#Local_News
Published_ 2 june 2023

ဗိုလ်တထောင် ကျိုက်ဒေးအပ်ဆံတော်ဦးစေတီတော်ကြီးကို ဒုတိယကမ္ဘာစစ်အပြီး ပြန်လည်တည်ထားကိုး ကွယ်ခဲ့တာဟာ အခုနှစ်မှာဆိုရင်(၇၅)နှစ်ပြည့်ပြီး စိန်ရတုတိုင်ခဲ့ပြီဖြစ်ပါတယ်၊၊

#Local_News #ဗိုလ်တထောင်စေတီ #ပိဠကတ်သုံးပုံ(၅)စုံ #ဆင်ရတနာဖြင့်ပင့်ဆောင်ပူဇော်ခဲ့
#YMG #Yangon_Media_Group

#Local_News
Published_ 2 june 2023

(၅၁) ကြိမ်မြောက်ထီသိန်း(၅၀၀၀)ဆုကြီးကိုနေပြည်တော်ရှိအစိုးရဝန်ထမ်းတစ်ဦးကံထူးသွားသည်ဟု ဆုလာဘ်ပိုင်နှင့်ထီမင်းထီးမင်းထီဆိုင်မှသိရသည်။

နေပြည်တော်တွင် ဖွင့်လှစ်ထားသည့်ဆုလာဘ်ပိုင်နှင့်ထီမင်းထီးမင်းထီဆိုင်မှာနှစ်စောင်တွဲ ထီလက်မှတ်လေးလာရောက်ထိုးရင်းကံထူးသွားခြင်းဖြစ်သည်၊၊

ဒါနှင့်ပတ်သက်၍ ဆုလာဘ်ပိုင်နှင့်ထီမင်းထီးမင်းထီဆိုင်မှတာဝန်ရှိသူတစ်ဦးကYMGကိုအခုလိုပြောပြထားသည်၊၊
"ကျွန်တော်တို့ဆုလာဘ်ပိုင်နှင့်ထီမင်းထီးမင်းထီဆိုင်မှထီသိန်း(၅၀၀၀)ဆုကြီးကိုနေပြည်တော်ရှိဝန်ထမ်းတစ်ဦးကံထူးသွားတယ်ဆိုတာဟုတ်ပါတယ်၊၊စာရင်းစစ်ရုံးမှဝန်ထမ်းတစ်ဦးလို့တော့သိရပါတယ်"ဟုပြောသည်၊၊

(၅၁) ကြိမ်မြောက် ထီဖွင့်ပွဲတွင်နေပြည်တော် ဆုလာဘ်ပိုင်နှင့် ထီမင်းထီးမင်းထီဆိုင်လေးမှ ထူးထူးခြားခြားကျပ် သိန်း (၅၀၀၀)အထူးဆုကြီးကို (၁)ဆု ကို ကနဦးဆွတ်ခူး​ပေးလိုက်နိုင်ခဲ့သလို (၁၅)ကြိမ်မြောက် ထီဖွင့်ပွဲမှာ သိန်း (၁၅၀၀၀) မှစပြီး အခြားဆုကြီးများ သိန်းပေါင်းများစွာ ကံထူးဆွတ်ခူးပေးခဲ့ပြီဖြစ်သည်ဟုဆိုသည်၊၊

(၅၁) ကြိမ်မြောက် ထီဖွင့်ပွဲတွင် စ ၅၀၇၀၇၆ဖြင့် ကံထူးသွားခြင်းဖြစ်ပြီး အမြင့်ဆုံးထီအထူးဆုကြီးများအဖြစ် သိန်း(၅၀၀၀)(၁)ဆု၊သိန်း(၁၀၀၀)(၁)ဆုတို့ပါဝင်ပြီးကျပ်သိန်း(၅၀၀)နှင့်အခြားဆုမဲများစွာကိုလည်း ချီးမြှင့်သွားမည်ဖြစ်ကြောင်းသိရသည်၊၊
ymg/tthl
#Local_News #ထီသိန်း(၅၀၀၀)ဆု #နေပြည်တော်စာရင်းစစ်ရုံးမှဝန်ထမ်း #ထူးထူးခြားခြားကံထူးသွား
#YMG #Yangon_Media_Group

#Local_News
Published_ 2 june 2023

ဗန်းမော်ဆရာတော်ကြီး၏ ရုပ်ကလပ်တော်ကိုမြန်မာနိုင်ငံဆိုင်ရာ တရုတ်သံအမတ်ကြီးသွားရောက်ဖူးမြော်ခဲ့ကြောင်း မြန်မာနိုင်ငံဆိုင်ရာတရုတ်သံရုံး ၏ထုတ်ပြန်ချက်အရသိရသည်၊၊

ဇွန်လ ၂ ရက်နေ့တွင် သံအမတ်ကြီး Mr. Chen Hai သည် မန္တလေးတိုင်းဒေသကြီး ဗန်းမော်ကျောင်းတိုက်သို့ သွားရောက်၍ ဘဝနတ်ထံ ပျံလွန်တော်မူသွားပြီဖြစ်သော မြန်မာနိုင်ငံ နိုင်ငံတော်သံဃမဟာနာယကအဖွဲ့ ဥက္ကဌ၊ ဗန်းမော်ကျောင်းတိုက်ကြီး၏ ပဓာနနာယကဆရာတော် အဘိဓဇမဟာရဋ္ဌဂုရု၊ အဘိဓဇအဂ္ဂ မဟာသဒ္ဓမ္မဇောတိက ဘဒ္ဒန္တ ကုမာရာဘိဝံသ မဟာထေရ်မြတ်ကြီး၏ ဥတုဇရုပ်ကလပ်တော်အား ဖူးမြော်ကြည်ညိုခဲ့သည်ဟုဆိုသည်၊၊

သံအမတ်ကြီး Mr. Chen Hai က ဗန်းမော်ဆရာတော်ကြီးသည် တရုတ်-မြန်မာ ဗုဒ္ဓဘာသာ ကူးလူးဖလှယ်ရေးလုပ်ငန်းအတွက် အရေးပါစွာ အကျိုးပြုခဲ့ကြောင်း၊ ၂၀၁၉ ခုနှစ် ဗန်းမော်ဆရာတော်ကြီး သက်တော် ၉၀ အရွယ်တွင် မြန်မာနိုင်ငံ ဗုဒ္ဓဘာသာကိုယ်စားလှယ်အဖွဲ့ကို ဦးဆောင်၍ တရုတ်နိုင်ငံသို့ ထပ်မံသွားရောက်ခဲ့ပြီး တရုတ်နိုင်ငံ ဗုဒ္ဓဘာသာအသင်းတို့နှင့် ကူးလူးဖလှယ်ခဲ့ကြောင်း၊ ဗန်းမော်ဆရာတော်ကြီး ဘဝနတ်ထံ ပျံလွန်တော်မူခြင်းအတွက် အလွန်အမင်း ဝမ်းနည်းမိကြောင်း၊ မြန်မာနိုင်ငံ ဗုဒ္ဓဘာသာနယ်ပယ်မှ ဆရာတော်ကြီး၏ ကြီးမြတ်သောဆန္ဒများကို ဆက်လက် အမွေဆက်ခံပြီး နှစ်နိုင်ငံ ဗုဒ္ဓဘာသာ ကူးလူးဖလှယ်ရေးလုပ်ငန်းကို ဆက်လက်လက်ဆင့်ကမ်း အမွေဆက်ခံကာ ဖွံ့ဖြိုးတိုးတက်လာစေမည်ဟု ယုံကြည်ကြောင်း မြန်မာနိုင်ငံမှ အန္တိမအဂ္ဂိဈာပနပူဇာသဘင်အခမ်းအနား ကျင်းပရေးဦးစီးကော်မတီ တာဝန်ခံအား ပြောကြားခဲ့သည်။

မကြာသေးမီက တရုတ်နိုင်ငံ ဗုဒ္ဓဘာသာအသင်းသည်လည်း မြန်မာနိုင်ငံ နိုင်ငံတော်သံဃမဟာနာယကအဖွဲထံ ဝမ်းနည်းကြောင်း သဝဏ်လွှာ ပေးပို့ခဲ့ကြောင်းဖော်ပြပါရှိသည်၊၊
ymg/tthl
#YMG #Yangon_Media_Group

#Local_News
Published-2 June2022

ရန်ကုန်မြို့ ကန်တော်ကြီးတွင် ကိုယ်ဝန်ဆောင်အမျိုးသမီး ၁ဦး  အရက်ပျံ သောက်ပြီး မိမိကိုယ်ကို သတ်​သေရန်ကြိုးစားခဲ့၍ စိုးရိမ်ရသဖြင့် ဆေးရုံသို့ပို့ဆောင်ပေးခဲ့ရကြောင်း ဒီဃာယုက လူမှုကူညီရေးအသင်းက သိရသည်။

ကန်တော်ကြီး ပန်းကန်လုံးကျွန်းတွင် ဇွန်လ ၁ ရက်နေ့ ညနေ ၃နာရီ၄၅မိနစ်က ကိုယ်ဝန်ဆောင် အမျိုးသမီးတစ်ဦး အရက်ပျံသောက်၍  မိမိကိုယ်ကိုသတ်သေရန်ကြိုးစားခဲ့ခြင်းဖြစ်ကြောင်းသိရသည်။

ထို့ကြောင့် ပတ်ဝန်းကျင်မှသတင်းပေးလာ၍ ဒီဃာယုက လူမှုကူညီရေးအသင်းက  သွားရောက်ကူညီပြီး သက်ဆိုင်ရာ ရဲတပ်ဖွဲ့စခန်းသို့သတင်းပိုခဲ့ကြောင်းလည်းသိရသည်။

အဆိုပါအမျိုးသမီးမှာအသက်အန္တရာယ် စိုးရိမ်ရ၍  ဂျပန်ဆေးရုံကြီးသို့ ကူညီပို့ဆောင်ပေးခဲ့ကြောင်းလည်းသိရသည်။

#ymg/BM
#Local_News #ကန်တော်ကြီး #ကိုယ်ဝန်ဆောင်အမျိုးသမီးတစ်ဦးအရက်ပျံသောက် #သတ်သေရန်ကြိုးစား #စိုးရိမ်ရသည့်အခြေအနေရှိ
#YMG #Yangon_Media_Group

#local_news
Published_ 2 June 2023

မိုခါမုန်တိုင်း ဒဏ်သင့်ဒေသများ၌ ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများ ဆောင်ရွက်ရာတွင် အထောက်အကူပြုနိုင်ရန် ယူနန်ပြည်နယ်ဗုဒ္ဓဘာသာ အသင်းချုပ် The Buddhist Association of Yunnan Province မှ တရုတ်ယွမ်ငွေ စုစုပေါင်း ၆.၁ သိန်း (မြန်မာကျပ်ငွေ သိန်း ၂၄၀၀ ကျော်) လှဒါန်းခဲ့ကြောင်း သိရပါတယ်။
အဆိုပါလှူဒါန်းမှုကို ကူမင်းမြို့ ၊ Yuan Tong ဘုရားကျောင်း၌ ဇွန် ၁ ရက်တွင် ပြုလုပ်ခဲ့ရာ မြန်မာကောင်စစ်ဝန်ချုပ် ဦးသော်တာအောင် က အလှူငွေများ လက်ခံရယူခဲ့ ပါတယ်။

ထို့နောက် မြန်မာကောင်စစ်ဝန်ချုပ် က မိုခါ မုန်တိုင်းကြောင့် ပြည်သူများ၏ အသက်အိုးအိမ် ထိခိုက်ပျက်စီးဆုံးရှုံးခဲ့ရမှုများကို ရှင်းလင်းပြောကြားခဲ့ပြီး အလှူငွေများကို မြန်မာနိုင်ငံသို့ ဆက်လက် လွှဲပြောင်းပေးအပ်သွားမှာ ဖြစ်ကြောင်း သိရပါတယ်။

လူသားချင်း စာနာထောက်ထားစွာဖြင့် ဆိုင်ကလုန်းမုန်တိုင်း တိုက်ခတ်ခံခဲ့ရသည့် ပြည်သူများ၏ လိုအပ်ချက်များကို ဖြည့်ဆည်းပေးနိုင်ရန် တစ်ဖက်တစ်လမ်းမှ ပါဝင်ကူညီပံ့ပိုးပေးမှု အတွက် မြန်မာနိုင်ငံအစိုးရကိုယ်စား ကျေးဇူးတင်တယ်လို့ မြန်မာကောင်စစ်ဝန်ချုပ်က ဆိုပါတယ်။
ygm_mnn
#YMG #Yangon_Media_Group

#local_news
Published_ 2 June 2023

မိုခါမုန်တိုင်းဒဏ်သင့်မြန်မာပြည်သူများထံသို့ အာဆီယံနိုင်ငံများမှပေးပို့တဲ့ အကူအညီပစ္စည်းများသယ်ဆောင်လာသည့်မလေရှားလေကြောင်းလိုင်းမှ လေယာဉ်သည် ဇွန် ၁ ရက်တွင် ရန်ကုန်အပြည်ပြည်ဆိုင်ရာ လေဆိပ်သို့ ရောက်ရှိလာခဲ့ပါတယ်။

ရောက်ရှိလာသောလေယာဉ်မှာအာဆီယံနိုင်ငံများမှပေးပို့တဲ့ စတုတ္တအသုတ်ဖြစ်ပြီး အကူအညီပစ္စည်းများကို သဘာဝဘေးဆိုင်ရာ လူသားချင်းစာနာမှု အကူအညီများအတွက် အာဆီယံညှိနှိုင်းရေးဌာနမှ တာဝန်ရှိသူတစ်ဦးနှင့် ရန်ကုန်တိုင်းဒေသကြီး သဘာဝဘေး အန္တရာယ်ဆိုင်ရာစီမံခန့်ခွဲမှုဦးစီးဌာနမှ ညွှန်ကြားရေးမှူး ဦးသန်းစိုးနှင့် တာဝန်ရှိသူများက ကြည့်ရှုစစ်ဆေးကြပြီး မုန်တိုင်းဒဏ်သင့်ဒေသများရှိ ပြည်သူများထံသို့ ဆက်လက် ပို့ဆောင်နိုင်ရေး လွှဲပြောင်းပေးအပ်သွား မှာဖြစ်ကြောင်း သိရပါတယ်။

စတုတ္တအသုတ်အဖြစ် ရောက်ရှိလာတဲ့ ထောက်ပံ့ကူညီရေးပစ္စည်းများမှာ Shetter Tool Kit ၄၅၀ ခု၊ Family Tent ၂၀ ဖာ၊ Water Filteration System ၁ ဖာ၊ Water Filteration System (Pump) ၂ ဖာ၊ တာပေါ်လင်စ ၂၆၂ ခု ပါဝင်ပြီး စုစုပေါင်း ၁၁ ထုပ် ကုန်တန်ချိန် ၁၉ တန်ကျော်ရှိကာ တန်ဖိုးအားဖြင့် အမေရိကန်ဒေါ်လာ ၇၂၀၀၀ ကျော် ဖြစ်ပါတယ်။

အာဆီယံနိုင်ငံများမှ မုန်တိုင်းဒဏ်သင့်ပြည်သူများထံ ပေးအပ်လှူဒါန်း ထောက်ပံ့ ခြင်းဖြစ်ပြီး နိုင်ငံတော်အစိုးရအနေဖြင့် ကယ်ဆယ်ရေးနှင့် အကူအညီများပံ့ပိုးရာတွင် ဘေးသင့်ပြည်သူ တစ်ဦးတစ်ယောက်မျှ မကျန်ရှိစေရေးမူကိုလက်ကိုင်ထား၍ သဘာဝ ဘေးအန္တရာယ်ဆိုင်ရာ စီမံခန့်ခွဲမှုဗဟိုဌာန၏ကြီးကြပ်မှုနှင့် တိုင်းဒေသကြီးနှင့် ပြည်နယ် အစိုးရများဝန်ကြီးဌာနများ၊ နိုင်ငံတကာအဖွဲ့အစည်းများနှင့်လည်း ပူးပေါင်းဆောင်ရွက် လျက်ရှိကြောင်း သတင်းရရှိပါတယ်။
ygm_mnn
#local_news #မိုခါမုန်တိုင်းဒဏ်သင့်ပြည်သူများ #အကူအညီစတုတ္တအသုတ်
#YMG #Yangon_Media_Group