Published_ 19 March 2024
သမီးလှကျွန်း ပင်လယ်လိပ်မျိုး ထိန်းသိမ်းရေးစခန်း၌ လိပ်ကျင်းပေါင်း ၁၃၀ကျော်တွေ့ရှိပြီး ငါးနှစ်တာအတွင်းအများဆုံးတွေ့ရှိရကြောင်း သမီးလှကျွန်း ပင်လယ်လိပ်မျိုး ထိန်းသိမ်းရေးစခန်း မှသိရသည်။
ယခု၂၀၂၃-၂၄ ဘဏ္ဍာနှစ်၌ လိပ်ဥကျင်း ၁၃၇ကျင်း တွေ့ရှိထားခြင်းဖြစ်သည်။
' ဒီပမာဏကဒီဘဏ္ဍာနှစ်လက်ရှိအချိန်ထိ တွေ့တာပါ ၊အရင်နှစ် တွေက၆၀၊၇၀လောက် ပဲတက်တယ်၊ အရင်လွန်ခဲ့တဲ့ ၅နှစ်နဲ့ယှဉ်ရင်ဒီ နှစ်ကပိုများတယ် ' ဟု သမီးလှကျွန်း ပင်လယ်လိပ်မျိုးထိန်းသိမ်းရေးစခန်း မှ တာာဝန်ရှိသူတစ်ဦးက ပြောသည်။
အဆိုပါ ပင်လယ်လိပ်ထိမ်းသိမ်းရေးစခန်းသည် မြန်မာနိုင်ငံကမ်းရိုးတန်းတလျောက် ငါးလုပ်ငန်းဦိးဌာနမှ ပင်လယ်လိပ်မျိုးထိန်း သိမ်းဆောင်ရွက်နေသော ဒေသများအနက် ပင်လယ်လိပ် အများဆုံးတက်ရောက်ဥချသည့် နေရာဒေသဖြစ်သည်။
ထိုသို့ဥချသည့် လိပ်များတွင် ပြင်သာလိပ်အများဆုံးတက်ရောက် ၍ဥလေ့ရှိကာပင်လယ်လိပ်များ တက်ရောက်ဥချမျိုးပွားသည့်နှုန်းကျဆင်းမသွားစေရန် ပင်လယ်လိပ်များ၊ နေထိုင်ရာစားကျက်နှင့်ဥချရာ ကမ်းခြေများ ပျက်ဆီးပျောက်ဆုံးခြင်းဖြစ်ပေါ်လာမှု့ တားဆီးရန်နှင့် ရေရှည်ဆက်လက်တည်တံခိုင်မြဲရန်ရည်ရွယ်၍ ဒေသတွင်း၌ ဟောပြောမှုများ ပြုလုပ်လေ့ရှိကြောင်းသိရသည်။
ထို့အပြင် မျိုးတုန်းလုနီးပါးလိပ်များကိုထိန်းသိမ်းလျက်ရှိရာ ပတ်ဝန်းကျင်ဒေသခံများ၏ပူးပေါင်းမှု့များလည်းလိုအပ်သည့်အတွက် ကမ်းခြေရှိ ကျေးရွာများတွင် ဟောပြောပွဲများ ပြုလုပ်လေ့ရှိခြင်းဖြစ်ကြောင်း သိရသည်။
Yangon Times/NN
#Local_News
#Published_ 19 March 2024
#YMG_News #Yangon_Times #Yangon_Media_Group
