#Local_News
Published-17-8-2023
ထွန်းထွန်းမင်းနှင့် သွေးသစ်ဝင်းလှိုင်တို့၏ မကျေပွဲယှဉ်ပြိုင်ထိုးသတ်မည့်အပေါ် လက်ရှိ မြန်မာ့ရိုးရာလက်ဝှေ့ချန်ပီယံ ဒေဝ က စောင့်ကြည်သွားမည်ဟု ယနေ့ ဩဂုတ် (၁၇)ရက်တွင် သူ၏ ပရိတ်သတ်အား သတင်းစကားပါးလိုက်သည်။
သတင်းစကားပါးရာတွင် ရိုးရာလက်ဝှေ့လောကမှ ၎င်းအနေဖြင့်အနားယူခဲ့ပြီးနောက် သူ၏နေရာအား ဆက်ခံထားသူမှာ သွေးသစ်ဝင်းလှိုင်ဖြစ်ကြောင်း ဆိုသည်။
ထို့အပြင် မြန်မာနိုင်ငံတွင် လက်ရှိ အဖွင့်ဝိတ်တန်း မြန်မာ့လက်ဝှေ့ချန်ပီယံကို သွေးသစ်ဝင်းလှိုင်အား အသိအမှတ်ပြုစေချင်ကြောင်းကိုလည်း သူ၏လူမှုကွန်ရက်စာမျက်နှာတွင် ယနေ့ရေးသားမျှဝေထားသည်။
ထွန်းထွန်းမင်းနှင့် သွေးသစ်ဝင်းလှိုင်တို့နှစ်ဦးသည် ယခုနှစ်ဇန်နဝါရီ (၂၉)ရက်တွင် လစ်လပ်နေသော အိုးပင်းဝိတ်တန်းချန်ပီယံဆုအတွက် ယှဉ်ပြိုင်ထိုးသတ်ရာသွေးသစ်ဝင်းလှိုင်က အနိုင်ရရှိထားသည်။
ထို့ကြောင့် ယခုလ ဩဂုတ်(၂၀)ရက်နေ့တွင် ထွန်းထွန်းမင်း၏ စိန်ခေါ်မှုကြောင့် မကျေပွဲယှဉ်ပြိုင်ထိုးသတ်ကြမည်ဖြစ်ရာနှစ်ဦးစလုံးကံကောင်းကြစေရန် ဆုမွန်တောင်းထားသည်။
အဆိုပါပွဲကို ရန်ကုန်မြို့၊ သိမ်ဖြူအားကစားရုံ၌ ကျင်းပသွားမည် ဖြစ်သည်။
#YMG/my #Local_News #ထွန်းထွန်းမင်းနှင့် သွေးသစ်ဝင်းလှိုင် #ဒေဝစောင့်ကြည့်နေမည်
#Yangon_Times
- Category: Myanmar
#Local_Sport
Published_ 16 August 2023
သြဂုတ်၁၆ ရက်မှာဆီဗီလာအသင်းနဲ့UEFAစူပါဖလားပြိုင်ပွဲကစားမယ့် မန်စီးတီးအသင်းလူစာရင်းကနေ ဒဏ်ရာရနေတဲ့ အသင်းခေါင်းဆောင် ဒီဘရိုင်းကို ချန်လှပ်ထားခဲ့တယ်လို့ သိရပါတယ်။ ဒီဘရိုင်းဟာ သောကြာနေ့က ကစားခဲ့တဲ့ ဘန်လေအသင်းနဲ့ ပွဲစဉ်မှာ ဒဏ်ရာပြဿနာကြောင့်လူစားလဲခံခဲ့ရတာဖြစ်ပြီး ရက်သတ္တပတ် အနည်းငယ်အနားယူရမယ်လို့ နည်းပြ ဂွာဒီယိုလာကပြောခဲ့ပါတယ်။
အသက် ၃၂နှစ်ရှိ ဒီဘရိုင်းဟာပြီးခဲ့တဲ့မေလ ချန်ပီယံလိဂ် ဖိုင်နယ်ပွဲစဉ်မှာလည်း အခုလိုတံကောက်ကြောဒဏ်ရာရရှိခဲ့တာဖြစ်ပါတယ်။အသင်းကဒဏ်ရာအခြေအနေကို အသေးစိတ်ဖော်ပြခြင်းမရှိပေမယ့် အေသင်မှာယှဉ်ပြိုင်ကစားမယ့် ယူအီးအက်ဖ်အေစူပါဖလားယှဉ်ပြိုင်မဲ့မန်စီးတီးရဲ့ ကစားသမား၂၂ဦး လူစာရင်းကနေ ဒီဘရိုင်းကိုချန်လှပ်ခဲ့တာပါ။
ဒီဘရိုင်းဟာ၂၀၁၅ ခုနှစ်က ဝုဖ်ဘက်ကနေ မန်စီးတီးကို ပြောင်းရွှေ့လာခဲ့ပြီးနောက်ပိုင်းအသင်းရဲ့ အဓိက ကစားသမားတစ်ဦးအဖြစ် စွမ်းဆောင်ရည်ပြသနေပြီး ကမ္ဘာ့ကောင်းဆုံးကစားသမားတစ်ဦးအဖြစ်လည်းသတ်မှတ်ခံထားရပါတယ်။
အခြားအဓိကကစားသမားတွေဖြစ်တဲ့ ဘာနာဒိုဆေးလ်ဗားနဲ့ရူဘင်ဒီယာ့ဇ်တို့လည်း ဒဏ်ရာပြဿနာတွေကြောင့်အခုလူစာရင်းမှာပါဝင်လာခြင်းမရှိပါဘူး။
#Local_Sport #မန်စီးတီးအသင်းလူစာရင်း #ဒီဘရိုင်းအားချန်လှပ်
Ref;fotmob
- Category: Sport
#Local_sport
Published_ 15 August 2023
- ပီအက်စ်ဂျီတိုက်စစ်မှူးနေမာသည် ဆော်ဒီကလပ် အယ်လ်ဟီလယ်အသင်းသို့ပြောင်းရွှေ့ရန် ပုဂ္ဂိုလ်ရေး အချက်အလက်များသဘောတူညီမှုရရှိခဲ့သည်ဟုသိရသည်။
- အသက်၂၈နှစ်ရှိ ချယ်လ်ဆီး ရိုးသား ကီပါသည် ရီးရဲမက်ဒရစ်အသင်းသို့တစ်ရာသီအငှားစာချုပ်ဖြင့်ပြောင်းရွှေ့သွားပြီဖြစ်သည်။
- အာဆင်နယ်အသင်းက ပစ်မှတ်ထားခဲ့သောနာပိုလီတိုက်စစ်မှူး အိုဆီမင်သည် နာပိုလီနှင့် ၂၀၂၆ ခုနှစ်အထိသက်တမ်းရှိသောစာချုပ်သစ်တစ်ရပ်ကို လက်မှတ်ရေးထိုးခဲ့သည်။
- ပြီးခဲ့သည့်ရာသီက ချယ်လ်ဆီးအသင်းကြုံတွေ့ခဲ့သော ခက်ခဲ့သည့်ကာလများ ကျော်လွန်သွားခဲ့ပြီဖြစ်ကြောင်း ချယ်လ်ဆီးနည်းပြပိုချက်တီနိုကကြုံးဝါးပြောဆိုခဲ့သည်။
-လီဗာပူးလ်အသင်း ပရိသတ်များက ကွင်းလယ်လူ လာဗီယာ အား ပေါင်သန်း ၆၀ ပေး၍ခေါ်ယူခဲ့ရခြင်းအပေါ် စိတ်ပျက်နေသော်လည်း ကစားသမားမှာ ကောင်းမွန်သောခြေစွမ်းပြသနိုင်မည်ဟု ယုံကြည်နေကြသည်။
- တိုက်စစ်မှူးသစ်ဟွိုက်လန်း ဒဏ်ရာမှ ပြန်ကောင်းလာစေရန် အလျင်စလို လုပ်ဆောင်သွားမည် မဟုတ်ကြောင်း နှင့် ၎င်း၏ အနာဂတ် အပေါ်စိတ်လှုပ်ရှားကျေနပ်မိကြောင်းမန်ယူနည်းပြ တန်ဟက်က ဖွင့်ဟခဲ့သည်။
-ဆော်ဒီကလပ်များနှင့် ကောလာဟလများ ထွက်ပေါ်နေသော်လည်း နောက်ခံလူအဲရစ်ဒိုင်ယာမှာမိမိ၏ အနာဂတ်အစီအစဉ်များထဲတွင်ပါဝင်နေဆဲဖြစ်ကြောင်း စပါးနည်းပြပိုစတီကို ဂလူးက ပြောကြားခဲ့သည်။
- ဂီတာဖေးနှင့် ဘာစီလိုနာပွဲစဉ်ကိုကိုင်တွယ်ခဲ့သောဒိုင်များ၏စွမ်းဆောင်ရည်မှာ ရှက်ဖွယ်လိလိ ဖြစ်ကြောင်း ဘာစီလိုနာနည်း ပြဇာဗီက ပြစ်တင်ဝေဖန်ခဲ့သည်။
-အက်စတွန်ဗီလာ နောက်ခံလူ တိုင်ရွန်းမင်းစ်သည် နယူးကာဆယ် နင့်ပွဲစဉ်တွင် ရရှိခဲ့သောဒူးဒဏ်ရာခွဲစိတ်ကုသရမည်ဖြစ်သဖြင့် ကာလရှည်အနားယူရတော့မည်ဖြစ်သည်။
-ဘိုင်ယန်မြူးနစ်အသင်းသည်ဆီဗီက ဂိုးသမား ဘောင်နူးအား ခေါ်ယူရန်ဆန္ဒရှိသော်လည်း ပြောင်းရွှေ့ကြေးမြင့်မားစွာပေးလိုခြင်းမရှိဟု သိရသည်။
#Yangon_Times
#Local_sport #ကမ္ဘာ့ဘောလုံးထူးခြားသတင်းများ
- Category: Sport
#Local_Sport
Published_ 14 August 2023
ပရီးမီးယားလိဂ်ကလပ် စပါးအသင်းဟာ အသင်းက ထွက်ခွာသွားတော့မယ့် ဟူရိလိုရစ်ရဲ့ နေရာမှာ ဆွန်ဟောင်မင်းကို အသင်းခေါင်းဆောင်သစ်အဖြစ်ခန့် အပ်ခဲ့ပါတယ်။
တိုက်စစ်မှူး ဟယ်ရီကိန်းကရာသီကြိုခြေစမ်းပွဲတွေမှာအသင်းခေါင်းဆောင် အဖြစ်ပါဝင်ကစားခဲ့ပြီး သူ့ကို ကပ္ပတိန်ခန့် အပ်ဖို့ နည်းဖြစ်တဲ့ ပို့စတီကိုဂလူး ကရည်ရွယ်ခဲ့ပေမယ့်ကိန်းဟာ ဘိုင်ယန်မြူးနစ်ကို ပြောင်းရွှေ့ သွားခဲ့တာပါ။
ဒါကြောင့် အခုအချိန်မှာ စပါးကို၂၀၁၅ ခုနှစ်မှာရောက်ရှိလာခဲ့ပြီး ပွဲစဉ်ပေါင်း ၃၇၂ပွဲမှာ ၁၄ ၅ရိုးအထိ သွင်းယူထားတဲ့ ဆွန်ဟောင်မင်ကို အသင်း ခေါင်းဆောင်အဖြစ်ခန့်အပ်တာဝန်ပေးခဲ့တာဖြစ်ပါတယ်။ အခုနှစ်မှအသင်းကိုရောက်ရှိလာတဲ့မက်ဒီဆင်နဲ့ အာဂျင်တီးနား နောက်ခံလူ ရိုမဲရိုးတို့ကို ဒုတိယအသင်းခေါင်းဆောင်တွေအဖြစ် နည်းပြကခန့်အပ်ခဲ့တယ်လို့လည်းသိရပါတယ်။
အသက် ၃၁နှစ်ရှိ ဆွန်ဟာတောင်ကိုရီးယား လက်ရွေးစင်အသင်းရဲ့အသင်းခေါင်းဆောင်လည်းဖြစ်ပြီး နိုင်ငံအသင်းအတွက် ၁၁၁ပွဲကစားထားပါတယ်။"ကျွန်တော် ဆွန်နဲ့အတူ တွဲပြီးအလုပ်လုပ်ဖို့ ရည်ရွယ်ထားပါတယ်။
သူအနေနဲ့ ခေါင်းဆောင်အရည်အသွေးတွေပြသပြီး အသင်းကို အောင်မြင်မှုတွေ ရယူဖို့ မျှော်လင်းထားပါတယ်" လို့စပါးနည်းပြ ပိုစတီကို ဂလူးက ဆိုခဲ့ပါတယ်။
#Local_Sport #ဆွန်ဟောင်မင်း
Ret; The Athletics
- Category: Sport
Published_ 13 August 2023
လီဗာပူးအသင်းသည်ဘရိုက်တန် ကွင်းလယ်လူ ကိုင်စီဒို အားဗြိတိသျှစံချိန်တင်ပြောင်းရွှေ့ကြေးပေါင်သဖြင့် ခေါ်ယူနိုင်ခဲ့ကြောင်း သိရသည်။
လီဗာပူးသည်ဆောက်သမ်တန်ကွင်းလယ်လူ လာဗီယာအား ခေါ်ယူရန်ကြိုးပမ်းလျက်ရှိရာမှ သြဂုတ် ၁၀ ရက်ကကိုင်စီဒိုအား ကမ်းလှမ်းခဲ့ခြင်းဖြစ်ပြီး ယခုအခါအသင်း ၂သင်း အကြားသဘောတူညီမှုရရှိ သွားပြီဖြစ်သည်။
ကိုင်စီဒိုအား ချယ်လ်ဆီးက နွေရာသီ တလျှောက်လုံး ခေါ်ယူရန်ကြိုးပမ်းခဲ့ပြီး ဘရိုက်တန်က ပေါင်သန်း၁၀၀ သတ်မှတ်ထားပြီး ချယ်လ်ဆီးကကမ်းလှမ်းမှုများအကြိမ်ကြိမ် ပြုလုပ်နေချိန်တွင်လီဗာပူးက ယခုကဲ့သို့ ကမ်းလှမ်းမှုကို ဘရိုက်တန်က လက်ခံခဲ့ခြင်းဖြစ်သည်။
ယခုပြောင်းရွှေ့ကြေးမှာ ချယ်လ်ဆီးသို့ ဇန်နဝါရီလကပြောင်းရွှေ့လာသော ကွင်းလယ်လူ အန်ဇိုဖာနန်ဒက်ကို ခေါ်ယူခဲ့သည့် ပြောင်းရွှေ့ကြေးပေါင် ၁၀၆ သန်းကို ကျော်လွန်၍စံချိန်သစ် ဖြစ်လာခဲ့သည်။
ကိုင်စီဒို သည် မာဆေးဆိုဒ်သို့သွားရောက်၍ ဆေးစစ်မှုခံယူမည်ဖြစ်ပြီး ယခုတစ်ပတ် ယှဉ်ပြိုင်ကစားမည့် ချယ်လ်ဆီးနှင့် လီဗာပူးတို့၏ ပရီးမီးယားလိဂ် အဖွင့်ပွဲဝင် မတိုင်မီ အသင်းနှင့်အပြီးသတ်လက်မှတ်ရေးထိုးဖွယ်ရှိနေသည်။
ယခု စံချိန်မှာ လီဗာပူးအတွက်လည်း ကလပ်စံချိန်ဖြစ်ခဲ့ပြီး
ယခင်စံချိန်ဖြစ်သည့် နောက်ခံလူဗန်ဒိုက်၏ ပြောင်းရွှေ့ကြေး ပေါင်း၇၅သန်းကို ကျော်ဖြတ်နိုင်ခဲ့သည်။
ကိုင်စီဒိုသည် လီဗာပူးကွင်းလယ်တွင်ယခုရာသီတွင်ပြောင်းရွှေ့လာခဲ့သည့်ဆဘို့ ဇာလိုင်၊ ဘရိုက်တန်အသင်းဖော်ဟောင်းမက်အယ်လစ်စတာတို့ နှင့် အတူယှဉ်ပြိုင်ကစားရမည်ဖြစ်သည်။
ထပ်မံရရှိသော သတင်းများအရ ကိုင်စီဒိုကို ချယ်လ်ဆီးအသင်းကပေါင် ၁၁၅သန်းအထိ တိုးမြှင့် ကမ်းလှမ်းနေ၍ ကိုင်စီဒို၏ အပြောင်းအရွှေ့မှာ အပြီးမသတ်နိုင်သေးကြောင်း သိရသည်။
ref;fotmob.
#World_Sport
#YMG #Yangon_Times
- Category: World
Published_ 11 August 2023
ရီးရဲလ်မက်ဒရစ်အသင်း၏အဓိကရိသမားဖြစ်သောသီဘို ကော်တိုအာသည် လေ့ကျင့်ရေးတွင် ဒူးအရွတ်ကြော ထိခိုက်မှုဒဏ်ရာရရှိမှုကြောင့် ကာလရှည်အနားယူရမည်ဖြစ်ကြောင်း သိရသည်။
အသက် ၃၁နှစ်ရှိ ကော်တိုအာသည် ၂၀၁၈ ခုနှစ်တွင် ချယ်လ်ဆီးမှပြောင်းရွှေ့ကခဲ့ပြီး ရီးရဲလ်အတွက်ပွဲပေါင်း ၂၀၀ ကျော်ကစားထားကာ ဘယ်လ်ဂျီယံလက်ရွေးစင် ဂိုးသမား လည်းဖြစ်သည်။
ကော်တိုအာသည် လေ့ကျင့်ရေးကွင်းတွင် ဘယ်ဖက်ဒူးအရွတ်ကြောထိခိုက်မှုကြောင့် မကြာမီခွဲစိတ်ကုသမှုခံယူရမည်ဖြစ်ကြောင့်ရီးရဲလ်မက်ဒရစ်အသင်း၏ တရားဝင်ဝက်ဘ်ဆိုဒ်တွင်ဖော်ပြထားသည်။
ကော်တိုအာ သည် ၂၀၂၂ ချန်ပီယံလိဂ်ဖိုင်နယ်ပွဲတွင် အထူးလက်စွမ်းပြသကာ Man_of_the_Match ဆုရရှိခဲ့ပြီး ၎င်းပွဲစဉ်တွင် ရီးရဲလ်က လီဗာပူးကို အနိုင်ရဗိုလ်စွဲခဲ့သည်။
ယခင်ကရီးရဲလ်သို့ပြောင်းရွှေရန် သတင်းထွက်ပေါ်ခဲ့သည့် ဒေးဗစ်ဒီဂီယာမှာ မန်ယူနှင့်စာချုပ်သက်တမ်း ကုန်ဆုံးခဲ့ပြီးနောက် နည်းပြအန်ဆယ်လော့တီက ခေါ်ယူရန်ကြိုးပမ်းလာဖွယ်ရှိနေသည်။
အခြားသတင်းတစ်ရပ်တွင်ရီးရဲလ်မက်ဒရစ်သို့ ပြောင်းရွှေရန် သတင်းထွက်ပေါ်နေသောတိုက်စစ်မှူး အမ်ဘာပေက ယခုရာသီတွင် ပီအက်စ်ဂျီအသင်း၌ဆက်လက်ကစားများ မည်ဖြစ်ကြောင်း ထပ်လောင်းပြောကြားခဲ့သည်ဟု သိရသည်။
Ref ; Fotmob.
#World_Sport
#Published_ 11 August 2023
#YMG #Yangon_Times
- Category: World
Published_ 10 August 2023
- ဝက်စ်ဟမ်းအသင်းသည် ဟန်ယူနောက်ခံလူ မက်ဂွိုင်းယားအား ပေါင်သန်း၃၀ဖြင့်လည်းကောင်း၊ဆောက်သမ်တန်မှအင်္ဂလန်လက်ရွေးစင်ကွင်းလယ်လူ ဝပ်ပရောက်စ်အား လည်းကောင်း ခေါ်ယူနိုင်ခဲ့ပြီဖြစ်ပြီး အေဂျက်ကွင်းလယ်လူ အယ်ဗာရက်ဇ်အားလည်းခေါ်ယူရန် သဘောတူညီခဲ့ပြီဖြစ်သည်။
- အာဆင်နယ်အသင်းသည် ဘရန့်ဖို့ဒ်ရိုးသမားဒေးဗစ်ရာယာအားပေါင်သန်း ၃၀ဖြင့်အပြီးသတ်ခေါ်ယူခဲ့ပြီး အသင်းမှ အရန်ဂိုးသမား မက်တာနာ အားနော့တင်ဟမ်ဖောရက်စ်သို့ ပေါင်၁၀သန်းဖြင့်ရောင်းချခဲ့သည်။
- မန်စီးတီးအသင်းသည် ၀က်စ်ဟမ်းမှ ဘရာဇီးလက်ရွေးစင် ကွင်းလယ်လူပါကေတာ အား ပေါင်း သန်း ၇၀ ဖြင့် ကမ်းလှမ်းခဲ့ပြီးကစားသမားကလည်းမန်စီးတီးသို့ပြောင်းရွှေ့ရန်လိုလားနေသည်ဟုသိရသည်။
-လက်စတာအသင်းသည် ချယ်လ်ဆီးမှ အီတလီလူငယ်ကွင်းလယ်လူ ကာဆာဒိုင်းအား အငှားစာချုပ်ဖြင့်ခေါ်ယူခဲ့သည်။
-မန်ယူအသင်းသည် ထွက်ခွာသွား ပေါနောက်ခံလူ မက်ဂွိုင်းယား၏နေရာတွင် အစားထိုးရန် ဘိုင်ယန်မြူးနစ်နောက်ခံလူပါဗက်၊ လေဗာကူဆင်နောက်ခံလူတက်ဆိုဘာနှင့် နိုက်စ်နောက်ခံလူတိုဒီဘိုတို့ကိုစောင့်ကြည့်လျက်ရှိသည်။
- အာဆင်နယ်တိုက်စစ်မှူး ဂျေဇူးနှင့်ယခုရာသီတွင် အသစ်ပြောင်းရွှေ့လာကြသည့် မန်ယူတိုက်စစ်မှူးဟွိုင်လန်း ချယ်လ်ဆီးတိုက်စစ်ကစားသမား အန်တွန်ကူတို့သည်ဒဏ်ရာပြဿနာများကြောင့် ရာသီအစ ပွဲစဉ်အချို့ကိုလွဲချော်ရတော့မည်ဖြစ်သည်။
- လီဗာပူးအသင်းက ခေါ်ယူရန်ကြိုးပမ်းနေသည့်ဆောက်သမ်တန်မှဘယ်လ်ဂျီယံ ကွင်းလယ်လူ လာဗီယာမှာ ပေါင်သန်း၅၀တန်ကြေးမရှိကြောင်းအသင်းနောက်ခံလူဟောင်းကာရေဂါကဝေဖန်ပြောကြားခဲ့သည်။
- ဘိုင်ယန်မြူးနစ် သည် ချယ်လ်ဆီး ဂိုးသမား ကီပါအား ခေါ်ယူရန် ကမ်းလှမ်းထားပြီး လက်ရှိ ဂိုးသမားကြီးနျူအာမှာ နောက်ထပ်၈ပတ်မှ ၁၀ပတ်အထိ ထပ်မံအနားယူရဦးမည်ဟု ဆိုသည်။
- ဆော်ဒီကလပ် အယ်ဟီလယ်သည် အက်သလက်တီကိုတိုက် စစ်မှူး ယာအိုဖိလစ်အား အငှားဖြင့် ခေါ်ယူရန်စိတ်ဝင်စားနေပြီး ကစားသမားက မူဘာစီလိုနာသို့ ပြောင်းရွှေ့လိုနေသည်။
-မန်စီးတီးအသင်းသည် အဓိကကစားသမားများဖြစ်သော ဘာနာဒိုဆေးလ်ဗားနှင့် ပေါ့တာတို့ကို စာချူပ်သစ်များ သက်တမ်းတိုးနိုင်မည်ဟုယုံကြည်နေသည်။
#World_Sport
#ဥရောပ #ဘောလုံးအပြောင်းအရွှေ့ #နောက်ဆုံးရသတင်းများ
#YMG #Yangon_Times
- Category: World