20 December 2023
၂၀၂၃ ခုနှစ် ဒီဇင်ဘာလ ၂၀ ရက်နေ့တွင် မန္တလေးအပြည်ပြည်ဆိုင်ရာ ကုန်စည်ပြပွဲကို မြန်မာနိုင်ငံရှိ Mandalay Convention Center တွင် စတင်ကျင်းပခဲ့ပါသည်။ တရုတ်နိုင်ငံ ယူနန်ပြည်နယ်ရှိ အကြီးဆုံး နိုင်ငံတကာ ကုန်သွယ်မှု လုပ်ငန်းများစုဝေးရာဥယျာဉ်ဇုန် - တရုတ်နိုင်ငံ(ယူနန်) ရှေ့ပြေး လွတ်လပ်သောကုန်သွယ်ရေးဇုန်၏ ကူမင်းဒေသ နိုင်ငံတကာကုန်သွယ်မှု လုပ်ငန်းစု ဥယျာဉ်ဇုန် (အောက်ပါစာပိုဒ်များတွင်" ဥယျာဉ်ဇုန်" ဟု ခေါ်ဆိုပါမည်) သည် ပူးပေါင်းထုတ်လုပ်ထားသော အမှတ်တံဆိပ် ၄၀ ကျော်၏ ကုန်ပစ္စည်းများကို ကုန်စည်ပြပွဲ၌ ပါဝင်ပြသခဲ့ပါသည်။ ဥယျာဉ်ဇုန် သည် မန္တလေးအပြည်ပြည်ဆိုင်ရာ ကုန်စည်ပြပွဲတွင် ပထမဆုံးအကြိမ် ပါဝင်ပြသ မြန်မာနိုင်ငံတွင် ကျင်းပသည့် ကုန်စည်ပြပွဲတွင် ဥယျာဉ်ဇုန်သည် ပထမဆုံးအကြိမ်အဖြစ် တရားဝင် ပါဝင်ခြင်းဖြစ်ပါသည်။ ဥယျာဉ်ဇုန် သည် ပူးပေါင်းထုတ်ကုန် အမှတ်တံဆိပ် ၄၀ ကျော်မှ အရည်အသွေးမြင့် ထုတ်ကုန်များကို ပြပွဲသို့ ယူဆောင်လာပါသည်။ ကုန်ပစ္စည်းအမျိုးအစားများမှာ အိမ်သုံးပစ္စည်းများ၊ နေ့စဉ်သုံး ဓာတုပစ္စည်းများ၊ နေ့စဉ်သုံးပစ္စည်းများ၊ သရေစာများ၊ အာဟာရ ပစ္စည်းများ၊ ဟင်းခတ်အမွှေးအကြိုင်များ၊ ယူနန်ဒေသထွက်ကုန်များ၊ စာရေးကိရိယာများ၊ အားကစားပစ္စည်းများ စသည်တို့ ပါဝင်ပါသည်။ ယင်းပြပွဲတွင် ဥယျာဉ်ဇုန်မှ ပါဝင်ပြသသည့် အဓိက ရည်ရွယ်ချက် ၃ ချက် ရှိပါသည်။ ပထမအနေဖြင့် တရုတ်နိုင်ငံ၏ အမှတ်တံဆိပ်များကို ကမ္ဘာသို့ မြှင့်တင်ရန်၊ တရုတ်နိုင်ငံ၏ အရည်အသွေးမြင့် ထုတ်ကုန်များကို လူအများ ပိုမိုခံစားနိုင်စေရန်ဖြစ်ပါသည်။ ဒုတိယအနေဖြင့် မြန်မာနိုင်ငံရှိ ကုန်အမှတ်တံဆိပ် အေးဂျင့်များနှင့် ဒေသခံ e-commerce တိုက်ရိုက်ထုတ်လွှင့်သူများ ပူးပေါင်း၍ အွန်လိုင်းနှင့် အော့ဖ်လိုင်း ပေါင်းစပ်ထားသော အပြည့်အ၀ စျေးကွက်ရှာဖွေရေး ဆန်းသစ်တီထွင်မှု ပုံစံသစ်ကို ပူးပေါင်းဖန်တီးနိုင်ရန် အခွင့်အလမ်းများကို ရှာဖွေရန်၊ တိုးတက်မှုကိုမြှင့်တင်ကာ အပြန်အလှန်အောင်မြင်မှုနှင့် ပူးပေါင်းဆောင်ရွက်မှု အကျိုးအမြတ်အတူခံစားရန် ဖြစ်ပါသည်။ တတိယအချက် အနေဖြင့် မတူကွဲပြားမှုများကို သရုပ်ပြရန်၊ ဥယျာဉ်ဇုန်၏ စီးပွားရေး ဖွံ့ဖြိုးတိုးတက်မှုကို ပြင်ပကမ္ဘာသို့ အားကောင်းစေပြီး ဥယျာဉ်ဇုန်နှင့် ဥယျာဉ်ဇုန်အတွင်း အခြေချလုပ်ကိုင်သည့် လုပ်ငန်းရှင်များ "ကမ္ဘာတစ်ဝှမ်းသို့သွားရောက်ခြင်း" အား အကောင်အထည် ပေါ်စေရန်ဖြစ်ပါသည်။ ကုန်စည်ပြပွဲ အလွန်စည်ကား ကုန်စည်ပြပွဲသည် အလွန်စည်ကားပြီး ဥယျာဉ်ဇုန် ပြခန်းများတွင် ကုန်ပစ္စည်းမျိုးစုံဖြင့် ပူးပေါင်းထုတ်ကုန် အမှတ်တံဆိပ် ၄၀ ကျော်မှ ကုန်ပစ္စည်းများကို ပြသထားပါသည်။ ပြပွဲဧရိယာ အတွင်းရှိ လေထုသည် နွေးထွေးပြီး အဆုံးမရှိ လာရောက်ကြည့်ရှုသူများလည်း များပြားပါသည်။ ဝန်ထမ်းများဟာလည်း ဥယျာဉ်ဇုန်၏ အားသာချက်များနှင့် ထုတ်ကုန်အင်္ဂါရပ်များကို စိတ်အားထက်သန်စွာ မိတ်ဆက်ကာ ဖောက်သည်များနှင့် နက်နက်ရှိုင်းရှိုင်း ဖလှယ်မှုနှင့်ဆွေးနွေးမှုများ ပြုလုပ်ခဲ့ပါသည်။ တစ်ချိန်တည်းမှာပင် ဥယျာဉ်ဇုန်သည် ထုတ်ကုန်ပြသမှု၊ သရုပ်ပြမှုများနှင့် ရှင်းပြချက်များမှ တစ်ဆင့် ပရိသတ်များနှင့် အလားအလာရှိသော မိတ်ဖက်များကို ပိုမိုဆွဲဆောင်နိုင်ရန် အရောင်းမြှင့်တင်ရေး ဝန်ထမ်းများကိုလည်း စီစဉ်ပေးထားပါသည်။ ကုန်စည်ပြပွဲ တစ်ခုလုံးသည် စီးပွားရေး အခွင့်အလမ်းများနှင့် ပူးပေါင်းဆောင်ရွက်မှု အငွေ့အသက်များ ပြည့်နှက်နေပြီး ဥယျာဉ်ဇုန် ပြခန်းများသည် ဧည့်သည်များနှင့် အလားအလာရှိသော မိတ်ဖက်များစွာ၏ အာရုံစိုက်မှုကို ရရှိခဲ့ပါသည်။ ဥယျာဉ်ဇုန်တာဝန်ခံ၏ ပြောကြားချက်အရ အဆိုပါ ပြပွဲသည် ဥယျာဉ်ဇုန်နှင့် AJ Myanmar Group တို့ ပူးပေါင်းပြီး အပြန်အလှန် အကျိုးပြုသည့် ကြိုးပမ်းမှုဖြစ်ကာ နှစ်ဘက်စလုံးအတွက် အလွန်အရေးကြီးကြောင်း သိရှိရပါသည်။ ဥယျာဉ်ဇုန်နှင့် AJ Myanmar Group အကြား ပူးပေါင်းဆောင်ရွက်မှုသည် တရုတ်နှင့် မြန်မာအကြား စီးပွားရေးနှင့် ကုန်သွယ်မှု ဖလှယ်မှုနှင့် ပူးပေါင်းဆောင်ရွက်မှုကို အားကောင်းစေမည်ဖြစ်ပါသည်။ ယူနန်ပြည်နယ်ရှိ အကြီးဆုံး နိုင်ငံတကာ ကုန်သွယ်မှု လုပ်ငန်းများစုဝေးရာ ဥယျာဉ်ဇုန် CHINA · YUNNAN PILOT FREE TRADE ZONE INTERNATIONAL TRADE ENTERPRISE CLUSTER PARK သည် No.367, Yi'an Road, Guandu District, Kunming City, Yunnan Province, China တွင်တည်ရှိပြီး ဧရိယာ ၁၀,၀၀၀ စတုရန်းမီတာ ကျော်ကျယ်ဝန်းကာ ယူနန်ပြည်နယ်ရှိ အကြီးဆုံး နိုင်ငံတကာ ကုန်သွယ်မှု လုပ်ငန်းစု ဥယျာဉ်ဇုန် ဖြစ်ပါသည်။ Guandu District တွင် ဖွဲ့စည်းထားသော လွတ်လပ်သောကုန်သွယ်မှု ဒစ်ဂျစ်တယ် ဆိပ်ကမ်းနှင့် စျေးကွက်ဝယ်ယူရေး ကုန်သွယ်မှုပလက်ဖောင်းကို အခြေခံ၍ ဥယျာဉ်ဇုန်သည် ထောက်ပံ့ရေးကွင်းဆက်၊ စက်မှုကွင်းဆက်နှင့် အခြားအခြေခံအရင်းအမြစ်များကို ပေါင်းစပ်ကာ ကျယ်ကျယ်ပြန့်ပြန့် နိုင်ငံခြားကုန်သွယ်မှုကို ထောက်ပံ့ပေးသည့် ဝန်ဆောင်မှုများကို ပံ့ပိုးပေးကာ နိုင်ငံတကာနှင့် စီးပွားရေးလုပ်ငန်းများကို ဆွဲဆောင်လျက်ရှိပါသည်။ ဥယျာဉ်ဇုန်သည် "Liangyatong" နိုင်ငံခြားကုန်သွယ်မှု ကျယ်ကျယ်ပြန့်ပြန့် ဝန်ဆောင်မှုပေးသည့် ပလက်ဖောင်းနှင့် နယ်စပ် ဖြတ်ကျော် e-commerce စင်တာ၊ ဒစ်ဂျစ်တယ် ဝန်ဆောင်မှု ကုန်သွယ်မှုစင်တာ၊ နိုင်ငံခြား ကုန်သွယ်မှု လုပ်ငန်းစုဝေးရာ စင်တာ၊ နိုင်ငံတကာ ထုတ်ကုန်ရွေးချယ်ရေးစင်တာ၊ ကုန်သွယ်မှု ဒေတာစင်တာ၊ နိုင်ငံခြားငွေပေးချေမှုစင်တာ၊ အရည်အချင်းပြည့်မီသည့် လူတော်စုဆောင်း ရေးစင်တာစသည်များကိုအဓိကထားလျက် လွတ်လပ်သောကုန်သွယ်မှုနယ်မြေ Guandu District ရှိ အလုံးစုံသော နိုင်ငံတကာကုန်သွယ်မှုလုပ်ငန်းစုပလက်ဖောင်းကို ဖန်တီးခဲ့ပါသည်။ လက်ရှိတွင် ဥယျာဉ်ဇုန်၏လုပ်ငန်းသည် အဓိကအားဖြင့် ကဏ္ဍကြီးသုံးခုပါဝင်ပါသည်- (၁) ပြည်ပကုန်သွယ်မှုအထွေထွေဝန်ဆောင်မှုဖြစ်ပါသည်။ ပုံမှန်ကုန်သွယ်မှု၊ နယ်စပ်ဖြတ် ကျော် အီလက်ထရောနစ် ကူးသန်းရောင်းဝယ်ရေး (e-commerce)၊ စျေးကွက်ဝယ်ယူရေး၊ ပြန်လည်တင်ပို့ ရောင်းဝယ်ရေး စသည့်ကုန်သွယ်မှုနည်းလမ်းများအပေါ် အာရုံစိုက်ကာ၊ အင်တာနက်ပလက်ဖောင်းမှတဆင့် ပြည်တွင်း ပြည်ပလုပ်ငန်းများကို အရည်အချင်းပြည့်မီအောင် ဆောင်ရွက်ပေးခြင်း၊ ကုန်စည် စစ်ဆေးခြင်းနှင့် အကောက်ခွန်ကြေညာခြင်း၊ နိုင်ငံတကာ ထောက်ပံ့ပို့ဆောင်ရေး၊ နိုင်ငံရပ်ခြား သိုလှောင်ရုံ၊ နိုင်ငံခြားငွေ စုဆောင်းခြင်းနှင့် ငွေပေးချေခြင်း၊ ပို့ကုန်အခွန်ငွေ ပြန်အမ်းပေးခြင်းများ၊ အကြွေးအာမခံ ဘဏ္ဍာငွေ၊ နယ်စပ်ဖြတ်ကျော်လုပ်ကိုင်ခြင်း စသည့်ပြည်ပကုန်သွယ်မှု One Stop ဝန်ဆောင်မှုများအား ဆောင်ရွက်ပေးပါသည်။ (၂) e-commerce ဝန်ဆောင်မှုဖြစ်ပါသည်။ တိုက်ရိုက်ထုတ်လွှင့်သည့် ပလက်ဖောင်းများ၊ တိုက်ရိုက်ထုတ်လွှင့်သည့်လူတော်များ၊ ထုတ်ကုန်ကွင်းဆက်စသည့် အရင်းအမြစ်များမှတဆင့် တိုက်ရိုက်ထုတ်လွှင့်သည့်ဝန်ဆောင်မှုများကို မြှင့်တင်ပေးနိုင်ပါသည်။ လက်ရှိတွင် အမှတ်တံဆိပ်နှင့် လုပ်ငန်းပေါင်း ၁၀၀ ကျော်သည် ဥယျာဉ်ဇုန်နှင့် ပူးပေါင်းဆောင်ရွက် လျက်ရှိပါသည်။ SKU အမျိုးအစား ၁၀၀၀၀ ကျော်ရှိပါသည်။ (၃) လူ့စွမ်းအားအရင်းအမြစ် ဝန်ဆောင်မှုဖြစ်ပါသည်။ အာရှဒေသနှစ်ခုအတွက် လူ့စွမ်းအား အရင်းအမြစ်မျိုးစုံနှင့် အရည်အချင်းပြည့်မီသည့် လူတော်များပံ့ပိုးပေးရန်၊ အရည်အချင်းပြည့်မီသော လူတော်စုဆောင်းခြင်း၊ အရည်အချင်းပြည့်မီသော လူတော်မွေးထုတ်ခြင်း ၊ စီမံခန့်ခွဲမှု အတိုင်ပင်ခံနှင့် ခေါင်းဆောင်ရှာဖွေခြင်း ဝန်ဆောင်မှုများကဲ့သို့သော ဆက်စပ်စီးပွားရေးလုပ်ငန်းများနှင့် စက်မှုလုပ်ငန်းများ ဖွံ့ဖြိုးတိုးတက်ရေးကို မြှင့်တင်မည်ဖြစ်ပါသည်။ နိုင်ငံရပ်ခြား မိတ်ဖက်များကို ရှာဖွေ ဥယျာဉ်ဇုန်သည် နိုင်ငံရပ်ခြားတွင် ကုန်အမှတ်တံဆိပ်အေးဂျင့်များနှင့် e-commerce တိုက်ရိုက်ထုတ်လွှင့်သူများကို ရှာဖွေလျက်ရှိပါသည်။ တစ်ချိန်တည်းမှာပင် ဥယျာဉ်ဇုန် သည် Facebook ပလက်ဖောင်းတွင် အကောင့်ဖွင့်ထားပြီး စိတ်ပါဝင်စားသူများသည် "LYT Myanmar" အကောင့်ကို ရှာဖွေကာ အသေးစိတ်အချက်အလက်များအတွက် ဥယျာဉ်ဇုန်သို့ ဆက်သွယ် နိုင်ပါသည်။
(၃) လူ့စွမ်းအားအရင်းအမြစ် ဝန်ဆောင်မှုဖြစ်ပါသည်။ အာရှဒေသနှစ်ခုအတွက် လူ့စွမ်းအား အရင်းအမြစ်မျိုးစုံနှင့် အရည်အချင်းပြည့်မီသည့် လူတော်များပံ့ပိုးပေးရန်၊ အရည်အချင်းပြည့်မီသော လူတော်စုဆောင်းခြင်း၊ အရည်အချင်းပြည့်မီသော လူတော်မွေးထုတ်ခြင်း ၊ စီမံခန့်ခွဲမှု အတိုင်ပင်ခံနှင့် ခေါင်းဆောင်ရှာဖွေခြင်း ဝန်ဆောင်မှုများကဲ့သို့သော ဆက်စပ်စီးပွားရေးလုပ်ငန်းများနှင့် စက်မှုလုပ်ငန်းများ ဖွံ့ဖြိုးတိုးတက်ရေးကို မြှင့်တင်မည်ဖြစ်ပါသည်။
နိုင်ငံရပ်ခြား မိတ်ဖက်များကို ရှာဖွေ
ဥယျာဉ်ဇုန်သည် နိုင်ငံရပ်ခြားတွင် ကုန်အမှတ်တံဆိပ်အေးဂျင့်များနှင့် e-commerce တိုက်ရိုက်ထုတ်လွှင့်သူများကို ရှာဖွေလျက်ရှိပါသည်။ တစ်ချိန်တည်းမှာပင် ဥယျာဉ်ဇုန် သည် Facebook ပလက်ဖောင်းတွင် အကောင့်ဖွင့်ထားပြီး စိတ်ပါဝင်စားသူများသည် "LYT Myanmar" အကောင့်ကို ရှာဖွေကာ အသေးစိတ်အချက်အလက်များအတွက် ဥယျာဉ်ဇုန်သို့ ဆက်သွယ် နိုင်ပါသည်။
- Category: China_Myanmar
- Hits: 125
၂၀ ဒီဇင်ဘာ ၂၀၂၃
တရုတ်နိုင်ငံအနေနှင့် မြန်မာနိုင်ငံမြောက်ပိုင်း ငြိမ်းချမ်းရေးလုပ်ငန်းစဉ်နှင့် သက်ဆိုင်တဲ့အဖွဲ့တွေအကြား ထိတွေ့ဆက်ဆံဆွေးနွေးရေးတွေကို ခိုင်မာစွာထောက်ခံတယ်လို့ တရုတ်နိုင်ငံခြားရေးဝန်ကြီးဌာနကပြောကြားလိုက်ပါတယ်။
“ တရုတ်နိုင်ငံဟာ မြန်မာနိုင်ငံမြောက်ပိုင်းငြိမ်းချမ်းရေးလုပ်ငန်းစဉ်ကိုထောက်ခံပါတယ်။ မြန်မာနိုင်ငံက သက်ဆိုင်တဲ့အဖွဲ့တွေထိတွေ့ ဆက်ဆံဆွေးနွေးကြဖို့ ထောက်ခံအားပေးမှုတွေနှင့် ပံ့ပိုးမှုတွေလုပ်ခဲ့ပါတယ်။ ဒီပြဿနာနှင့်ပတ်သက်လို့ တရုတ်နိုင်ငံရဲ့ ရပ်တည်ချက် ဟာ တစ်သတ်မတ်တည်းပဲဖြစ်တယ်။ သဘောတူထားခဲ့ကြတာတွေကို သက်ဆိုင်တဲ့အဖွဲ့တွေက အရှိန်မြှင့် လုပ်ဆောင်နိုင်ပြီး အဆုံးစွန်သည်းခံကြကာ မြေပြင်အခြေအနေသက်သာလျော့ပါးလာအောင်တက်ကြွစွာဆောင်ရွက်တာ၊ ပြတ်တောင်းပြတ်တောင်းဖြစ်ပွား နေတဲ့ ထိပ်တိုက်ရင်ဆိုင်မှုတွေကို မဆိုင်းမတွစီမံထိန်းသိမ်းတာ၊ ပြီးတော့ မြန်မာပြည်မြောက်ပိုင်းအခြေအနေတွေကို အကျသက်သာညှင်သာစေဖို့အတူတကွလုပ်ဆောင်တာတွေကို မျှော်လင့်ပါတယ်” လို့ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် ဝမ်ဝေပင်းက ဒီဇင်ဘာ ၁၉ရက်ကပြုလုပ်တဲ့ ပုံမှန်သတင်းစာရှင်းလင်းပွဲမှာ ပြောကြားခဲ့ပါတယ်။
တရုတ်နိုင်ငံရဲ့ကြားဝင်စေ့စပ်မှုနှင့် မြန်မာပြည်မြောက်ပိုင်းမှာ ယာယီအပစ်အခတ်ရပ်စဲဖို့သဘောတူထားသော်လည်း ပဋိပက္ခတွေဆက်ဖြစ်နေတဲ့အပေါ် ဝမ်ဝေပင်းက ပြောကြားခဲ့တာဖြစ်ပါတယ်။
Source CCTV+
-ymg/knl
- Category: China_Myanmar
- Hits: 124
#Local_News
Published_ 20 December 2023
တရုတ်နိုင်ငံနှင့် အာဆီယံအဖွဲ့ဝင်နိုင်ငံများနှင့် လန်ချန်း-မဲခေါင်ဒေသ နိုင်ငံများ အကြား ပူးပေါင်းဆောင်ရွက်မှုများ၊ ဆက်လက် ဆောင်ရွက်မည့် လုပ်ငန်းစဉ်များကို မြန်မာသံအမတ်ကြီး ဦးတင်မောင်ဆွေသည် Jiangxi ပြည်နယ်၊ ဒုတိယ အုပ်ချုပ်ရေးမှူး H.E. Mr. Xia Wenyong နှင့်တွေ့ဆုံဆွေးနွေးခဲ့ကြောင်း သိရပါတယ်။
တရုတ်နိုင်ငံဆိုင်ရာ မြန်မာသံအမတ်ကြီး ဦးတင်မောင်ဆွေသည် Jiangxi ပြည်နယ်၊ Yingtan မြို့၌ ဒီဇင်ဘာ ၁၉ ရက်တွင် ကျင်းပခဲ့တဲ့ “2023 Forum on Lancang-Mekong Local Government Cooperation and Dialogue between Historic and Cultural Cities of Lancang-Mekong Countries” သို့ တက်ရောက်၍ မိန့်ခွန်းပြောကြားခဲ့ပါတယ်။
မြန်မာနိုင်ငံအနေဖြင့် ယူနန်ပြည်နယ်၊ ကွမ်ရှီးကိုယ်ပိုင်အုပ်ချုပ်ခွင့်ရ ဒေသ၊ ချုံချင့်မြူနီစီပါယ်မြို့တို့နှင့် ပြည်နယ်အစိုးရခြင်း ချိတ်ဆက်ဆောင်ရွက်နေမှုများ၊ လန်ချန်း -မဲခေါင် နိုင်ငံများရှိ ပြည်နယ်အစိုးရများအကြား ချိတ်ဆက်ဆောင်ရွက်ခြင်းဖြင့် ဒေသခံ ပြည်သူများအကြား ကူးလူးဆက်ဆံမှု၊ ယဉ်ကျေးမှုဖလှယ်မှု၊ အပြန်အလှန် ရင်းနှီးမြှုပ်နှံမှု၊ ကုန်စည်ကူးသန်းရောင်းဝယ်မှုများ ပိုမိုတိုးတက် ချိတ်ဆက်လုပ်ဆောင်နိုင်မည့် အခြေအနေများ၊ မြန်မာနိုင်ငံအနေဖြင့် တရုတ်နိုင်ငံနှင့်သာမက မဲခေါင်ဒေသ ၅ နိုင်ငံတို့၏ ပြည်နယ်အစိုးရများနှင့် ပူးပေါင်းဆောင်ရွက်နေတယ်လို့ ဆိုပါတယ်။
အဆိုပါအခမ်းအနားသို့ Jiangxi ပြည်နယ် ဒုတိယအုပ်ချုပ်ရေးမှူး H.E. Mr. Xia Wenyong၊ Chinese People's Association for Friendship with Foreign Countries (CPAFFC) ဒုတိယ ဥက္ကဋ္ဌ Mr. Yuan Mindao၊ မဲခေါင်-လန်ချန်း ပူးပေါင်းဆောင်ရွက်မှု အဖွဲ့ဝင်နိုင်ငံများမှ မြို့တော် ဝန်များ၊ ရန်ကုန်မြို့ ဒုတိယမြို့တော်ဝန် ဦးညီညီ ဉီးဆောင်ပြီး မန္တလေးမြို့စည်ပင်သာယာရေး ကော်မတီ၊ အတွင်းရေးမှူး ဦးဝင်းမောင် ပါဝင်သည့် မြန်မာကိုယ်စားလှယ်အဖွဲ့ တက်ရောက်ခဲ့ကြပါတယ်။
Dialogue between Historic and Cultural cities of Lanchang-Mekong countries အစီအစဉ်၏ Session 2: Carrying Forward Traditional Culture for Cultural Innovation and Mutual Learning ခေါင်းစဉ်ဖြင့် ရန်ကုန်မြို့ ဒုတိယ မြို့တော်ဝန် ဦးညီညီ က လည်းကောင်း၊ Session 3: Developing Tourism Resources for Common Prosperity ခေါင်းစဉ်ဖြင့် မန္တလေးမြို့စည်ပင်သာယာရေး ကော်မတီ၊ အတွင်းရေးမှူး ဦးဝင်းမောင် တို့က ဆွေးနွေးခဲ့ကြပါတယ်။
#Local_News #လန်ချန်း-မဲခေါင်ဒေသ #ymg_mnn #Yangon_Media_Group
- Category: China_Myanmar
- Hits: 72
Published -16 Dec 2023
မြန်မာနိုင်ငံမြောက်ပိုင်း အပစ်အခတ်ရပ်စဲ၍ ငြိမ်းချမ်းရေးဆွေးနွေးမှု မြှင့်တင်ရေးလုပ်ငန်းများဆက်လက်လုပ်ဆောင်မယ်လို့ တရုတ်နိုင်ငံခြားရေးဝန်ကြီး Mr. Wang Yi မစ္စတာဝမ်ယီက ပြောကြားလိုက်ပါတယ်။
တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး Mr. Wang Yi နှင့် ပေကျင်းမြို့၌ တရုတ်နိုင်ငံအခြေစိုက် အာဆီယံနိုင်ငံ ၁၀ နိုင်ငံမှ သံတမန်များဒီဇင်ဘာလ ၁၅ ရက်တွင်
တွေ့ဆုံခဲ့ရာတွင်ပြောကြားခြင်းဖြစ်ပါတယ်။
-ymg/knl
- Category: China_Myanmar
- Hits: 114
တရုတ်ကွန်မြူနစ်ပါတီ (CPC) ဗဟိုကော်မတီရဲ့ အထွေထွေ အတွင်းရေးမှူးဖြစ်တဲ့အပြင် တရုတ်သမ္မတလည်းဖြစ်တဲ့ ရှီကျင့်ဖင်ဟာ ဗီယက်နမ်မြို့တော် ဟနွိုင်းမှာ ဗုဒ္ဓဟူးနေ့နံနက်က ဗီယက်နမ်ဝန်ကြီးချုပ် ဖမ်မင်းချင်းနဲ့ တွေ့ဆုံခဲ့ပါတယ်။
တရုတ်သမ္မတဖြစ်လာပြီးနောက် ရှီကျင့်ဖင်ဟာ ဗီယက်နမ်သို့ တတိယအကြိမ် ရောက်ရှိတာဖြစ်ပြီး ၂၀၁၇ နိုဝင်ဘာလက နောက်ဆုံးရောက်ရှိခဲ့တာ ဖြစ်ပါတယ်။
#Asia_Development
#Published 15 December 2023
#Yangon_Times #Daily_News #YMG_News #Yangon_Media_Group
- Category: China_Myanmar
- Hits: 110
၁၄ ဒီဇင်ဘာ ၂၀၂၃
တပ်မတော်နှင့်မြောက်ပိုင်း ၃ ဖွဲ့နှင့်ယာယီအပစ်အခတ်ရပ်စဲ၍ ဆွေးနွေးမှုထိန်းသိမ်းထားရန် သဘောတူညီချက်ရရှိခဲ့ကြောင်း
တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ပြောကြားလိုက်သည်။
တရုတ်နိုင်ငံခြားရေးဝန်ကြီးဌာန၏သတင်းစာရှင်းလင်းပွဲတွင် သတင်းထောက်က တရုတ်နိုင်ငံ၏ကူညီမှုဖြင့် မြန်မာနိုင်ငံအစိုးရနှင့် MNDAA ၊ TNLA ၊ AA တို့နှင့် တွေ့ဆုံပွဲကျင်းပခဲ့သည့်အပေါ် မေးမြန်းစဉ် ယင်းက အထက်ပါအတိုင်း ပြောကြားခြင်းဖြစ်သည်ဟုသိရသည်။
တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Mao Ning က တရုတ်နိုင်ငံသည် မြန်မာနိုင်ငံမြောက်ပိုင်း ငြိမ်းချမ်းရေးလုပ်ငန်းစဉ်ကို အမြဲတစေပြတ်သားစွာထောက်ခံအားပေးပြီး မြန်မာနိုင်ငံ သက်ဆိုင်ရာဘက်အသီးသီး တွေ့ဆုံဆွေးနွေးရေးအတွက် ပံ့ပိုးမှုနှင့် အဆင်ပြေချောမွေ့စေရန် အမြဲလုပ်ဆောင်လျက်ရှိကြောင်း၊ မြန်မာနိုင်ငံမြောက်ပိုင်း “၁၀၂၇” ပဋိပက္ခဖြစ်ပွားလာကတည်းက တရုတ်နိုင်ငံသည် မြန်မာနိုင်ငံသက်ဆိုင်ရာဘက်အသီးသီး အပစ်အခတ်ရပ်စဲ၍ ဆွေးနွေးရေးလုပ်ငန်းကို အဆက်မပြတ်ကြိုးပမ်းလုပ်ဆောင်လျက်ရှိပြီး အခြေအနေတည်ငြိမ်အေးချမ်းလာစေရန် ဖော်ဆောင်လျက်ရှိကြောင်း၊ မကြာသေးမီက တရုတ်နိုင်ငံ၏ကြားဝင်စေ့စပ် ကူညီဖော်ဆောင်မှုဖြင့် မြန်မာနိုင်ငံ တပ်မတော်နှင့် MNDAA ၊ TNLA ၊ AA တို့သည် တရုတ်နိုင်ငံပြည်တွင်း၌ ငြိမ်းချမ်းရေးဆွေးနွေးမှုကျင်းပခဲ့ရာ ယာယီအပစ်အခတ်ရပ်စဲ၍ ဆွေးနွေးမှုထိန်းသိမ်းထားရန် စသည့်ကိစ္စရပ်များနှင့်စပ်လျဉ်း၍ သဘောတူညီချက်ရရှိခဲ့ကြောင်း၊ လက်ရှိတွင် မြန်မာနိုင်ငံမြောက်ပိုင်း၌ ပဋိပက္ခဖြစ်ပွားမှုများ သိသိသာသာလျော့နည်းလာကြောင်း၊ ၎င်းသည်မြန်မာနိုင်ငံ သက်ဆိုင်ရာဘက်အသီးသီး၏အကျိုးစီးပွားနှင့် ကိုက်ညီသည့်အပြင် တရုတ်-မြန်မာနယ်စပ်ဒေသ တည်ငြိမ်အေးချမ်းမှု ထိန်းသိမ်းရန်အတွက်လည်း အထောက်အကူဖြစ်ကြောင်း၊ တရုတ်နိုင်ငံက မြန်မာနိုင်ငံသက်ဆိုင်ရာ ဘက်အသီးသီးမှ ရရှိပြီးသည့် သဘောတူညီချက်များကို အရှိန်မြှင့်အကောင်အထည်ဖော်ဆောင်ပြီး အပြန်အလှန်အတတ်နိုင်ဆုံး ထိန်းသိမ်းစွာလုပ်ဆောင်ကာ လက်ရှိအခြေအနေတင်းမာမှု လျော့ကျလာစေ၍ ရုတ်တရက်ဖြစ်ပွားမှုများကို အချိန်မီစီမံထိန်းချုပ်ခြင်းဖြင့် မြန်မာနိုင်ငံမြောက်ပိုင်းအခြေအနေ အဆင်ပြေချောမွေ့စွာဖြေရှင်းမှု (Soft Landing) အား အတူတကွဖော်ဆောင်ရန်မျှော်လင့်ကြောင်း ပြောကြားခဲ့သည်ဟု မြန်မာနိုင်ငံဆိုင်ရာ တရုတ်သံရုံးက ထုတ်ပြန်ထားသည်။
- Category: China_Myanmar
- Hits: 117
Published 14 December 2023
လန်ချန်း - မဲခေါင် ပူးပေါင်းဆောင်ရွက်ရေး အထူးရန်ပုံငြွေဖင့် ထိုင်းနိုင်ငံ Khon Kaen University က အကောင်အထည်ဖော် ဆောင်ရွက်မည့် LMC Strengthening Dairy Innovation (SDI) Programme စီမံကိန်းကို လာမည့် ၂၀၂၄ ခုနှစ်တွင် စတင်မည် ဖြစ်ကာ အဆိုပါစီမံကိန်း အနေဖြင့် လန်ချန်း - မဲခေါင် မြစ်ဝှမ်းဒေသအတွင်းရှိ တရုတ်၊ ထိုင်း၊ မြန်မာ၊ လာအို၊ ဗီယက်နမ်၊ ကမ္ဘောဒီးယား နိုင်ငံ များမှ နို့စားနွားမွေးမြူရေးနှင့် နို့နှင့် နို့ထွက်ပစ္စည်း ထု
တ်လုပ်မှု လုပ်ငန်းများ အဆင့်မြှင့်တင်ရေးကို ဆောင်ရွက်သွားမည် ဖြစ်ကြောင်း မြန်မာနိုင်ငံမွေးမြူရေးလုပ်ငန်းအဖွဲ့ချုပ် မြန်မာနိုင်ငံနို့လုပ်ငန်းအသင်းမှ သိရသည်။
စီမံကိန်းအရ (၁) သက်ဆိုင်ရာနိုင်ငံများမှ မွေးမြူရေးဆိုင်ရာ ကျွမ်းကျင်သူများ၊ နို့စားနွားမွေးမြူသူများ၊ နို့ နှင့် နို့ထွက်ပစ္စည်းထုတ်လုပ်သူများအား နည်းပညာသင်တန်းများ ပို့ချပေးခြင်း၊ (၂) နည်းပညာဆိုင်ရာ အလုပ်ရုံ ဆွေးနွေးပွဲများ ကျင်းပခြင်း၊ (၃) မဲခေါင် - လန်ချန်းဒေသတွင်း နိုင်ငံများအကြား နို့စားနွားမွေးမြူရေးနှင့်၊ နို့ နှင့် နို့ထွက်ပစ္စည်းထုတ်လုပ်ရေးဆိုင်ရာ ကွန်ယက် ဖွဲ့စည်းတည်ထောင်ခြင်း လုပ်ငန်းများကို ဆောင်ရွက်သွားမည် ဖြစ်ကြောင်း သိရ
သည်။
အဆိုပါ သင်တန်းများနှင့်အလုပ်ရုံဆွေးနွေးပွဲများ ကို ၂၀၂၄ ခုနှစ် မေလ တွင် စတင်နိုင်ရန် ပြင်ဆင်ထားသောကြောင့် ယင်း သင်တန်းများ နဲ့ အလုပ်ရုံဆွေးနွေးပွဲကို မြန်မာနိုင်ငံမှ သင်တန်းသားများ စေလွှတ်နိုင်ရေး အတွက် မြန်မာနိုင်ငံမွေးမြူရေးလုပ်ငန်းအဖွဲ့ချုပ်၊ မြန်မာနိုင်ငံနို့လုပ်ငန်း အသင်းတို့က သက်ဆိုင်ရာအဖွဲ့အစည်းများသို့ ဆက်သွယ်ညှိနှိုင်းဆောင်ရွက်လျက်ရှိက စိတ်ပါဝင်စားသည့် နို့စားနွားမွေးမြူသူများ၊ နို့နှင့် နို့ထွက်ပစ္စည်း ထုတ်လုပ်သူများအနေဖြင့် သင်တန်းသွားရောက်ရန်နိုင်ငံကူးလက်မှတ် အပါအဝင် အခြား လိုအပ်နိုင်သည့် စာရွက်စာတမ်းများကို ကြိုတင်ပြင်ဆင်ထားရန်အတွက် မြန်မာနိုင်ငံမွေးမြူရေးလုပ်ငန်းအဖွဲ့ချုပ်၊ မြန်မာနိုင်ငံ နို့လုပ်ငန်းအသင်းမှ သတိပေးထုတ်ပြန်ထားသည်။
Yangon-Times/LW
#Local_News
#Published 14 December 2023
#Yangon_Times #Daily_News #YMG_News #Yangon_Media_Group
- Category: China_Myanmar
- Hits: 96