအကြပ်ပြောင်းလဲခဲ့ရတယ်လို့ သူကပြောပါတယ်။အချိန်တစ်ခုရောက်ရင် ဒီလုပ်ငန်းတွေဟာ ခက်ခဲမှုတွေ ပိုကြုံရဖွယ်ရှိနေပါတယ်လို့ သူကသုံးသပ်ပါတယ်။
Source CMG
- Category: World
- Hits: 673
Published 9 March 2022
အမေရိကန်နှင့်ဗြိတိန်တို့က ရုရှားထံမှ စွမ်းအင် တင်သွင်းတာတွေကို ဖြတ်ပစ်လိုက်ပြီလို့ မတ်(၈)ရက် နေ့က ကြေညာခဲ့ပါတယ်။ နိုင်ငံတကာစွမ်းအင်ကုမ္ပဏီတွေဖြစ်တဲ့ ရှဲလ်နှင့် ဘီပီတို့ကလည်း ရုရှားဆီက ရေနံနှင့် သဘာဝဓာတ်ငွေ့ တင်သွင်းမှုအသစ်တွေရပ်ဆိုင်းမယ်လို့ပြောပါတယ်။
အဲဒါကြောင့် လက်ရှိမှာ ရုရှားနှင့်ယူကရိန်းပဋိပက္ခတွေကြောင့် စက်သုံးဆီဈေးနှုန်းတွေမြင့်တက်နေတဲ့ အမေရိကန်မှာ အခုလို တင်သွင်းမှုပိတ်လိုက်တဲ့အတွက် ဈေးနှုန်းတွေ ထပ်မံမြင့်တက်မယ့်အလားအလာတွေရှိနေပါတယ်။
အခုဆို အမေရိကန်ပြည်ထောင်စုက ဓာတ်ဆီဆိုင်တွေမှာ ဆီတစ်ဂါလံကို ၄.၁၇ ဒေါ်လာပေးနေရပါပြီ။ တစ်လအတွင်း တစ်ဒေါ်လာနီးပါးဖြစ်တဲ့ ၇၂ ဆင့် တက်လာပါတယ်။ ဒီဈေးနှုန်းဟာ ၂၀၀၈ခုနှစ် ကမ္ဘာ့စီးပွားရေးကျဆင်းမှုနောက်ပိုင်းမှာ ဈေးအကြီးဆုံးဖြစ်ပါတယ်။
Source AFP
- Category: World
- Hits: 519
- Category: Myanmar
- Hits: 449
Published 6 March 2022
စင်္ကာပူနိုင်ငံက ယူကရိန်းမှာဆက်လက်ဖြစ်ပွားနေတဲ့ မော်စကိုရဲ့ စစ်ဆင်ရေးတွေကြောင့် ရုရှားအပေါ် ပိတ်ဆို့ဒဏ်ခတ်မှု ပြုလုပ်ဖို့ ဆုံးဖြတ်ကြောင်းကြေညာခဲ့ပါတယ်။
အရေးယူပိတ်ဆို့မှုမှာ စင်္ကာပူက လက်နက်အဖြစ်အသုံးပြုလို့ရမယ့် ပစ္စည်းအမျိုးအစားတွေကို တင်ပို့မှုထိန်းချုပ်မှာဖြစ်ပြီး အချို့သောရုရှားဘဏ်တွေနှင့် ရုရှားနှင့်ချိတ်ဆက်ငွေကြေးလွှဲပြောင်းပေးပို့မှုတွေကိုလည်းပိတ်ပင်သွားတာတွေပါဝင်ပါတယ်။
ဒါပေမယ့် ဒီပိတ်ဆို့အရေးယူမှုဟာ ရုရှားအပေါ် သက်ရောက်မှု အကန့်အသတ်ပဲရှိလိမ့်မယ်လို့ စီးပွားရေးပညာရှင်တစ်ဦးက သုံးသပ်ပါတယ်။
Source CCTV Plus
- Category: Business
- Hits: 692
- Category: Myanmar
- Hits: 435