#Local_News
Published 9 April 2024
မန္တလေးမြို့၊ ဈေးချိုဈေးတွင် ယနေ့ဧပြီ ၉ ရက်နံနက်ပိုင်းက ဈေးလာဝယ်ရင်း အမျိုးသမီးတစ်ဦး မူးလဲခဲ့ကြောင်း မဏီစလလူမှုကူညီရေးအသင်းထံမှ သိရသည်။
အဆိုပါ အမျိုးသမီးသည် ဈေးချိုတော် ၂၈လမ်းနှင့် ၂၉လမ်းကြား၊ ၈၅လမ်းနှင့် ၈၆လမ်းကြားတွင် ဈေးဝယ်နေရင်း မူးလဲခဲ့သောကြောင့် အနီးနားရှိ ပြည်သူတစ်ဦးက အသင်းထံသို့ အကူညီတောင်းခံခဲ့ခြင်းဖြစ်ကြောင်း သိရသည်။
ထိုသို့အကူညီတောင်းခဲ့သဖြင့် အသင်းက အရေးပေါ်ကားဖြင့် ထွက်ခွာကူညီပြီး ပြည်သူ့ဆေးရုံကြီး OPD သို့ ရောက်ရှိချိန်တွင် ဆုံးပါးသွားပါသဖြင့် ၎င်းအမျိုးသမီးရုပ်အလောင်းကို ရင်ခွဲရုံသို့ ပို့ဆောင်ပေးခဲ့ပါကြောင်း "မဏီစလ" လူမှုကူညီရေးအသင်း (မန္တလေး)မှ သိရသည်။
#ဈေးလာဝယ်သည့်အမျိုးသမီး #ဆေးရုံကြီးအရောက်တွင်ကွယ်လွန် #Local_News #YMG/LW #Yangon_Times
